Pornoqrafik film
Pornoqrafik film, pornoqrafiya filmi, porno filmi, pornofilm, pornoqrafik məzmunlu film, pornoqrafik xarakterli film, erotik film və ya seks filmi izləyicini və ya tamaşaçıları seksual cəhətdən razı salmaq üçün hazırlanmış ədəbsiz filmlərdirlər. Pornoqrafik filmlərdə müntəzəm olaraq cinsi əlaqə və ya çılpaqlıq kimi erotik stimullaşdırıcı xarakterli materiallar mövcuddur və bunlara seksual fantaziyalar da əlavə olunur. 1900-cü illərin əvvəllərində, film istehsalının ixtirasından qısa bir müddət sonra belə filmlərin də ilk nümunələri meydana çıxmışdır.
Porno filmlərin digər pornoqrafiya formaları ilə çoxlu müştərək cəhətləri mövcuddur. Cinsi əlaqəni açıq şəkildə göstərməyən filmlər softkor[1], cinsi əlaqəni açıq şəkildə göstərən və ya bəzi ekstremal əlaqələrdən bəhs edən filmlər isə hardkor[2] adlandırılır.
Qlobal olaraq, porno film sənayesi onunla əlaqədar olan məhsul və xidmətləri ilə bərabər 100 milyard dollarlıq sənaye sahəsi hesab olunur[3].
Tarixi[redaktə | mənbəni redaktə et]
İlk illər: XX əsr[redaktə | mənbəni redaktə et]
Erotik filmlərin istehsalı kinofilmin ixtirasından dərhal sonra başlanmışdır. İlk qabaqcıllardan ikisi fransız Eugène Pirou və Albert Kirchner idi. Kirchner ("Léar" adı ilə) Pirou üçün hal-hazırda həyatda sağ-salamat qalmış ən qədim erotik məzmunlu filmi çəkmişdir[4]. 1896-cı ildə çəkilmiş 7 dəqiqəlik Le Coucher de la Mariée filmində Louise Willy vanna otağında striptiz etmişdir. Digər fransız kinorejisorları da qadınların soyunmasını özündə əks etdirən bu cür ədəbsiz filmlərdən qazanc əldə edə biləcəklərini düşünmüşdürlər[5][6].
1920–1940[redaktə | mənbəni redaktə et]
1920-ci illərin səssiz kino dövründə pornoqrafik filmlər çox geniş formada yayılmışdı və müntəzəm olaraq fahişəxanalarda nümayiş etdirilirdi. Tezliklə qeyri-leqal, kişilərə məxsus olan xüsusi filmlər və ya onların adı ilə mavi filmlər 1940-cı illərdən başlayaraq uzun illər həvəskarlar tərəfindən yeraltında istehsal edilmişdir. Filmlər daha sonra xüsusi olaraq və ya səyahət edən satıcılar tərəfindən paylanmışdır, lakin onlara baxan və ya çəkən hər kəs həbs edilirdi.
1970-ci illər və sonrakı dövrlər[redaktə | mənbəni redaktə et]
Pornoqrafiyanın qızıl dövrü kimi tanınan 1970-ci illərdə pornoqrafik filmlər yarı qanuniləşdirilmişdir. 1980-ci illərdə evdə izlənilə bilən videokasetlər sayəsində pornoqrafiya daha geniş formada yayılmışdır. 1990-cı illərin sonu və 2000-ci illərin əvvəllərində internetin yüksəlişi pornoqrafik filmlərin yayım üsulunu dəyişdirmiş, DVD satışları əsasən internet üzərindən yayılan media ilə əvəz olunmuşdur.
2000-ci illərdə yüzlərlə böyüklər üçün pornoqrafik xarakterli filmlər çəkən peşakar kino şirkəti sadə kinostudiyalarda çəkilmiş və birbaşa videoya alınmış on minlərlə pornoqrafik film yayımlayırdı. Eyni zamanda bu, Pornhub, YouPorn və XHamster kimi pornoqrafik xarakterli videoların mövcud olduğu video paylaşma platformalarının da yaranmasına səbəb olmuşdur.
İstinadlar[redaktə | mənbəni redaktə et]
- ↑ "P20th Century Nudes in Art". The Art History Archive. 14 September 2019 tarixində arxivləşdirilib. İstifadə tarixi: 29 February 2012.
- ↑ Martin Amis. "A rough trade". Guardian.co.uk. 17 March 2001. 24 May 2020 tarixində arxivləşdirilib. İstifadə tarixi: 29 February 2012.
- ↑ Lenz, Lyz. "A brief and incredible history of porn". Daily Dot. Complex Media, Inc. 17 October 2016. 18 October 2016 tarixində arxivləşdirilib. İstifadə tarixi: 30 December 2018.
- ↑ Richard Abel, Encyclopedia of early cinema Arxivləşdirilib 2021-06-25 at the Wayback Machine, Taylor & Francis, 2005, ISBN 978-0-415-23440-5, p.518
- ↑ Bottomore, Stephen. Stephen Herbert; Luke McKernan (redaktorlar ). "Léar (Albert Kirchner)". Who's Who of Victorian Cinema. British Film Institute. 1996. 10 October 2006 tarixində arxivləşdirilib. İstifadə tarixi: 15 October 2006.
- ↑ Bottomore, Stephen. Stephen Herbert; Luke McKernan (redaktorlar ). "Eugène Pirou". Who's Who of Victorian Cinema. British Film Institute. 1996. 2 May 2012 tarixində arxivləşdirilib. İstifadə tarixi: 15 October 2006.