Səmayə Sadıqova

SƏMAYƏ SADIQOVA
Doğum tarixi	15 aprel 1954(1954-04-15) (70 yaş)
Fəaliyyəti	aktrisa

|} Aktrisa

Həyatı

M.A.Əliyev adına Azərbaycan Dövlət İncəsənət İnstitutunu bitirdikdən sonra Ərəblinski adına Sumqayıt Dövlət Dram Teatrında işləməyə vadar edir. Səmayə xanım 1977-ci ildən 1955-ci ilə kimi Sumqayıt teatrının səhnəsində Süsən (Anar «Adamın adamı»), Mehrişah (O.Məmmədov «Mehrişah»), Sevər (C.Cabbarlının «Oqtay Eloğlu»), Vika (R.İbrahimbəyov «Park»), Təhminə (Anar «Təhminə və Zaur»), Kəblə Fatma (C.Məmmədquluzadə «Ölülər»), Aləmşahbəyim (Kərimzadə «Şah İsmayıl») və b. obrazlar yaratmışdır. 1995-ci ildən S.Qurbanov adına Azərbaycan Dövlət Musiqili Komediya Teatrının səhnəsində S.Qurbanovun «Özümüz bilərik»də - Ceyran, İ.Məlikzadənin «Hərənin öz ulduzu»nda Məleykə, R.Heydərin «Qızıl toy»unda - Əcnəbi qız rollarında müvəffəqiyyətlə çıxış edib. 2000-ci ildən Bakı Bələdiyyə Teatrında fəaliyyət göstərən Səmayə Seyfulla qızı Sadıqova bu illər ərzində özünəməxsus rollarda böyük nailiyyətlər əldə edib. Ə.Nesinin «Tənha qadınlar»ında - Diha, M.F.Axundovun «Müsyo Jordan və Dərvişi Məstəli şah»nda Xanpəri, C.Cabbarlının «Dönüş»ndə - Turac, C.Məmmədquluzadənin «Ölülər» komediyasında Kəblə Fatma, R.İçərişəhərlinin «Vətənə igidlər gərəkdir»tamaşasında - Şəhid anası, Ə.Əliyevin «Unutqanlıq qorxunc bəladır» tamaşasında - Ana və «Cırtdan, Məlikməmməd və üç gözəl» nağıl tamaşada - Küpəgirən qarı, Sofoklun «Elektra»faciəsində - Qadın, A.Məmmədovun «Dəli Domrul»tamaşasında - Ağı deyən, S.Rəhmanın «Yalan»komediyasında - Tərlan xanım və b. rollarda böyük uğurla çıxış etmişdir.

Sumqayıt Dram Teatrında çalışdığı illərdə ona «Əməkdə fərqlənmə»yə görə medalı və Respublikanın Əməkdar artisti fəxri adı verilmişdir. 1993-cü ildə Aqşın Babayevin «Oğul»tamaşasında yaratdığı Ana obrazına görə ilin ən yaxşı aktrisası olub, Teatr Xadimlər ittifaqının təsis etdiyi «Qızıl Dərviş» mükafatına layiq görülüb.

Filmoqrafiya

1. Mənim Ağ Şəhərim (1994)
2. Canavar Balası (1997)
3. Qırmızı Qar (1998)
4. Məhv olmuş Gündəliklər (1999)

Şəkil

Fayl:Səmayə Sadıqova.JPG

Həmçinin bax

• Portal:Azərbaycan Kinosu