Şahrux Xan

Şahrux Xan
Doğum tarixi	2 noyabr 1965(1965-11-02)[…] (58 yaş)
Doğum yeri	Yeni Dehli, Yeni Dehli dairəsi[d], Dehli divizionu[d], Hindistan
Vətəndaşlığı	Hindistan
Həyat yoldaşı	Qauri Xan (1991–)
Fəaliyyəti	televiziya aparıcısı, aktyor, ssenarist, film prodüseri, rəqqas
Fəaliyyət illəri	1988-ci ildən
Təhsili	Dehli Universiteti
Mükafatları
IMDb	ID0451321
Vikianbarda əlaqəli mediafayllar

Şahrux Xan (ing. Shahrukh Khan) — məşhur hind aktyoru, prodüser və televiziya aparıcısı.

Həyatı

Şahrux Xan 1965-ci il 2 noyabrda Yeni Dehlidə anadan olmuşdur. Əslən puştundur və dini etiqadına görə müsəlmandır. Ailədə 2 uşaqdırlar - yaşca ondan böyük olan Şahnaz adlı bacısı var. Atası Tac Məhəmməd Xan hüquqşünas olmuşdur. Hindistanın bölünməsinə qədər Peşəvərdən Yeni Dehliyə köçmüşdür. Anası Fatimə Xan xalq hakimi idi.

Şahrux Xan məktəbi Dehlidə oxumuş, 1988-ci ildə Dehli Universitetinin iqtisadiyyat fakültəsini bitirmişdir. Daha sonra kütləvi rabitə ixtisası üzrə magistr dərəcəsini almışdır. Lakin buna baxmayaraq o, aktyor sənətini daha üstün tutmuşdur.

1991-ci ildə valideynlərinin ölümündən sonra o, Mumbay şəhərinə köçmüşdür. 1991-ci il 25 oktyabr tarixində Qauri Çibber ilə ailə həyatı qurmuş və bu nikahdan 1997-ci ildə oğlu Aryan və 2000-ci ildə qızı Suhana anadan olmuşdur.

Kino karyerası

Şahrux Xan ilk aktyorluq debütünü 1988-ci ildə etmiş və bir neçə televiziya serialında çəkilmişdir. Kino fəaliyyətinə isə Bollivud adlandırılan Mumbay şəhərinə gəldikdən sonra başlamışdır. İlk rolunu 1992-ci ildə "Dəlisov məhəbbət" filmində ifa edir. Bu filmdəki roluna görə Şahrux Xan Hindistanın ən məşhur kino jurnalı olan "Filmfare" tərəfindən "Ən Yaxşı Debütə görə" mükafatını almışdır.

1993-cü ildə eyni vaxtda iki filmdə - "Qorxu" və "Qumarbaz" filmlərində mənfi obrazlar yaratmışdır. İkinci filmdə ifa etdiyi Viki Malhotra rolundan sonra Ən Yaxşı Baş Rola görə yenidən "Filmfare" kino jurnalının mükafafatına layiq görülür. Növbəti mükafatını 1995-ci ildə Kacol Devqanla çəkildiyi "Cəsur ürək gəlini alar" filmində ifa etdiyi Rac roluna görə alır. Bu film kinoteatrlarda 12 milyard rupi qazanmışdır və bununla Hindistan kino tarixində ən böyük kassa gəliri olan film hesab olunur.

Uğurlu rolları Şahrux Xanı məşhur kino aktyoruna çevirdi. Bəzən o, bir ildə 5-6 filmə dəvət alırdı. Nəticədə o, "Bollivudun Kralı" adını alır. Şahrux Xan hal-hazırda Bollivudun ən çox mükafat alan aktyorudur.

Şahrux Xan Bollivudun meşhur qadın aktrisalarından olan Kacolla müxtəlif filmlərə çəkilmişdir. Həmin filmlər o qədər sevilmişdir ki, Şahrux Xan və Kacol Hindistanın ən çox sevilən cütlüyünə çevrilmişdir.Hətta onlar buna görə "Ən yaxşı cütlük" mükafatını almışlar.

2007-ci ildə əvvələr Amitabh Baççanın apardığı "Milyonçu" teleoyununun aparıcısı olmuşdur. 2008-ci ilin aprelində isə "Kim 5-ci sinif şagirdindən ağıllıdır?" teleoyununun hind versiyasının aparıcılığını etmişdir. 2011-ci ildə o Hindistandakı 'Wipeout' verilişinin də aparıcılığını etmişdir. İndiyə qədər 70-ə yaxın filmdə çəkilmişdir.

