Xarici Kəşfiyyat Xidməti (Azərbaycan)

Xarici Kəşfiyyat Xidməti
Azərbaycan Respublikasının Xarici Kəşfiyyat Xidməti
Ölkə:	Azərbaycan
Yaradılıb:	14 dekabr 2015
Tabeçilik:	Azərbaycan Respublikasının Prezidenti
Əvvəlki	Azərbaycan Respublikasının Milli Təhlükəsizlik Nazirliyi
Rəhbərlik
Rəhbər:	Orxan Sultanov

Azərbaycan Respublikasının Xarici Kəşfiyyat Xidməti — Azərbaycan Respublikasının Prezidentinin 14 dekabr 2015-ci il tarixli, 706 fərmanına əsasən Azərbaycan Respublikası Milli Təhlükəsizlik Nazirliyinin əsasında yaradılmış xüsusi dövlət orqanıdır.

Haqqında

Xarici Kəşfiyyat Xidmətinin vəzifəsi əsasən xarici dövlətlərin ərazisində, onların xüsusi xidmət orqanlarında, siyasi dairələrində dövlətin təhlükəsizliyini təmin etmək istiqamətində əməliyyat tədbirləri həyata keçirir. Əsas məqsəd dövlətin təhlükəsizliyi üçün təhdid ola biləcək bu və ya digər addımların dövlətin ərazisindən kənarda, onların planlaşdırıldığı, hazırlandığı yerlərdə qarşısını almaqdır.

Tarixi

"Yarasa" Qələbə paradında (2020) iştirak edərkən.

İkinci Qarabağ müharibəsində Xarici Kəşfiyyat Xidmətinin "Yarasa" Xüsusi Bölmələri döyüşlərdə fəal iştirak edib. Müharibə zamanı dəstə Qubadlı rayonuna ilk daxil olub. Bölmənin əsas fəaliyyəti düşmənin arxa cəbhəsində həyata keçirilib. Dəstə Azərbaycan və dünya cəmiyyətinə ilk dəfə 2020 Bakı Qələbə Paradında təqdim olunub.

Həmçinin bax

• Azərbaycan Respublikasının Dövlət Təhlükəsizliyi Xidməti
• Azərbaycan Respublikası Milli Təhlükəsizlik Nazirliyi