Vüqar Gülməmmədov
 | Bu məqalədə bəzi məlumatlarının mənbəsi göstərilməmişdir. |
| Vüqar Gülməmmədov | |
|---|---|
| Vüqar Tapdıq oğlu Gülməmmədov | |
Vəzifədədir | |
| 22 noyabr 2013-dən | |
| Əvvəlki | Heydər Əsədov |
| Şəxsi məlumatlar | |
| Doğum tarixi | 3 aprel 1971 (52 yaş) |
| Doğum yeri | |
| Təhsili | |
| Dini | islam |
|
|
|
| Təltifləri |
  |
Vüqar Tapdıq oğlu Gülməmmədov (3 aprel 1971, Bakı) — Azərbaycan Respublikası Hesablama Palatasının 3-cü sədri.
Həyatı[redaktə | mənbəni redaktə et]
Vüqar Gülməmmədov 1971-ci il aprel ayının 3-də Bakı şəhərində anadan olub. 1993-cü ildə Azərbaycan Dövlət İqtisad İnstitutunun "İstehsalın iqtisadiyyatı və idarəedilməsi" fakültəsini bitirib.
1992-ci ildə Suraxanı maşınqayırma zavodunda tərcüməçi işləyib. 1993–1997-ci illərdə Suraxanı rayon Səhiyyə şöbəsində baş mühasibin müavini, baş mühasib, 1997–2007-ci illərdə Azərbaycan Respublikası Maliyyə Nazirliyinin Suraxanı rayon Maliyyə şöbəsinin müfəttişi, rəis müavini, şöbə müdiri, Səbail rayon Maliyyə idarəsinin rəis müavini, şöbə rəisi, Binəqədi rayon Maliyyə idarəsinin rəis müavini, sektor müdiri, Yasamal rayon Maliyyə idarəsinin rəis müavini, sektor rəisi olub.
2007–2013-cü illərdə isə Azərbaycan Respublikası Hesablama Palatasının Xarici investisiyalı və infrastruktur layihələrinə nəzarət şöbəsinin müdiri vəzifəsində çalışıb.
2013-cü ilin noyabr ayından Azərbaycan Respublikasının Hesablama Palatasının sədridir.
Təltifləri[redaktə | mənbəni redaktə et]
Azərbaycan Respublikası Hesablama Palatasının yaradılmasının 10 illiyi ilə əlaqədar və Palatanın fəaliyyətində xüsusi xidmətlərinə görə Azərbaycan Respublikası Prezidentinin 2011-ci il 31 oktyabr tarixli 1809 nömrəli Sərəncamı ilə "Dövlət qulluğunda fərqlənməyə görə" medalı ilə təltif edilib.
Azərbaycan Respublikası Hesablama Palatasının yaradılmasının 20 illiyi münasibətilə Palatanın fəaliyyətində xidmətlərinə görə Azərbaycan Respublikası Prezidentinin 2021-ci il 6 dekabr tarixli Sərəncamı ilə 3-cü dərəcəli "Vətənə xidmətə görə" ordeni ilə təltif edilib.[1]
Ailəsi[redaktə | mənbəni redaktə et]
Ailəlidir. Üç övladı var.
İstinadlar[redaktə | mənbəni redaktə et]
- ↑ "Azərbaycan Respublikası Hesablama Palatası əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2021-12-06 tarixində arxivləşdirilib. İstifadə tarixi: 2021-12-06.
Xarici keçidlər[redaktə | mənbəni redaktə et]
- 3 apreldə doğulanlar
- 1971-ci ildə doğulanlar
- Yaşayan insanlar
- Bakıda doğulanlar
- Azərbaycan Dövlət İqtisad Universitetinin məzunları
- Bakı Dövlət Universitetinin məzunları
- "Dövlət qulluğunda fərqlənməyə görə" medalı ilə təltif edilənlər
- 3-cü dərəcəli "Vətənə xidmətə görə" ordeni ilə təltif edilənlər
- Əlifba sırasına görə vəzifəli şəxslər