Hüseynbala Əliyev

Hüseynbala Əliyev
Doğum tarixi	25 noyabr 1918(1918-11-25)
Doğum yeri	Bakı, Bakı quberniyası, AXC
Vəfat tarixi	18 iyul 1941(1941-07-18) (22 yaşında)
Vəfat yeri	Leninqrad, RSFSR, SSRİ
Təhsili	Yeysk Ali Hərbi Aviasiya İnstitutu[d]
Mükafatları	“Lenin ordeni” (ölümündən sonra)

Əliyev Hüseyn Balaəli oğlu – “Lenin ordeni” ilə təltif edilib (ölümündən sonra)

Həyatı

Əliyev Hüseyn Balaəli oğlu 25 noyabr 1918-ci ildə Bakı şəhərinin Pirşağı qəsəbəsində doğulmuşdur.

1940-cı ildə Yeysk HDT-çilik məktəbini bitirmişdir.

BVM başlayanda Baltik Donanmasının HHQ-ndə Tallində, sonra isə Leninqradda xidmət etmişdir.

Leytenant Hüseyn Əliyev qırıcı təyyarəçi idi. 49 döyüş uçuşu keçirmişdir.

18 iyul 1941-ci ildə düşmənin 3 təyyarəsi ilə döyüşə girmiş ölümcül yaralanmasına baxmayaraq 2 təyyarəni vurmuşdur. Təyyarəni salamat yerə endirmiş, özü isə təyyarənin kabinəsində partlayan mərmidən aldığı çoxlu yaralardan həlak olmuşdur.

Ölümündən sonra “Lenin ordeni” ilə təltif edilib.

N.K.Çukovskinin “Baltik səması” romanında, V.Ketlinskayanın “İradə” hekayəsində onun qəhrəmanlığından bəhs edilmiş, Məmməd Rahimin “Leninqrad göylərində” poeması ona həsr olunmuşdur.

“Azərbaycan film” kino studiyası onun haqqında Hünər əbədidir (film, 1967) adlı film çəkmişdir.

Adına küçə var.

Haqqında

• N.K.Çukovski, “Baltik səması” romanı.
• V.Ketlinskaya, “İradə” hekayəsi.
• Məmməd Rahim, “Leninqrad göylərində” poeması.

Mənbə

• Azərbaycan Respublikası Xatirə Kitabı, 3-cü cild, Bakı, 2003. səh.747.