Xaqani Quluzadə
| Xaqani Quluzadə | |
|---|---|
| Quluzadə Xaqani Zahid oğlu | |
 | |
| Doğum tarixi | 6 avqust 1977 (46 yaş) |
| Doğum yeri | |
| Milliyyəti | Azərbaycanlı |
| Elmi dərəcəsi | |
Xaqani Quluzadə (tam adı:Quluzadə Xaqani Zahid oğlu; 6 avqust 1977, Marneuli rayonu) — Azərbaycan iş adamı, "Akkord Sənaye Tikinti İnvestisiya Korporasiyası" ASC-nin Direktorlar Şurasının sədri[1] (2010–2013), "International Construction Company" (Qazaxıstan) şirkətinin təsisçisi və Direktorlar Şurasının sədri.
Həyatı[redaktə | mənbəni redaktə et]
Xaqani Quluzadə 6 avqust 1977-ci ildə Gürcüstan Respublikasının Marneuli rayonunda[2] ziyalı ailəsində anadan olub[3].
Təhsil[redaktə | mənbəni redaktə et]
2015-ci ildə London İqtisadiyyat və Siyasi Elmlər Məktəbində "Executive Global Master’s in Management" proqramını müvəffəqiyyətlə bitirərək magistr dərəcəsini qazanmışdır[4].
İqtisad elmləri üzrə fəlsəfə doktorudur. 2003-cü ildə "Milli iqtisadiyyatın formalaşması prosesində dövlət investisiya siyasətinin prioritetləri" mövzusunda dissertasiyanı müvəffəqiyyətlə müdafiə etmişdir[5].
"Maliyyə" ixtisası üzrə magistr dərəcəsiylə Azərbaycan Dövlət İqtisad Universitetini və Bakı Dövlət Universitetinin Hüquq fakültəsini bitirmişdir (hər ikisi fərqlənmə ilə).
1993-cü ildə Bakı şəhəri 2 saylı texniki-humanitar liseyini qızıl medalla bitirmişdir.
Karyera[redaktə | mənbəni redaktə et]
2010-cu ilin avqust ayından 2013-cü ilin oktyabr ayınadək "Akkord Sənaye Tikinti İnvestisiya Korporasiyası" ASC-nin Baş direktoru, Direktorlar Şurasının sədri vəzifəsini tutmuşdur[6].
"International Construction Company" (Qazaxıstan) şirkətinin təsisçisi və Direktorlar Şurasının sədridir.
Bundan əvvəl Azərbaycanın aparıcı banklarında Aktivlərin və passivlərin idarəetmə komitəsinin sədri, İdarə Heyəti sədrinin birinci müavini, həmçinin İdarə Heyətinin sədri kimi rəhbər vəzifələrdə fəaliyyət göstərmişdir. "Avro-istiqrazların" müvəffəqiyyətli yerləşdirilməsini həyata keçirən İşçi Qrupuna rəhbərlik etmişdir.
Beynəlxalq maliyyə institutları, investisiya fondları və aparıcı dünya bankları ilə zəngin iş təcrübəsi daxil olmaqla ümumilikdə 18 ilə yaxın idarəetmə təcrübəsinə malikdir.
Təcrübə sahələri: bank işi, maliyyə, investisiyalar, inşaat və sənaye.
Azərbaycan, türk, ingilis və rus dillərində sərbəst danışır.
Şəxsi həyatı[redaktə | mənbəni redaktə et]
Evlidir. Dörd övladı var.
Maraq sahələri[redaktə | mənbəni redaktə et]
1998-ci ildə "Qızıl əlcək" idman klubunu təsis etmişdir.
Azərbaycan Kikboksinq Federasiyasının həmtəsisçisidir.
Mükafatları[redaktə | mənbəni redaktə et]
2011-ci ilin iyun ayında Böyük Britaniyanın Oksford şəhərində və 2013-cü ildə London şəhərində Avropa Biznes Assambleyası tərəfindən iki dəfə "İlin Meneceri" mükafatına layiq görülmüşdür.
2013-cü ildə Azərbaycan Kütləvi İnformasiya Vasitələri Həmkarlar İttifaqı tərəfindən keçirilmiş rəy sorğusuna görə Xaqani Quluzadə "İlin adamı "ali media mükafatına layiq görülüb.[3].
İstinadlar[redaktə | mənbəni redaktə et]
- ↑ "İlham Əliyev Qazax sement zavodunun yeni istehsal xəttinin açılışında iştirak etmişdir — president.az saytı". 2016-03-05 tarixində arxivləşdirilib. İstifadə tarixi: 2014-03-08.
- ↑ Akkord Korporasiyası beynəlxalq arenada möhkəmlənir. — akkord.az saytı [ölü keçid]
- ↑ 3,0 3,1 "Xaqani Quluzadə "İlin adamı "ali media mükafatına layiq görülüb. — obyektivxeber.com saytı". 2016-03-05 tarixində orijinalından arxivləşdirilib. İstifadə tarixi: 2014-03-08.
- ↑ ""Akkord" Xaqani Quluzadə və İlqar Hacıyev barədə açıqlama yayıb — marja.az saytı". 2014-03-02 tarixində orijinalından arxivləşdirilib. İstifadə tarixi: 2014-03-08.
- ↑ Авторефераты — результаты поиска [ölü keçid]
- ↑ ""Akkord" şirkətinin baş direktoru işdən çıxarılıb — olaylar.az saytı". 2016-03-04 tarixində arxivləşdirilib. İstifadə tarixi: 2014-03-08.