Elnur Məmmədli

Vikipediya, azad ensiklopediya
Naviqasiyaya keçin Axtarışa keçin
Elnur Məmmədli
Elnur Məmmədli 2012-ci ildə
Elnur Məmmədli 2012-ci ildə
Şəxsi məlumatlar
Tam adı Elnur Çingiz oğlu Məmmədli
Vətəndaşlığı Azərbaycan Azərbaycan
Doğum tarixi (35 yaş)
Doğum yeri Bakı, Azərbaycan SSR
Boyu 175 sm. (5 ft 6 in)
Çəkisi 73 kq
İdman növü Cüdo
Karyera illəri —2012
Medallar

Olimpiya Oyunları
Qızıl 2008 Pekin 73 Kq.
Dünya Çempionatı
Gümüş 2007 Rio-de-Janeyro 73 Kq.
Avropa Çempionatı
Qızıl 2006 Tampere 73 Kq.
Qızıl 2011 İstanbul 81 Kq.
Dövlət təltifləri

"Şöhrət" ordeni "Azərbaycan Xalq Cümhuriyyətinin 100 illiyi (1918–2018)" yubiley medalı "Hərbi xidmətlərə görə" medalı
"Azərbaycan Respublikasının əməkdar bədən tərbiyəsi və idman xadimi" fəxri adı

Elnur Məmmədli (29 iyun 1988, Bakı) — Azərbaycanlı cüdoçudur. 2008 Yay Olimpiya Oyunlarının qızıl medalçısı, 2 qat Avropa Çempionu, Əməkdar bədən tərbiyəsi və idman xadimi.

Həyatı[redaktə | mənbəni redaktə et]

Elnur Məmmədli 29 iyun 1988-ci ildə Bakı şəhərində anadan olmuşdur. 2009-cu ildə Polis Akademiyasına daxil olmuşdur. 2008-ci il Yay Olimpiya Oyunlarından sonra Azərbaycan Respublikası Daxili İşlər naziri Ramil Usubov tərəfindən Elnur Məmmədliyə polis baş leytenantı rütbəsi vermişdir.

Karyerası[redaktə | mənbəni redaktə et]

Elnur Məmmədli 2003-cü ildə Maştağa qəbəsində baş tutan Azərbaycan Çempionatında mübarizə apardı. Həmin turnirin final görüşündə İlqar İsrafilova məğlub olan 15 yaşlı Elnur Məmmədli Azərbaycan Çempionatının gümüş medalına sahib oldu.[1]

2004-cü ilin mayında isə Elnur Məmmədli beynəlxalq turnirlərdə debüt elədi. Kiyev şəhərində baş tutan U-20 European Cup beynəlxalq turnirində mübarizə aparan Elnur Məmmədli final görüşündə Rusiya nümayəndəsi İvan Nifontova qalib gəldi və turnirin qalibi oldu.[2]

Həmin ilin 2-4 iyulunda Niderlandın Rotterdam şəhərində mövsümün əsas turniri hesab olunan gənclər arasında Avropa Çempionatı baş tutdu. Elnur Məmmədli turnirin 1/16 final mərhələsində Belçija nümayəndəsi Torgal Asperta qalib gəldi və 1/8 final mərhələsinə adladı. Bu mərhələdə onun rəqibi Macarıstan nümayəndəsi Attila Fehér oldu. Bu görüşdə də Elnur Məmmədli rəqibi üzərində qələbə qazandı və turnirin 1/4 final mərhələsinə adladı. Bu mərhələdə onun rəqibi İtaliya nümayəndəsi Gesualdo Scollo oldu. Üçüncü görüşündə də Elnur Məmmədli rəqibinə qalib gəldi və turnirin yarım-final mərhələsinə adladı. Finala gedən yolda onun rəqibi Gürcüstan nümayəndəsi Qivi Demetraşvili oldu. Həmin görüşdə də rəqibi üzərində qələbə qazanan Elnur Məmmədli turnirin final görüşünə vəsiqə qazandı. Həlledici görüşdə isə onun rəqibi Rusiya nümayəndəsi Kiril Denisov oldu. Final görüşündə də Elnur Məmmədli rəqibinə qalib gəldi və gənclər arasında Avropa Çempionatının qızıl medalına sahib oldu.[3]

