Xanımbacı Həsənova

Vikipediya, azad ensiklopediya
Jump to navigation Jump to search
XANIMBACI HƏSƏNOVA
Xanımbacı Həsənova.jpg
Doğum tarixi (59 yaş)
Doğum yeri Dəvəçi, Azərbaycan SSR
Peşəsi Aktrisa

Aktrisa. Televiziya aparıcısı. Veriliş ssenari müəllifi.

Həyatı[redaktə | əsas redaktə]

Xanımbacı Cabir qızı Həsənova 29 avqust 1961-ci ildə Dəvəçi rayonunda anadan olub. 1985-ci ildə M.A.Əliyev adına Azərbaycan Dövlət İncəsənət İnstitutuna daxil olub. 1978-ci ildən 1985-cı ilədək Dəvəçi rayon Mədəniyyət şöbəsində işləyib. 1986-cı ildən Akademik Milli Dram Teatrında, əvvəlcə kitabxana müdiri vəzifəsində çalışıb. 2002-ci ildən isə rejissor assistenti vəzifəsində işləyir. Bu illərdə N.Hikmətin "Kəllə", J.Molyerin "Skapenin kələkləri", A.Kamyunun "Ağlasığmaz qətl", İ.Şıxlının "Ölüləri qəbiristanlıqda basdırın", Ə.Əmirlinin "Varlı qadın", A.Şaiqin "Eloğlu" tamaşalarının və 2002 və 2006-cı illərin Yeni il şənliklərinin rejissor assistenti olmuşdur. 1998-ci ildə "Qırmızı qar" bədii filmində Əsmər rolunda çəkilmişdir. 2005-ci ildə İctimai televiziyada "Teatr əhvalatları" verilişinin ssenari müəlifi və aparıcısı olmuşdur. Uşaqlar üçün yazdığı nağıl tamaşalardan "Bizim qışın sərgüzəşti", "Tülkü, tülkü tünbəki", "Ağıllı kuklam", "Gəl baharım, gəl yazım" əsərləri Akademik Milli Dram Teatrında, Heydər Əliyev adına Tiflis Dövlət Azərbaycan Dram Teatrında, Lənkəran Dövlət Dram Teatrında, Gəncə Dövlət Dram Teatrında, Mingəçevir Dövlət Dram teatrında səhnələşdirilmişdir.

Filmoqrafiya[redaktə | əsas redaktə]

  1. Qırmızı qar (film, 1998)
  2. Teatr Əhvalatları (2005)