Xumar Zülfüqarova
| Xumar Zülfüqarova | |||
|---|---|---|---|
 | |||
| Doğum tarixi | |||
| Doğum yeri | Bakı, Bakı qəzası, Azərbaycan SSR, ZSFSR, SSRİ | ||
| Vəfat tarixi | (89 yaşında) | ||
| Vəfat yeri | Bakı, Azərbaycan | ||
| Vəfat səbəbi | insult | ||
| Milliyyəti | azərbaycanlı | ||
| Vətəndaşlığı |
 SSRİ→ Azərbaycan |
||
| Atası | Rza Əfqanlı | ||
| Fəaliyyəti | rəqqasə, baletmeyster | ||
| Fəaliyyət illəri | 1945–2017 | ||
| Təhsili | Bakı Xoreoqrafiya Məktəbi | ||
| Mükafatları |
|
||
Xumar Rza qızı Zülfüqarova (15 noyabr 1927, Bakı – 2 iyul 2017, Bakı) — Azərbaycan rəqqasəsi, baletmeyster, Azərbaycan Dövlət Rəqs Ansamblının yaradıcısı.
Həyatı[redaktə | mənbəni redaktə et]
Xumar Zülfüqarova 1927-ci il noyabr ayının 15-də Bakı şəhərində teatr və kino aktyoru Rza Əfqanlının ailəsində anadan olmuşdur. O, 1945-ci ildə Bakı Xoreoqrafiya məktəbini bitirmişdir. 1945–1966-cı illərdə Azərbaycan Dövlət Akademik Opera və Balet Teatrının solisti, 1966–1978-ci illərdə Azərbaycan Dövlət Filarmoniyasının Mahnı və Rəqs ansamblının solisti və bədii rəhbəri, Dövlət Rəqs Ansamblının yaradıcılarından biri, 1978–1988-ci illərdə Azərbaycan Dövlət Qastrol və konsert üzrə birliyinin ilk baş baletmeysteri olmuşdur. Üzeyir Hacıbəylinin "Koroğlu" operası əsasında rəqs qurmuş, Qara Qarayevin "Yeddi gözəl" baletində çıxış etmiş, kinofilmlərdə rol almışdır. "Şah İsmayıl", "Aşıq Qərib", "Əsli və Kərəm", "Leyli və Məcnun" operalarında rəqqasə qismində mahircəsinə çıxış etmişdir. Rusiya, İraq, ABŞ və Kanadanın müxtəlif şəhərlərində qastrol səfərlərində olmuş, Azərbaycan peşəkar rəqs sənət nümunələrini nümayiş və təbliğ etmişdir. 1950-ci ildə Bakı Xoreoqrafiya Məktəbində pedaqoji fəaliyyətə başlayan Xumar Zülfüqarova 60 il ərzində bir neçə nəsil rəqqas və xoreoqraf yetişdirmişdir. Bu gün Azərbaycan səhnəsinin parlaq ulduzlarının bir çoxu, Azərbaycan Respublikasının xalq və əməkdar artistləri məhz Xumar Zülfüqarovanın yetirmələri olub.
25 iyun 2017-ci ildə görkəmli sənətkar insult keçirmiş, 2 iyul 2017-ci ildə 89 yaşında vəfat etmişdir.[1]
Xatirəsi[redaktə | mənbəni redaktə et]
2017-ci ilin noyabrında Azərbaycan Dövlət Teatr Muzeyində Xumar Zülfüqarovanın 90 illik yubileyi qeyd olunmuşdur.[2]
Mükafatları[redaktə | mənbəni redaktə et]
- "Azərbaycan SSR əməkdar artisti" fəxri adı — 10 iyun 1959
- "Azərbaycan SSR xalq artisti" fəxri adı — 2 aprel 1979[3]
- "Şöhrət" ordeni — 14 dekabr 2009
Filmoqrafiya[redaktə | mənbəni redaktə et]
- Arşın mal alan (film, 1965)
- Fətəli xan (film, 1947)
- Məmlük (film, 1958)[4]
İstinadlar[redaktə | mənbəni redaktə et]
- ↑ "Xalq artisti xumar Zülfüqarova vəfat etdi". 2021-06-22 tarixində arxivləşdirilib. İstifadə tarixi: 2017-07-03.
- ↑ Lider TV. "Xumar Zülfüqarovanın 90 illik yubileyi münasibətilə tədbir keçirilib" (az.). Youtube.com. 16.11.2017. İstifadə tarixi: 2017-11-16.
- ↑ X. R. Zülfüqarova yoldaşa Azərbaycan SSR xalq artisti fəxri adının verilməsi haqqında Azərbaycan SSR Ali Soveti Rəyasət Heyətinin 2 aprel 1979-cu il tarixli Fərmanı Arxivləşdirilib 2020-01-16 at the Wayback Machine — anl.az saytı
- ↑ "Yaradıcı Qadınlar Assosiasiyası — Чествуя и боготворя…". 2016-03-04 tarixində arxivləşdirilib. İstifadə tarixi: 2013-06-01.
Həmçinin bax[redaktə | mənbəni redaktə et]
- 15 noyabrda doğulanlar
- 1927-ci ildə doğulanlar
- 89 yaşında vəfat edənlər
- 2 iyulda vəfat edənlər
- 2017-ci ildə vəfat edənlər
- Azərbaycan SSR xalq artistləri
- Azərbaycan SSR əməkdar artistləri
- "Şöhrət" ordeni ilə təltif edilənlər
- Əlifba sırasına görə teatr xadimləri
- Bakıda doğulanlar
- Bakıda vəfat edənlər
- Azərbaycan balet artistləri
- Azərbaycan balerinaları
- Azərbaycan aktrisaları
- Bakı Xoreoqrafiya Akademiyasının məzunları