The Washington Post: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
Luckas-bot (müzakirə | töhfələr)
k r2.7.1) (Bot redaktəsi əlavə edilir: hr:The Washington Post
k r2.6.4) (Bot redaktəsi əlavə edilir: mzn:واشنگتن پست
Sətir 70: Sətir 70:
[[ko:워싱턴 포스트]]
[[ko:워싱턴 포스트]]
[[mr:वॉशिंग्टन पोस्ट]]
[[mr:वॉशिंग्टन पोस्ट]]
[[mzn:واشنگتن پست]]
[[nl:The Washington Post]]
[[nl:The Washington Post]]
[[no:The Washington Post]]
[[no:The Washington Post]]

19:46, 26 mart 2011 versiyası


“The Washington Post” (azərbaycanca: “Vaşinqton Post”) — ABŞ-da qəzet

“Vaşinqton Post” qəzeti ABŞ-ın paytaxtı Vaşinqton şəhərində çıxır. Qəzeti 1877-ci ildə Demokratlar Partiyasının üzvü Stilson Xatçins təsis edib. İlk sayı 1877-ci il dekabrın 6-da 10 min tirajla, 4 səhifə həcmində işıq üzü görüb.

1880-ci ildə bazar buraxılışı dərc edərək ABŞ-da 7 gün çıxan ilk gündəlik qəzet olub.

1889-cu ildə təsisçi Xatçins “Vaşinqton Post”u respublikaçılar hökumətində kabinet üzvü Frenk Hattona və sabiq demokrat konqresmen Beriah Vilkinsə satıb.

1905-ci ildə qəzeti “Cincinnati Enquirer” şirkətinin rəhbəri Con Maklean alıb. 1916-cı ildə Maklean vəfat edəndən sonra nəşrin sahibliyi onun oğlu Edvarda keçib. Yeni təsisçi qəzetin siyasi istiqamətini dəyişdirib və daha çox respublikaçılara yönəldib. Bununla qəzetin dövriliyi və gəlirləri aşağı düşüb.

1922-ci ildə qəzet maliyyə problemlərinə görə satışa çıxarılıb və 825 min dollara Kaliforniya əsilli maliyyəçi Eugen Meyerə qismət olub. Təsisçi qəzetə yeni prinsiplər gətirib. Prinsiplər belə sıralanır:

  1. Qəzetin missiyası yalnız həqiqəti söyləməkdir.
  2. Qəzet ABŞ haqqında ancaq həqiqəti əks etdirən xəbərləri yaymalıdır.
  3. Qəzet heç bir siyasi marağın daşıyıcısı olmamalıdır.
  4. Qəzet həm yaşlı, həm də gənc nəslin maraqlarını əhatə etməlidir.
  5. Qəzetin əsas məqsədi şəxsi maraq sahiblərinə deyil, oxucularına və geniş kütləyə xidmətdir.
  6. Qəzet həqiqət naminə öz gəlirlərindən imtina etməli, ədalətli və azad yol tutmalıdır.

1933-1943-cü illərdə Eugen Meyer qəzeti inkişaf etdirib və onun tirajı ilk dəfə 162 min nüsxəyə, reklamdan gəlir isə 4 milyon dollardan 12 milyon dollara çatıb.

1946-cı ildə “Vaşinqton Post” Eugen Meyerin qızı Meyer Qrahama keçib. Daha sonra qəzetin rəsmi sahibi onun həyat yodaşı Filip Qraham olub. 1979-cu ildə qəzetə Donald Qraham sahiblənib.

2008-ci ildən Katerina Veymot qəzetin icarçı direktoru və baş redaktorudur. O, 1933-cü ildə qəzeti almış Eugen Meyerin nəticəsidir.

2005-ci ilin hesablamalarına görə, “Vaşinqton Post” ABŞ-ın ən yüksək tirajlı beşinci qəzetidir. Həmin il oxucuların sayı orta hesabla iş günləri 715 min 181, bazar günləri isə 983 min 243 nəfərə çatıb.

Şəxsi mülk kimi təsisçinin ailəsinə məxsus olan “Vaşinqton Post” digər media və qeyri-media strukturlarına malik eyni adlı şirkətin tərkib hissəsidir.

“Vaşinqton Post”un ABŞ-dan xaricdə – Bağdad, Pekin, Berlin, Boqota, İslamabad, Yerusəlim, Kabil, London, Mexiko, Moskva, Dehli, Paris və Tokioda büroları var.

Qəzet beynəlxalq mövzuya çox yer ayırması ilə fərqlənir.

Qəzetin tarixində ən çox iz qoyan hadisələrdən biri məşhur “Uotorgeyt” qalmaqalı ilə bağlıdır. 1974-cü ildə “Vaşinqton Post” qəzeti ABŞ prezidenti Riçard Niksonun siyasi rəqiblərinin gizli dinlənməsində iştirakını üzə çıxarıb və “Uotorgeyt” qalmaqalı kimi tarixə düşən bu ifşa dövlət başçısının istefası ilə nəticələnib.

Mənbə

Şablon:Link FA