Kişilərin −73 Kq. turnirində Azərbaycanı Elnur Məmmədli təmsil elədi.[4] Avqustun 11-də mübarizə aparan Elnur Məmmədli son Dünya Çempionatının finalçısı, həm də 2006-cı il Avropa Çempionatının qalibi idi. Elnur Məmmədli olimpiadanın 1/16 final mərhələsində Belçika nümayəndəsi Di Van Tiçelt ilə üz-üzə gəldi.[5] Din Van Tiçelt apreldə Lissabon şəhərində (Portuqaliya) baş tutan Avropa Çempionatının qalibi idi. Bu görüşdə Elnur Məmmədli rəqibi üzərində ipponla qələbə qazandı və olimpiadanın 1/8 final mərhələsinə adladı.[5] Bu mərhələdə onun rəqibi Belarus cüdoçusu Konstantin Semenov oldu.[5] Gərgin idman mübarizəsi şəraitində baş tutan görüşün birinci dəqiqəsinin tamamında referilər həm Məmmədli, həm də Semenova şido cərimə balı verdi.[5] Görüşün 1:30-cu dəqiqəsində isə Elnur Məmmədli rəqibi üzərində ipponla qələbə qazandı və olimpiadanın 1/4 final mərhələsinə adladı.[5] Bu mərhələdə onun rəqibi Asiya Çempionatının qalibi Şimali Koreya nümayəndəsi Kim Çol-Su oldu.[5] Görüşün 1:30-cu dəqiqəsində Elnur Məmmədli rəqibini osaehomi fəndinə saldı.[5] Nəticədə Elnur Məmmədli rəqibi üzərində vaxtından əvvəl təmiz qələbə qazandı və olimpiadanın yarı-final mərhələsinə adladı.[5] Finala gedən yolda isə onun rəqibi son Asiya Çempionatının qalibi İran cüdoçusu Əli Malumat oldu.[5] Görüşün 2:00-ci dəqiqəsində Elnur Məmmədli rəqibi üzərində ipponla qələbə qazandı və Olimpiya Oyunlarının final görüşünə vəsiqə qazandı.[5] Həlledici görüşdə onun rəqibi son Dünya Çempionatının qalibi Cənubi Koreya nümayəndəsi Van Ki-Çun oldu.[5] Elnur Məmmədli həmin rəqibinə 2007-ci ilin sentyabrında Rio-de-Janeyro şəhərində (Braziliya) Dünya Çempionatının final görüşündə məğlub olmuşdu. Bu səfər isə final görüşü cəmi bir neçə davam elədi.[5] Elnur Məmmədli final görüşünün 12-ci saniyəsində rəqibi üzərində ipponla qələbə qazandı və XXIX Yay Olimpiya Oyunlarının qızıl medalına sahib oldu.[5] Elnur Məmmədli Olimpiya Oyunları tarixində beş görüşün hamısında vaxtından əvvəl qələbə qazanan birinci cüdoçu oldu. Elnur Məmmədli həm də Azərbaycanın Olimpiya Oyunları tarixində qızıl medal qazanan birinci cüdoçu oldu. Təltifetmə mərasimi zamanı Elnur Məmmədliyə qızıl medalı Azərbaycan Prezidenti İlham Əliyev təqdim elədi.

Uğurları[redaktə | mənbəni redaktə et]

