Məzmuna keç

Xocəsən metrostansiyası

Vikipediya, azad ensiklopediya
Xocəsən
3-cü xətt
Bakı metrosu
Görünüşü.
Görünüşü.
Xəritə
40°25′16″ şm. e. 49°46′44″ ş. u.HGYO
Rayon Binəqədi
Yerləşməsi Xocəsən qəsəbəsi
Açılış tarixi 23 dekabr 2022[1]
İnşaat tipi yerüstü
Platformaların sayı 1
Platformanın tipi yan
Platformanın forması düz
Platformanın uzunluğu 144 m
Çıxdığı küçələr Çingizxan küçəsi
Nəqliyyat Bus transport 102, 130, 176, 539, 596
Qonşu stansiyalar Avtovağzal
Vikianbarın loqosu Vikianbarda əlaqəli mediafayllar

Xocəsən[2] metrostansiyası — Bakı metrosunun 23 dekabr 2022-ci ildə istifadəyə verilmiş yerüstü stansiyası. Metropolitenin sayca 27-ci stansiyası və 2-ci yerüstü stansiyası kimi istifadəyə verilmişdir.[3] Bənövşəyi xəttin isə sayca 4-cü stansiyasıdır.[4]

Tarixi

[redaktə | vikimətni redaktə et]

"Xocəsən" stansiyasının tikintisi üçün hazırlıq işləri 2014-cü ildə başlamışdır.[5] Stansiyada tikinti işləri 3 mərhələli şəkildə təşkil olunmuşdur.[6] Stansiyaya aparan tunellərin qazıntısı ağır hidrogeoloji şəraitdə aparılmışdır.[6] Çünki tunellərin yerləşdiyi ərazi torpaq qatının dayanıqsızlığı və qrunt sularının zənginliyi ilə seçilir.[6] Sağ tunelin qazıntı işləri 2018-ci ilin aprelində, sol tunelin qazıntı işləri isə 2022-ci ilin aprelində başa çatmışdır.[6] 2022-ci ilin oktyabr ayında sınaq işləri aparılmışdır.[7]

Tikinti işlərinin birinci mərhələsi və stansiyasının tikintisi 2022-ci ilin sonunda başa çatdırılmışdır.[4] Seyfulla Vəliyev stansiyanın birinci rəisi təyin olunmuşdur.[3] Stansiyanın açılışı 23 dekabr 2022-ci ildə baş tutmuşdur.[1] Açılışda Azərbaycan prezidenti İlham Əliyev iştirak etmişdir.[1]

Xüsusiyyətlər

[redaktə | vikimətni redaktə et]

Stansiya Bakının Binəqədi rayonunun Xocəsən qəsəbəsində yerləşir və Bənövşəyi xətt üçün depo rolunu oynayır.[6] "Bakmil" stansiyasından sonra Bakı metropoliteninin sayca 2-ci yerüstü stansiyasıdır.[4] Stansiyanı "Avtovağzal" stansiyası ilə birləşdirən sol tunel 1182 metr uzunluğunda, sağ tunel isə 1112 metr uzunluğundadır.[6] Platformanın uzunluğu 144 metrdir.[8] Stansiyada Almaniyanın "ThyssenKrupp Fahrtreppen" şirkətinin istehsalı olan iki eskalator quraşdırılıb.[1]

Qalereya

[redaktə | vikimətni redaktə et]

İstinadlar

[redaktə | vikimətni redaktə et]
  1. 1 2 3 4 "İlham Əliyev Bakı Metropoliteninin "Xocəsən" stansiyasının açılışında iştirak edib". Report. 23 dekabr 2022. 24 dekabr 2022 tarixində arxivləşdirilib. İstifadə tarixi: 23 dekabr 2022.
  2. ↑ ""Xocasən", "Xocəsən", yoxsa "Xocahəsən"? - AÇIQLAMA + VİDEO". 10 fevral 2023 tarixində arxivləşdirilib. İstifadə tarixi: 10 fevral 2023.
  3. 1 2 ""Xocəsən" metro stansiyasına rəis təyin edilib". İnsider (az.). 25 avqust 2022. 8 oktyabr 2022 tarixində arxivləşdirilib. İstifadə tarixi: 8 oktyabr 2022.
  4. 1 2 3 "Xocəsəndəki yerüstü metro stansiyası üzərində çətirlərin quraşdırılmasına başlandı". Trend.az (az.). 21 aprel 2022. 8 oktyabr 2022 tarixində arxivləşdirilib. İstifadə tarixi: 8 oktyabr 2022.
  5. ↑ "Xocəsən-də metro olacaq". "Ədalət" qəzeti (az.). Archived from the original on 8 oktyabr 2022. İstifadə tarixi: 8 oktyabr 2022.
  6. 1 2 3 4 5 6 "Metronun "Xocəsən" deposuna gedən tunellərin qazıntısı başa çatıb". AzTV (az.). 10 aprel 2022. 8 oktyabr 2022 tarixində arxivləşdirilib. İstifadə tarixi: 8 oktyabr 2022.
  7. ↑ ""Xocəsən" stansiyası açılışa tam hazırdır - RƏSMİ". Oxu.az. 27 oktyabr 2022. 27 oktyabr 2022 tarixində arxivləşdirilib. İstifadə tarixi: 27 oktyabr 2022.
  8. ↑ "Xocəsəndə metro tikintisi davam edir - VİDEO". Real TV (az.). 2 dekabr 2021. 8 oktyabr 2022 tarixində arxivləşdirilib. İstifadə tarixi: 8 oktyabr 2022.

Xarici keçidlər

[redaktə | vikimətni redaktə et]
Mənbə — "https://az.wikipedia.org/w/index.php?title=Xocəsən_metrostansiyası&oldid=8370840"