Xaliq İskəndərov

Vikipediya, açıq ensiklopediya
Jump to navigation Jump to search
Xaliq İskəndərov
Biznesmen Xaliq İskəndərov.jpg
Doğum tarixi 1982(1982-Şablondakı doğum və ya ölüm tarixində texniki yanlışlıq var!-00)
Doğum yeri Sumqayıt, Azərbaycan SSR, SSRİ
Təhsili

Xaliq İskəndərov — Azərbaycan əsilli amerikalı iş adamı.

Həyat və fəaliyyəti[redaktə | əsas redaktə]

Xaliq İskəndərov 1982–ci ildə Sumqayıt şəhərində anadan olub. Orta təhsilini 5-ci sinifə qədər Sumqayıt şəhər Təbiət Elmləri Təmayüllü Liseydə oxuyub. Sonra isə orta təhsilini Sumqayıt Özəl Türk Liseyində davam etdirib.

O, orta təhsilini bitirdikdən sonra Türkiyəyə yollanır. Ankara Dövlət Universitetinin İngilis dili filologiyası fakultəsinə daxil olur. 1 il oxuduqdan sonra, təhsilini İstanbul Ulduz Texniki Universitetində davam etdirir. Lakin daim yeniliklər ardınca qaçan həmyerlimiz, 2000-ci ildə ABŞ-ın Nyu-York Dövlət Universitetinin Beynelxalq əlaqələr fakultəsinə qəbul olur və ali təhsilini orada başa vurur.

Xaliq İskəndərov, dünyada ilk dəfə dəmirdən sərt və davamlı ''G10'' materiyalından hazırlanan qoruyucu telefon üzlüklərinin proyektini verən və istehsalını başladan Azərbaycan əsilli Amerikalı iş adamıdır. Xaliq İskəndərov həm də "Linen Micarta" şirkətinin həmtəsisçisidir. [1] "Linen Micarta"nın dizayner bürosu Nyu-Yorkda və Ohayoda yerləşir.

Amerika Birləşmiş Ştatlarının 42-ci prezidenti Bill Klinton və azərbaycanlı biznesmen Xaliq İskəndərov

Tələbəlik illərində fəallığı ilə seçilən Xaliq, ABŞ-ın keçmiş prezidenti Bill Klintonla da görüşməyə müvəffəq olub. Texnologiyaya həmişə maraq gösətərən həmyerlimiz, Amerikanın "AT and T” şirkətində kiçik biznes yaradır. Bir çox layihələrə imza atan gənc artıq 10 ildir ki, telefonlar üçün akssesuarlar hazırlayır. Belə ki, mobil cihazları müxtəlif zərbələrdən qorumaq üçün qablar hazırlayan Xaliq qeyri-adi bir materialdan istifadə edir. O, telefon örtüklərinin daha möhkəm və davamlı olması üçün, titan adlı metaldan istifadə etməyə qərar verib. Gülləyə belə davamlı olan bu metal qısa zaman ərzində insanların marağına səbəb olub. Bu örtük həm də telefonu zərərli radio dalğalardan da qoruyur.

Xaliq İskəndərov Amerikada bir çox sosial layihələrdə də fəallığı ilə seçilir. Nyu-Yorkda türk mədəniyyət mərkəzinin üzvü olan Xaliq bir çox xeyriyyə tədbirləri təşkil etmişdir. Amerikada ölkəmizin təbliğatı ilə məşğul olan İsgəndərov Novruz bayramı, xüsusi ilə Xocalı soyqrımı ilə bağlı tədbirlərin keçirilməsində daha böyük fəallıq göstərir. 5 müxtəlif dildə - türk, ingilis, rus, ərəbispan dillərində danışa bilən Xaliqin incəsənətə də marağı var. Belə ki o, kamança, tarsaz kimi alətlərdə ifa edərək, milli musiqimiz barədə ətrafındakı amerikalılarda maraqlı təsəvvürlər formalaşdırmışdır. [2]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Xaliq İskəndərov Amerika və Avropa bazarlarını ələ keçirdi - VİDEO
  2. Dünyada mobil texnologiyalar bazarını ələ keçirən sumqayıtlı Xaliq İsgəndərov kimdir? Qlobal. 15 Mart 2018. Daxil olma tarixi: 21 İyul 2018