Sıra
İl
Yarış
Şəhər
Nəticə
1
2004
 U-20 Europen Cup Ukrayna Ukrayna
1.
1
2004
 U-17 Avropa Çempionatı Niderland Niderland
1.
1
2004
 U-20 Europen Cup Polşa Polşa
2.
1
2004
 U-20 Avropa Çempionatı Bolqarıstan Bolqarıstan
PAT
1
2005
 World Cup Rusiya Rusiya
5.
1
2005
 World Cup Macarıstan Macarıstan
2.
1
2006
 World Cup Niderland Niderland
3.
1
2006
 World Cup Rusiya Rusiya
3.
1
2006
 Avropa Çempionatı Finlandiya Finlandiya
1.
1
2006
 Gənclərin Dünya Çempionatı Dominikan Respublikası Dominikan Respublikası
5.
1
2007
 World Cup Fransa Fransa
2.
1
2007
 Avropa Çempionatı Serbiya Serbiya
PAT
1
2007
 World Cup İtaliya İtaliya
1.
1
2007
 Dünya Çempionatı Braziliya Braziliya
2.
1
2008
 World Cup Almaniya Almaniya
1.
1
2008
 Avropa Çempionatı Portuqaliya Portuqaliya
PAT
1
2008
 World Cup Rusiya Rusiya
3.
1
2008
 Olimpiya Oyunları Çin Çin
1.
1
2010
 Qran-Pri Tunis Tunis
PAT
1
2010
 World Cup Misir Misir
1.
1
2010
 World Cup Portuqaliya Portuqaliya
PAT
1
2010
 Dünya Çempionatı Yaponiya Yaponiya
5.
1
2011
 World Masters Azərbaycan Azərbaycan
1.
1
2011
 Qran-Pri Almaniya Almaniya
3.
1
2011
 Avropa Çempionatı Türkiyə Türkiyə
1.
1
2011
 Grand Slam Rusiya Rusiya
5.
1
2011
 Grand Slam Braziliya Braziliya
3.
1
2011
 Dünya Çempionatı Fransa Fransa
PAT
1
2011
 Grand Slam Birləşmiş Ərəb Əmirlikləri BƏƏ
3.
1
2012
 World Masters Qazaxıstan Qazaxıstan
1.
1
2012
 Qran-Pri Almaniya Almaniya
3.
1
2012
 Grand-Slam Rusiya Rusiya
5.
1
2012
 Olimpiya Oyunları Böyük Britaniya Birləşmiş Krallıq
PAT

Dövlət təltifləri[redaktə | mənbəni redaktə et]

Elnur Məmmədli Azərbaycan Prezidenti İlham Əliyevin Sərəncamlarına əsasən Azərbaycan idmanında xidmətlərinə görə bir dəfə ordenlə, bir dəfə isə medalla təltif edilib.

Həmçinin bax[redaktə | mənbəni redaktə et]

İstinadlar[redaktə | mənbəni redaktə et]

  1. ↑ JudoInside. "2003 // Azerbaijan Championships // Results". www.judoinside.com (ingilis). 2023-04-01. 2023-04-09 tarixində arxivləşdirilib. İstifadə tarixi: 01.04.2023.
  2. ↑ JudoInside. "2004 // IJF Juniors Europen Cup // Results". www.judoinside.com (ingilis). 2023-04-01. 2023-04-09 tarixində arxivləşdirilib. İstifadə tarixi: 01.04.2023.
  3. ↑ JudoInside. "2004 // European Cadet Championships // Results". www.judoinside.com (ingilis). 2023-04-01. 2023-04-09 tarixində arxivləşdirilib. İstifadə tarixi: 01.04.2023.
  4. ↑ Olympedia.org. "Elnur MƏMMƏDLİ". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  5. ↑ 1 2 3 4 5 6 7 8 9 10 11 12 13 Olympedia.org. "2008 Summer Olympics / Judo / Lightweight (73 Kilograms) / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  6. ↑ Normativ hüquqi sənədlərin vahid internet bazası. "Azərbaycan Milli Olimpiya Komandasının üzvlərinin təltif edilməsi haqqında Azərbaycan Prezidenti İlham Əliyevin 29 avqust 2008-ci il tarixli 3017 nömrəli Sərəncamı". www.e-qanun.az ( (az.)). 22.08.2022. 2022-08-22 tarixində arxivləşdirilib. İstifadə tarixi: 22.08.2022.
  7. ↑ Normativ hüquqi sənədlərin vahid internet bazası. "Azərbaycan Dövlət Təhlükəsizliyi Xidmətinin hərbi qulluqçularının təltif edilməsi haqqında Azərbaycan Prezidenti İlham Əliyevin 27 mart 2019-cu il tarixli 1062 nömrəli Sərəncamı". www.e-qanun.az ( (az.)). 22.08.2022. 2023-04-09 tarixində arxivləşdirilib. İstifadə tarixi: 22.08.2022.
Mənbə — "https://az.wikipedia.org/w/index.php?title=Elnur_Məmmədli&oldid=7427901"