Elman Rüstəmov

Vikipediya, azad ensiklopediya
Naviqasiyaya keçin Axtarışa keçin
Elman Rüstəmov
13 yanvar 1995 – 12 aprel 2022
ƏvvəlkiQalib Ağayev
SonrakıTaleh Kazımov
2007 – 2021
ƏvvəlkiAynur Sofiyeva
SonrakıMahir Məmmədov
Şəxsi məlumatlar
Doğum tarixi 29 iyun 1952(1952-06-29) (71 yaş)
Doğum yeri
Təhsili
Fəaliyyəti iqtisadçı

Təltifləri 1-ci dərəcəli "Vətənə xidmətə görə" ordeni — 2019 "Şöhrət" ordeni — 2012
İmzanın şəkli
Vikianbarın loqosu Vikianbarda əlaqəli mediafayllar

Elman Sirac oğlu Rüstəmov (29 iyun 1952, Cəbrayıl rayonu) — Azərbaycan Respublikasının baş nazirinin müşaviri, Azərbaycan Respublikası Mərkəzi Bankının sabiq sədri və Azərbaycan Şahmat Federasiyasının sabiq prezidenti.

Həyatı[redaktə | mənbəni redaktə et]

Elman Rüstəmov 1952-ci ildə Cəbrayıl rayonunda anadan olmuşdur. 1973-cü ildə D. Bünyadzadə adına Azərbaycan Xalq Təsərrüfatı İnstitutunu "Xalq təsərrüfatının planlaşdırılması" ixtisası üzrə fərqlənmə diplomu ilə bitirmişdir. Əmək fəaliyyətinə 1973-cü ildə Azərbaycan SSR Dövlət Plan Komitəsi yanında Elmi-tədqiqat İqtisadiyyat İnstitutunun iqtisadçısı vəzifəsində başlamışdır. 1974-cü ildən 1975-ci ilədək həqiqi hərbi xidmətdə olmuşdur. 1975-ci ildən 1978-ci ilədək aspiranturada oxumuşdur.

1986-cı ildən iqtisad elmləri namizədidir. 1990-cı ildən 1992-ci ilədək Moskva şəhərində doktoranturada təhsil almışdır.

1993-cü ildə iqtisad elmləri dokturu alimlik dərəcəsi almışdır. İqtisadiyyat, maliyyə və bank işi üzrə çoxsaylı elmi məqalələrin və nəşrlərin müəllifidir.

Ailəlidir. 3 övladı var. Elman Rüstəmov Azərbaycan Meliorasiya və Su Təsərrüfatı QSC sədri Əhməd Əhmədzadə ilə qudadır.[1]

Fəaliyyəti[redaktə | mənbəni redaktə et]

1978-ci ildən 1980-ci ilədək Azərbaycan SSR Yüngül Sənaye Nazirliyinin Bakı Zərif-Mahud istehsalat birliyində iqtisadiyyat idarəsinin rəisi vəzifəsində işləmişdir. 1980-ci ildən 1990-cı ilədək Elmi-tədqiqat İqtisadiyyat İnstitutunda böyük iqtisadçı, bölmə müdiri vəzifələrində çalışmışdır.

1991-ci ildən 1992-ci ilədək Azərbaycan Respublikası Prezident Aparatında böyük məsləhətçi vəzifəsində işləmişdir.

1992-ci ilin dekabrında Azərbaycan Respublikası Azərbaycan Respublikası Milli Bankı İdarə Heyəti sədrinin birinci müavini vəzifəsinə təyin edilmişdir.[2]

1995-ci ilin yanvarında Azərbaycan Respublikası Prezidentinin sərəncamı ilə Azərbaycan Respublikası Azərbaycan Respublikası Milli Bankı İdarə Heyətinin sədri vəzifəsinə təyin edilmişdir.[3]

28 aprel 2000-ci il tarixində[4], 11 aprel 2005-ci il tarixində[5], 6 aprel 2010-cu il tarixində[6], 9 aprel 2015-ci il tarixində[7] və 16 aprel 2020-ci il tarixində Elman Rüstəmov 5 il müddətinə Azərbaycan Respublikası Mərkəzi Bankı İdarə Heyətinin üzvlüyünə və sədri vəzifəsinə təyin olunmuşdur.

11 aprel 2022-ci il tarixində Azərbaycan Respublikasının Prezidenti İlham Əliyevin təqdimatına əsasən Elman Rüstəmovun Azərbaycan Respublikası Mərkəzi Bankı İdarə Heyəti üzvlüyündən xaric edilməsi məsələsinə Milli Məclisin İqtisadi siyasət, sənaye və sahibkarlıq komitəsində baxılmış və layihə təsdiqlənərək plenar iclasa tövsiyə edilmişdir. 12 aprel 2022-ci il tarixində keçirilən plenar iclasda iştirak edən 102 deputatın hər birinin "lehinə" səsi ilə Azərbaycan Respublikasının Prezidenti İlham Əliyevin təqdimatı təsdiqlənmiş və Elman Rüstəmov Azərbaycan Respublikası Mərkəzi Bankı İdarə Heyəti üzvlüyündən xaric edilmişdir.[8]

2007-ci ildə Azərbaycan Şahmat Federasiyasının sədri vəzifəsinə seçilmişdir. Bu vəzifəni 2021-ci ilədək tutmuşdur.

Azərbaycan Respublikasının baş naziri Əli Əsədovun 13 aprel 2022-ci il tarixli sərəncamı ilə Elman Rüstəmov baş nazirin müşaviri vəzifəsinə təyin olunmuşdur.[9]

İstinadlar[redaktə | mənbəni redaktə et]

  1. "Arxivlənmiş surət". 2022-07-17 tarixində arxivləşdirilib. İstifadə tarixi: 2022-07-17.
  2. https://e-qanun.az/framework/7908[ölü keçid]
  3. "Arxivlənmiş surət". 2021-09-03 tarixində arxivləşdirilib. İstifadə tarixi: 2022-04-11.
  4. "Arxivlənmiş surət". 2022-04-11 tarixində arxivləşdirilib. İstifadə tarixi: 2022-04-11.
  5. https://e-qanun.az/framework/9512[ölü keçid]
  6. "Arxivlənmiş surət". 2020-06-29 tarixində arxivləşdirilib. İstifadə tarixi: 2022-04-11.
  7. "Arxivlənmiş surət". 2022-04-11 tarixində arxivləşdirilib. İstifadə tarixi: 2022-04-11.
  8. "Arxivlənmiş surət". 2022-04-12 tarixində arxivləşdirilib. İstifadə tarixi: 2022-04-13.
  9. "Arxivlənmiş surət". 2022-04-13 tarixində arxivləşdirilib. İstifadə tarixi: 2022-04-13.