Charlie Hebdo

Charlie Hebdo
Təsis tarixi	1970
Ölkə	Fransa
Qərargah	Paris
Dil	fransız dili
ISSN	1240-0068, 2711-6786
OCLC nömrəsi	421653858
charliehebdo.fr charliehebdo.fr/en/
Vikianbarda əlaqəli mediafayllar

Charlie Hebdo – Paris şəhərində nəşr edilən karikatura dərgisi. Qəzet 1969–1982-ci illərdə yayımlanmış, 1992-ci ildə isə dayandırılmış fəaliyyətini yenidən bərpa etmişdir. Charlie Hebdo həftəlik olaraq nəşr edilir. Çərşənbə günləri işıq üzü görən qəzet sol-anarxist görüşü ilə tanınır. 2009-cu ildən etibarən Charlie Hebdonun redaktorluğunu Stefan Şarbonye həyata keçirdirdi. Şarbonyeyə qədər isə Fransua Kavanna (1969–1981) və Fİlip Val (1992–2009) baş redaktor vəzifəsini yerinə yetirmişdir. 45.000 tirajla nəşr edilən Charlie Hebdo nəşr etdiyi qalmaqallı karikaturaları ilə məşhurdur.

Tarixi

Charlie Hebdo yayımlarının nümayiş olunduğu stend.

Charlie Hebdo qəzetinin əsası Parisdə nəşr edilən bir digər karikatura dərgisi olan Hara-Kirinin fəaliyyəti ilə bağlıdır. 1960-cı illərdə nəşr edilən Hara-Kiri General Şarl de Qoll barəsində çıxardığı karikaturalar səbəbindən fəaliyyətini dayandırmaq məcburiyyətində qalır. Karikaturistlər bağlanan karikatura dərgisinin əvəzinə Charlie Hebdo adlı qəzet ilə yola davam etməyə qərar verirlər. Charlie Hebdonun ilk sayı 1970-ci ildə nəşr edilir və qəzetin ilk baş redaktoru Fransua Kavanna seçilir. Fəaliyyəti ərzində əsasən dini məzmunlu karikaturalar yayımlayan qəzet Xristian, İslam və Yəhudilik kimi səmavi dinlər başda olmaqla bir çox dinin müqəddəs hesab edilən inancları ilə bağlı silsilə karikaturalar yayımlamağa başalyır. Yayımladığı karikaturalar ilə tez-tez qalmallar yaşayan qəzet bu səbəbdən bir necə dəfə məhkəməyə verilmişdir. Charlie Hebdo mətbuat orqanının ən çox məhkməyə verənlərdən biri isə Katolik kilsəsi olmuşdur. Belə ki, Vatikan və İsa Məsih barədə müxtəlif məzmunlu karikaturaları ilə qəzet xristian dünyasının böyük etirazına səbəb olmuşdur. Charlie Hebdo sözü fransız dilindən tərcümədə Həftəlik Şəriət anlamını daşıyır.

Charlie Hebdo qətliamı

2015-ci ilin 7 yanvar tarixində saat 11:00 radələrində Charlie Hebdo dərgisinin Paris şəhərində yerləşən baş ofisinə naməlum 2 silahlı şəxsin etdiyi silahlı basqın zamanı dərginin 12 nəfər əməkdaşı qətlə yetirilmişdir. Öldürülənlər arasında Charlie Hebdonun hal-hazırkı baş redaktoru və tanınmış fransız karikaturist Stefan Şarbonye də vardır. Jan Kabu, Bernar Verlak və Jorj Volinski kimi tanınmış karikaturist və jurnalistlərdə silahlı basqın nəticəsində öldürülmüşdür. Qətliamla bağlı dünya mətbuatında maraqlı faktlar var. Əslində Məhəmməd peyğəmbərin karikaturası 4 il əvvəl çəkilmişdi. 4 il əvvəl çəkilən karikaturaya görə hücumun indi baş verməsi şübhə doğurur. Bundan başqa jurnal 5 il əvvəl bir karikaturisti anti-seminist karikatura çəkdiyinə görə işindən azad etmişdi.