Xasay Cabbarov

Vikipediya, azad ensiklopediya
Jump to navigation Jump to search
Xasay Cabbarov
Xasay Mahmud oğlu Cabbarov
Xasay Cabbarov.jpg
Doğum tarixi
Doğum yeri Kəravuz, Laçın rayonu, Azərbaycan SSR, ZSFSR, SSRİ
Vəfat tarixi (59 yaşında)
Vəfat yeri Bakı, Azərbaycan
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elmi dərəcəsi filologiya elmləri doktoru
Elmi adı professor
İş yeri Azərbaycan Dövlət Pedaqoji İnstitutu

Xasay Cabbarov — filologiya elmləri doktoru, professor.

Həyatı[redaktə | mənbəni redaktə et]

Xasay Mahmud oğlu Cabbarov 19 mart 1936-cı ildə Laçın rayonunun Karəvuz kəndində doğulub.

1942-1949-cu illərdə Ağanus kənd yeddi illik məktəbini bitirmişdi.

1949-1953-cü illərdə Laçın pedaqoji məktəbində ibtidai məktəb müəllimi ixtisası almışdır.

1953-1955-ci illərdə Laçın şəhər 1N-li məktbində ibtidai sinif müəllimi işləmişdir.

1955-ci ildə Azərbaycan Dövlət Pedaqoji institunun tarix-filologiya fakultəsinə daxil olmuş, 1960-cı ildə həmin institutu fərqlənmə diplomu ilə bitirmişdir. Təhsil aldığı illərdə ilk üç məqaləsi "Gənc müəllim" qəzetində dərc olunmuşdur.

1960-1969 cu illərdə Laçın şəhər orta məktəbində tədris hissə müdiri və müəllim işləmişdir.

30 iyul 1965-ci ildə ictimai həyatda səmərəli fəaliyyətinə görə fəxri fərmanla təltif edilmişdir.

1967-1972-ci illərdə Azərbaycan EA Nəsimi adına dilçilik institunun dissertantı olmuşdur.

25 oktyabr 1968-ci ildə ideoloji işdə fəaliyyətinə görə fəxri fərmanla təltif olunmuşdur.

29 may 1972-ci ildə "Azərbaycan dilində tabu və evfemizmlər" mövzusunda dissertasiya müdafiə edərək, filologiya elmləri namizədi alimlik dərəcəsi almışdır.

SSRİ Ali Attestasiya Komissiyasının qərarı ilə dosent elmi vəzifəsinə layiq görülmüşdür.Azərbaycan pedaqoji İnstitunun Xankəndi filialında işləməyə dəvət edilmiş,dosent elmi vəzifəsində çalışmışdır.30 illik uğurlu elmi-pedaqoji fəaliyyətinə görə Azərbaycan SSR Ali Soveti Rəyasət Heyətinin fərmanı ilə Azərbaycan SSR "Əməkdar Ali Məktəb işçisi" fəxri adına layiq görülmüşdür.Xankəndi Pedaqoji İnstitutunda partiya komitəsi katibi,fakultə dekanı,Azərbaycan dili kafedrasının müdiri vəzifələrində çalışmışdır.Səmərəli fəaliyyətinə görə fəxri fərmanla təltif edilmişdir.

"Müasir Azərbaycan dilinin bədii üslubunda obrazlılıq problemi" mövzusunda doktotorluq dissertasiyasını müdafiə edib, Dilçilik İnstitunun İxtisaslaşmış müdafiə Şurasının qərarı ilə filologiya elmləri doktoru alimlik dərəcəsi almışdır.

19 fevral 1993-cü ildə Azərbaycan Resspublikası Ali Attestasiya Komissiyasının qərarı ilə professor elmi adı almışdır.

1988-ci ildən 1991-ci ilədə Azərbaycan İnşaat Mühəndisləri İnstitutunda Azərbaycan dili kafedrasında professor vəzifəsində çalışmışdır.

1991-ci ildən 1996-cı ilədək Azərbaycan Texniki Universitetində Azərbaycan dili kafedrasının müdiri vəzifəsində çalışmışdır.

7 elmi əsərin,43-dən çox elmi məqalə və tezislərin müəllifi olub.

Xasay Cabbarov 1996-cı ildə Bakı şəhərində vəfat edib.

İstinadlar[redaktə | mənbəni redaktə et]

Həmçinin bax[redaktə | mənbəni redaktə et]