Xulian Palasios

Vikipediya, açıq ensiklopediya
Jump to navigation Jump to search
Xulian Palasios Qutyerres
Julián Palacios Gutiérrez
Julián Palacios.jpg
Doğum tarixi 22 avqust 1880(1880-08-22)
Doğum yeri Flag of Spain.svg Madrid, İspaniya
Vəfat tarixi 1947(1947-Şablondakı doğum və ya ölüm tarixində texniki yanlışlıq var!-00)
Vəfat yeri Flag of Spain.svg Madrid, İspaniya
Vətəndaşlıq Flag of Spain.svg İspaniya
Peşəsi futbolçu
Fəaliyyəti "Real Madrid"in ilk prezidenti (19006 mart 1902)
Commons-logo.svg Vikianbarda əlaqəli mediafayllar

Xulian Palasios Qutyerres (isp. Julián Palacios Gutiérrez; 23 avqust 1880, Madrid1947, Madrid) "Yeni Futbol Cəmiyyəti"nin (1901-ci ildən etibarən "Madrid Futbol Klubu" adlanır) yaradıcılarından biri və ilk prezidenti. Xulian Palasios tarixə "Real Madrid"i quran şəxslərdən biri kimi düşüb. O, klubun rəsmi qeydiyyata alınana qədər (1900-cü ildən 6 mart 1902-ci ilə qədər) ilk rəsmi prezidenti hesab olunur. İspaniyada yerləşən "Ödənişsiz Təhsil Müəssisəsinin" (Institución Libre de Enseñanza .isp) müəllim və tələbə heyəti 1897-ci ildə "Skay Futbol" (Sky Football .ing) Cəmiyyətini (Sociedad .isp) yaratdılar[1][2]. Bu klub "Cəmiyyət" (Sociedad .isp) adı ilə tanınmağa başlandı. Həmin dövrdə "Cəmiyyət" Madrid şəhərində yerləşən və oyunlarını Moncloa bölgəsində keçirən yeganə klub idi. 1900-cu ildə "Cəmiyyət"in üzvləri arasında fikir ayrılığı yarandı. Bir qrup şəxs klubu tərk edərək "Skay Futbol"dan fərqlənmək üçün "Yeni Futbol Cəmiyyəti" (Nueva Sociedad de Football .isp) adlanan klub yaratdılar[3]. Bu şəxslərin arasında Xulian Palasios da var idi. O, 6 mart 1902-ci ilə kimi klubun preizdenti vəzifəsində çalışdı. 6 mart 1902-ci ildə yeni İdarə Heyəti seçildi. Xulian Palasios öz davamçısı kimi Xuan Padrosun namizədliyini irəli sürdü. Xuan Padros "Madrid Futbol Klubu"nun ikinci preizdenti seçildi və klub yeni adla rəsmi qeydiyyatdan keçərək fəaliyyətə başladı. "Madrid Futbol Klubu" 1900-ci ildə təsis edilməsinə baxmayaraq rəsmi qeydiyyatdan 1902-ci ildə keçib. Belə ki, klubu yaradanlar ilk vaxtlar buna ehtiyac olmadığını düşünürdülər ona görə də klubun adını reyestrə salmağa tələsmirdilər. Amma İspaniyada futbolun sürətlə inkişaf etməsi və ilk ölkə miqyaslı turnirlərin təşkil edilməsi nəticəsində klubun rəsmi qeydiyyata alınması zərurəti yarandı. Ona görə də klub 6 mart 1902-ci ildə rəsmi qeydiyyatdan keçdi halbuki artıq 2 il idi ki (1900-cü ildən bəri) fəaliyyət göstərirdi[4].

Mənbə[redaktə | əsas redaktə]

  • Martínez Calatrava, Vicente (2001). Historia y estadística del fúbol español. ISBN 978-84-607-5701-6 (.isp)
  • Pasamontes, Juan Carlos (2003). Todos los jefes de la Casa Blanca. Ed. Pearson. ISBN 84-205-4047-1 (.isp)

İstinadlar[redaktə | əsas redaktə]

  1. "La aguja del pajar: el origen del fútbol en Madrid" (isp.). cihefe.es (16 sentybar 2013).
  2. "En qué siglo se fundó el Real Madrid?" (isp.). cihefe.es (16 noyabr 2013).
  3. "Papeles Del Madrid - (Respuesta a Martínez Patón)." (isp.). lapalanganamecanica.com (20 yanvar 2014).
  4. "Real Madrid Hisrotia" (isp.). elmundo.es.