Sevinc Osmanqızı

Sevinc Osmanqızı
Doğum tarixi	22 iyun 1969(1969-06-22) (54 yaş)
Doğum yeri	Bakı, Azərbaycan SSR, SSRİ
Təhsili	Bakı Dövlət Universiteti
Fəaliyyəti	jurnalist
Fəaliyyət illəri	1990-cı ildən

Mirzəyeva Sevinc Osman qızı — jurnalist, televiziya aparıcısı.

Həyatı

Sevinc Osmanqızı 22 iyun 1969-cu ildə Bakıda jurnalist ailəsində anadan olmuşdur.

1986-cı ildə Osman Mirzəyev adına 190 nömrəli məktəbi qızıl medalla, 1991-ci ildə Bakı Dövlət Universitetinin jurnalistika fakültəsini fərqlənmə diplomu ilə bitirmişdir.

Jurnalist fəaliyyətinə “Assa-İradə” xəbər agentliyində parlament müxbiri kimi başlayıb (1990). Azərbaycan Televiziyasının (AzTV) Xəbərlər Redaksiyasında müxbir işləyib (1990-1992). Müstəqil Azərbaycan Respublikasının ilk diplomat qadını kimi, Xarici İşlər Nazirliyində 3-cü katib vəzifəsində çalışıb (1993).

İngiltərədə, BBC radiosu Azərbaycan redaksiyasının Jurnalist prodüseri işləyib (1994-1999). BBC radiosunun “Arts and Features” Departamentinin Azərbaycan üzrə müxbiri çalışıb (1999-2000). ABŞ-ın Azərbaycandakı səfirliyinin Mətbuat şöbəsinin rəhbəri işləyib (2000–2008). Azərbaycan-ABŞ Jurnalistika Akademiyasında “Jurnalistikaya giriş” ixtisasından dərs deyir. “Sivilizasiyalar” 20 hissəli tarixi radio oçerklər silsiləsinə görə Azərbaycan Jurnalistlər İttifaqının Zərdabi mükafatına layiq görülüb (2000). ANS TV-də yayımlanan “Cümə” və “Cümə söhbəti” verilişlərinin müəllifi və aparıcısıdır (2009). Hal-hazırda WMW – Azərbaycan Qadın Jurnalistlər Birliyinin sədridir.

Sevinc Osmanqızı vaxtilə BBC radiosunda çalışan beynəlxalq səviyyəli jurnalist indi də dünyanın xəbər liderlərindən olan CNN telekanalı üçün Azərbaycan haqqında reportajlar hazırlayır. 24 yaşında Azərbaycan Xarici İşlər Nazirliyində 3-cü katib işlədikdən sonra 6 il Britaniyada jurnalist fəaliyyəti göstərib. Azərbaycana qayıtdıqdan sonra 8 il ABŞ-ın Azərbaycandakı səfirliyində çalışıb. ANS-ə gəlişini həyatı boyu özü üçün atdığı nadir addımlardan biri hesab edir.ANS-in güclü müxbir komandasını dağıdaraq diletant gəncləri ətrafına toplayıb. Nəticədə ANS-in reytinqini çox aşağı salmağa müvəffəq olub. Telejurnalistikada ABŞ-ın siyasətini yürüdür. ANS-TV-də bir qayda olaraq onun yarıtmaz siyasətinə görə əməkdaşlar işdən çıxır.

• Jurnalist Osman Mirzəyevin qızıdır.
• Jurnalist Solmaz Mirzəyevanın qızıdır.

Xarici keçidlər

• [1]Adam.az
• [2]Sevinc Osmanqızı jurnalist fəaliyyətinə “Assa-İradə” xəbər agentliyində parlament müxbiri kimi başlayıb(1990).
• [3]Anspress.com

Həmçinin bax

• [4] CNN Osmanqızı müsəlman dünyasının ilk demokratik və dünyəvi respublikası olan Azərbaycan Xalq Cümhuriyyəti haqqında
• [5] CNN Osmanqızı Milli Qəhrəman Çingiz Mustafayev barədə
• [6] CNN Osmanqızı Azərbaycanda qədim Novruz ənənəsi
• [7] CNN Osmanqızı Azərbaycanda neft bumu
• [8] CNN Osmanqızı Azərbaycan narı
• [9] CNN Osmanqızı Oğuz-Qəbələ-Bakı su kəməri
• [10] CNN Osmanqızı İvanovka kəndi
• [11] CNN Osmanqızı Azərbaycanın Birinci Xanımı
• [12] BBC Outlook Osmanqızı xeyriyyəçi-milyonçu Zeynalabdin Tağıyev barədə
• [13] Sevinc Osmanqızı: "Bir nəfər də tapmadım mənə desin ki, "Sən ağıllı hərəkət edirsən""