Samuray

Samuray (yap. 侍, buşi yap. 武士) — Yaponiyada feodalizm dövründə böyük torpaq sahibləri daymyodan başlayaraq, ən kiçik zadəgana qədər böyük bir təbəqənin adı. Samuraylar faktiki olaraq torpaq sahibləri idilər və bu baxımdan avropadakı cəngavər silklərinə bənzəyirdilər. Şoqun Oda Nobunaqa dövründə samuraylar ən yüksək inkişaf səviyyəsinə çatdılar. Dövlət mərkəzləşdirildi. Daha əvvəl feodal Yaponiyasında hər vilayəti ayrı ayrı klanlar idarə edirdi. Nobunaqanın ölümündən sonra fərqli klanlardan Toyotomi Hideyoşi və İeyasu Tokuqava dövləti faktiki olaraq idarə etməyə başladılar. Tokuqava dövründə samurayların imperator üzərindəki təsiri zəiflədi. Meici reformu zamanı isə tamamilə ləğv edildi. Samuraylar silahsızlanmağa məcbur edildilər və bütün üsyanlar yatırıldı. Samuraylar böyük samuray liderlərinin hazırladığı buşido qaydası ilə yetişdirilirdi. Hər samurayın bağlı olduğu başqa bir samuray vardı və avropadakı vassal senyor münasibətləri burada da keçərli idi. Samurayın senyoru öldükdə samuray da ya harakiri edir ya da Roninə çevrilirdi.