Xorvatiya–Yaponiya münasibətləri

Vikipediya, azad ensiklopediya
Jump to navigation Jump to search
Xorvatiya–Yaponiya münasibətləri
Xorvatiya və Yaponiya
 Xorvatiya  Yaponiya
Vikianbarın loqosu Vikianbarda əlaqəli mediafayllar

Xorvatiya–Yaponiya münasibətləriXorvatiya Respublikası ilə Yaponiya arasındakı mövcud ikitərəfli əlaqələr. Bu əlaqələr YSFR dövründə Yaponiya–Yuqoslaviya münasibətlərinin tərkib hissəsi olmuş, Xorvatiyanın müstəqilliyinin bərpasından sonra yüksələn xəttlə inkişaf etməkdədir.

Tarixi[redaktə | mənbəni redaktə et]

Xorvatiya–Yaponiya münasibətlərinin tarixi hələ İkinci dünya müharibəsi zamanı Üçüncü Reyxin Yuqoslaviya Krallığını işğal etdi dövrdən başlamışdır. Belə ki, almanların marioneti olan Müstəqil Xorvatiya Dövləti Berlin-Roma-Tokio oxunun bir hissəsi kimi yaponlar ilə əlaqələrə malik olmuş, Yaponiya imperiyası tərəfindən de-yure tanınmış, hətta yaponların Zaqrebdə səfirliyi də fəaliyyət göstərmişdir[1]. İkinci dünya müharibəsindəki məğlubiyyətdən sonra tərəflər arasında münasibətlər uzun müddət – Xorvatiyanın müstəqilliyinin bərpasına qədər demək olar ki, mövcud olmamışdır.

Diplomatik əlaqələr[redaktə | mənbəni redaktə et]

İki ölkə arasında müasir diplomatik əlaqələr 1993-cü ilin mart ayının 5-də qurulmuşdur.

Səfirliklər[redaktə | mənbəni redaktə et]

Xorvatiyanın Tokiodakı səfirliyi 1993-cü ilin sentyabr ayında, Yaponiyanın Zaqrebdəki səfirliyi isə 1998-ci ilin fevral ayında fəaliyyətə başlamışdır[2].

Xorvatiyanın Yaponiyadakı səfiri hazırda Drazen Hrastiçdir. O, 2015-ci ildən bu vəzifəni daşıyır[3]. Yaponiyanın Xorvatiyadakı səfiri isə hazırda Keiji Takiquçidir. O, 2016-cı ildən bu vəzifəni daşıyır.

Hərbi əlaqələr[redaktə | mənbəni redaktə et]

Xorvatiya 1 aprel 2009-cu ildə rəsmən NATO-ya üzv olduqdan[4] sonra hər iki ölkənin əsas strateji müttəfiqi ABŞ-dır[5].

İki ölkə arasında diplomatik əlaqələrin qurulmasının 20-ci ildönümünü qeyd etmək məqsədilə 2013-cü ilin sentyabr ayında Yaponiya Dəniz Özünü Müdafiə Qüvvələrinin "JDS Kashima" təlim gəmisi Xorvatiyanın ikinci ən böyük şəhəri olan Spliti ziyarət etmişdir[6]. Bu, bir yapon dəniz gəmisi tərəfindən Xorvatiyaya edilən ilk ziyarət kimi tarixə düşmüşdür[7].

Mədəni əlaqələr[redaktə | mənbəni redaktə et]

Qardaşlaşmış şəhərlər[redaktə | mənbəni redaktə et]

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]