Xallı dazı sovkası

Vikipediya, azad ensiklopediya
Jump to navigation Jump to search
Xallı dazı sovkası
Actinotia radiosa
Elmi təsnifat
Aləmi: Heyvanlar
Tip: Buğumayaqlılar
Sinif: Cücülər
Dəstə: Pulcuqlular
Fəsilə: Sovkalar
Cins: Actinotia
Növ: Xallı dazı sovkası
Elmi adı
Actinotia radiosa (Esper,1804)

Xallı dazı sovkası (lat. Actinotia radiosa) — pulcuqqanadlılar dəstəsinin sovkalar fəsiləsinə aid kəpənək növü.

Təsviri[redaktə | mənbəni redaktə et]

Qanadları açılmış halda 32-36 mm-dir. Ön qanadlar qırmızımtıl-qonur rəngdədir, üzərindəki haşiyə ağdır, qara rəngli pazşəkilli naxışla kəsişir. Yumuru və pazşəkilli naxışlar zəif görünür. Böyrəkşəkilli naxış qonur rəngdə olub, ortası qara, kənarları isə ağdır. Dalğavari zolaq dişlidir və "w" hərifinə oxşayır. Arxa qanadlar ağımtıldır. [1]

Yayılması[redaktə | mənbəni redaktə et]

Avropa, Rusiyanın cənubu və cənubi-şərqində, Şimali Qafqaz ərazilərində rast gəlinir. Azərbaycanda Kiçik Qafqazın cənub yamaclarında yayılıb.[2]

Həyat tərzi[redaktə | mənbəni redaktə et]

Dağətəyi bağlar, otluqlar və yabanı bitki biotopları. Həyat tərzi öyrənilməmişdir. Kəpənəyi işığa çox zəif sürətdə iyunda uçur. Tırtılı iyul və avqust aylarında xallı dazı bitkisi üzərində yaşayır.

Sayı[redaktə | mənbəni redaktə et]

Azsaylıdır, cəmi 2 kəpənəyi Ordubad rayonunun Biləv kəndində işıqdan tutulmuşdur. [3]

Məhdudlaşdırıcı amillər[redaktə | mənbəni redaktə et]

Yaşadığı biotopların və meşələrin əkin üçün istifadə olunması, həvəskar kolleksiyaçılar tərəfindən toplanması.

Qorunması üçün məsləhət görülmüş tədbirlər[redaktə | mənbəni redaktə et]

Yaşayış yerlərində yasaqlıq təşkil etmək.

İstinadlar[redaktə | mənbəni redaktə et]

  1. Azərbaycan Qırmızı Kitabı. 1989 İl.
  2. Azərbaycan Qırmızı Kitabı, Bakı, II Cild, 2013
  3. www.schmetterlinge-deutschlands.de Gefährdung

Ədəbiyyat[redaktə | mənbəni redaktə et]

  1. Azərbaycan Qırmızı Kitabı. 1989 İl.
  2. Azərbaycan Qırmızı Kitabı, Bakı, II Cild, 2013
  3. Ламперт К., Холодковский Н. Атлас Бабочек и гусениц Европы и отчасти Русско-Азиатских владений. С. Петербург, изд. А.Ф.Деврiена, 1913, с. 204;
  4. Алиев С.В. Совки (Lepidoptera, Noctuidae) Азербайджана. Баку: Элм, 1984. - 209 с.

Xarici keçidlər[redaktə | mənbəni redaktə et]

  1. Lepiforum e.V. Fotolar
  2. www.schmetterlinge-deutschlands.de Gefährdung
  3. Fauna Europaea