Filmoqrafiya

1. Yeni əsgər (1988) / Fauji
2. Enninin bədbəxtliyi (1989) / In Which Annie Gives It Those Ones
3. Sirk (1989) / Circus
4. Dəlisov məhəbbət (film, 1992) / Deewana
5. Ürək həqiqəti bilir (film, 1992) / Dil Aashna Hai
6. Rac bir centlmen oldu (film, 1992) / Raju Ban Gaya Gentleman
7. Maya xanım (film, 1993) / Maya
8. Qumarbaz (film, 1993) / Baazigar
9. Qorxu (film, 1993) / Darr
10. Kral əmi (film, 1993) / King Uncle
11. Bəzən hə, bəzən yox (film, 1994) / Kabhi Haan Kabhi Naa
12. Kapriz (film, 1994) / Anjaam
13. Fədakar məhəbbət (film, 1995) / Guddu
14. Cəsur ürək gəlini alar (film, 1995) / Dilwale Dulhania Le Jayenge
15. Zəmanə aşiqi (film, 1995) / Zamaana Deewana
16. Əzizim bura Hindistandır (film, 1995) / Oh Darling! Yeh Hai India!
17. Üç ilahi güc (film, 1995) / Trimurti
18. Tanrı bilir (film, 1995) / Ram Jaane
19. Karan və Arcun (film, 1995) / Karan Arjun
20. Arzular (1996) / Chaahat
21. Məhəbbət və nifrət (1996) / Dushman Duniya Ka
22. Qisasçı qadın (1996) / Army
23. İngilis ailəsinin hind varisi (1996) / English Babu Desi Mem
24. Sözsüz məhəbbət (1997) / Koyla
25. Bəli, boss (1997) / Yes Boss
26. Dəli ürək (1997) / Dil To Pagal Hai
27. Yad ölkə (1997) / Pardes
28. Oxşar iki adam (1998) / Duplicate
29. Qəlbdən (film, 1998) / Dil Se...
30. Ne isə baş verir (film, 1998) / Kuch Kuch Hota Hai
31. Padşah (1999) / Baadshah
32. Amma qəlbim yenə də Hintli (2000) / Phir Bhi Dil Hai Hindustani
33. Oh Tanrım (2000) / Hey Ram
34. Çılğın (2000) / Josh
35. Hər bir sevən ürək (2000) / Har Dil Jo Pyar Karega...
36. Aşiqlər (2000) / Mohabbatein
37. Qadın sirri (2000) / Gaja Gamini
38. Qəyyum (2001) / One 2 Ka 4
39. Aşoka (2001) / Asoka
40. Kədərdə və sevincdə (2001) / Kabhi Khushi Kabhie Gham...
41. Devdas (film, 2002) / Devdas
42. Mən səninəm əzizim (2002) / Hum Tumhare Hain Sanam
43. Güc (2002) / Shakthi: The Power
44. Həyat yoldaşı (2002) / Saathiya
45. Məhəbbət yolları ilə (film, 2003) / Chalte Chalte
46. Sabah açılacaq, yoxsa yox? (film, 2003) / Kal Ho Naa Ho
47. Ayrılıq (2004) Yeh Lamhe Judaai Ke (Jaadu - 1994 )
48. Mən yanındayam (2004) / Main Hoon Na
49. Vir və Zara (film, 2004) / Veer-Zaara
50. Vətənə qayıdış (2004) / Swades: We, the People
51. Pələngin gözü (2005) / Kaal
52. Sevmək sənəti (2005) / Silsiilay
53. Sirr (2005) / Paheli
54. Yad (2006) / Alag: He Is Different... He Is Alone...
55. Heç vaxt "əlvida" demə (2006) / Kabhi Alvida Naa Kehna
56. Don. Mafiyanın başçısı (2006) / Don
57. Mən səni görürəm (2006) / I see you
58. İrəli, Hindistan (film, 2007) / Chak De! India
59. Salam, balaca (2007) / Heyy Babyy
60. Om Şanti Om (film, 2007) / Om Shanti Om
61. Nathov villasındakı ruh (2008) / Bhoothnath
62. Xoşbəxt ulduz (2008)
63. Bu cütlüyü Tanrı yaradıb (film, 2008) / Rab Ne Bana Di Jodi
64. Bərbər Billu (film, 2009) / Billu
65. Adaxlı axtarılır (2010) / Dulha Mil Gaya
66. Mənim adım Xandır (film, 2010) / My Name is Khan
67. Ra. Bir (2011) / Ra.One
68. Don. Mafiyanın başçısı-2 (2011) / Don 2