Cüzeppe Tornatore

Cüzeppe Tornatore
Doğum tarixi	27 may 1956(1956-05-27)[…] (67 yaş)
Doğum yeri	Bageriya, Palermo əyaləti[d], Siciliya, İtaliya
Vətəndaşlığı	İtaliya
Fəaliyyəti	kinorejissor, ssenarist, film prodüseri, montajçı[d], rejissor
Fəaliyyət illəri	1985-ci ildən
IMDb	ID0868153
Vikianbarda əlaqəli mediafayllar

Cüzeppe Tornatore (ing. Giuseppe Tornatore) — tanınmış İtaliya kinorejissoru, ssenarist və prodüseri.

Həyatı

Cüzeppe Tornatore 27 may 1956-cı ildə Siciliyada Palermo yaxınlığındakı Bageriya kommunasında anadan olmuşdur. Hələ 16 yaşı olarkən aktyor ifası və teatrla maraqlanmağa başlayır. Luici Pirandello və Eduardo de Fillipponun əsərlərinə verilən quruluşa rəhbərlik etməyə başlayır. O, kinoda debütünü sənədli filmlə etmişdi. Bu, “Siciliyanın etnik azlığı” ("Le minoranze etniche in Sicilia") filmi idi. İşin uğurlu alınması nəticəsində bu film Salernoda keçirilən festivalda mükafat qazandı. Cüzeppe Tornatorenin ilk tammetrajlı filmi “Kammorist” idi və bu ekran əsəri 1986-cı ildə ekranlara çıxmışdı. Buna qədər Tornatore italyan televiziyasında işləyir, sənədli filmlər və verilişlər çəkirdi. “Kammorist” filmi tamaşaçılar və kino tənqidçiləri tərəfindən yüksək səviyyədə qəbul olundu. Eləcə də bu film ən yaxşı rejissor işinə görə İtaliya kinojurnalistlərinin Milli sindikatının “Gümüş lent” mükafatına layiq görülmüşdür. 1988-ci ildə onun “Yeni kinoteatr “Paradiso”” filmi ekranlara çıxır. Ekranlara çıxdığı gündən bu film böyük sensasiya səbəb olur və bir çox mükafatlar qazanır. Bu film hətta Xarici dildə ən yaxşı filmə görə nüfuzlu “Oskar” mükafatına da layiq görülür. Bu film Tornatoreyə dünya şöhrəti qazandırır.

Cüzeppe Tornatorenin filmlərində Bill Nann, Jak Perren, Jerar Depardye, Roman Polanski, Sercio Kastellitto, Tim Rot, Filipp Nuare, Monika Belluççi, Kseniya Rappoport, Cüzeppe Sulfaro, Françesko Şanna və digər tanınmış italyan aktyorları çəkilmişlər.

Filmoqrafiya

Rejissor fəaliyyəti

1. Kammorist (film, 1986) / Il Camorrista
2. Yeni kinoteatr "Paradiso" (film, 1988) / Nuovo Cinema Paradiso
3. Hər kəsin bütün işləri qaydasındadır (film, 1990) / Stanno tutti bene
4. Xüsusilə bazar günləri (film, 1991) / La domenica specialmente
5. Təmiz rəsmiyyət (film, 1994 / Una pura formalità
6. Ulduz fabriki (film, 1995) / L'uomo delle stelle
7. Pianoçu haqqında əfsanə (film, 1998) / La leggenda del pianista sull’oceano
8. Malena (film, 2000) / Malèna
9. Tanış olmayan qız (film, 2006) / La Sconosciuta
10. Baariya (film, 2009) / Baarìa

Ssenarist fəaliyyəti

1. Palermoda yüz gün (film, 1984) / Cento giorni a Palermo
2. Kammorist (film, 1986) / Il Camorrista (Cüzeppe Marazzo ilə)
3. Yeni kinoteatr "Paradiso" (film, 1988) / Nuovo Cinema Paradiso
4. Hər kəsin bütün işləri qaydasındadır (film, 1990) / Stanno tutti bene (Massimo de Rita və Tonino Querra ilə)
5. Pianoçu haqqında əfsanə (film, 1998) / La leggenda del pianista sull’oceano (Alessandro Barikko ilə)
6. Malena (film, 2000) / Malèna
7. Tanış olmayan qız (film, 2006) / La Sconosciuta
8. Baariya (film, 2009) / Baarìa