Həyat Ensiklopediyası

Həyat ensiklopediyası, EOL (en. The Encyclopedia of Life) – müxtəlif ekspertlər tərəfindən birgə yaradılmış, dünyada məlum olan bütün bioloji növlər haqqında məlumatlar toplanmış onlayn ensiklopediyasıdır.

Layihə yeni yarandığından, hələ tam hazır deyildir.

Müəlliflərin bildirdiklərinə görə gələcəkdə ensiklopediyada hər bir məlum növ haqqında ayrıca məqalələr olacaqdır ki, buraya videomateriallar, səs, şəkil, qrafik və mətn şəklində informasiyalar daxil ediləcəkdir. Hesablamalara görə gələcəkdə, EOL ensiklopediyasında məqalələrin sayı təqribən 1,8 miln. olacaqdır.

Layihənin verilənlər bazasına əvvəlcə, heyvanlar, bitkilər və göbələklər haqqında məlumatlar daxil ediləcək, daha sonra mikroorqanizmlər, daha sonra isə qazıntı halında tapılan bioloji növlər haqqında məqalələrin daxil edilməsi nəzərdə tutulmuşdur. Ensiklopediyanın saytına daxil olmuş hər bir İnternet istifadəçisi mətn, foto, xəritə, audioyazı, video və multimediya şəklində müxtəlif informasiyalar əldə etmək imkanı qazanacaqdır.

EOL ensiklopediyası wiki-texnologiya əsasında işləyəcək ki, bu da istənilən İnternet istifadəçisinin istənilən məqalədə dəyişiklik və əlavələr etmə imkanına malik olması deməkdir. Layihənin on il müddətində tam hazır olması nəzərdə tutulur və təqribən $110,5 miln.-na başa gələcəyi bildirilir.

Həmçinin bax

• İnternet
• Biologiya
• Botanika
• Azərbaycan Milli Elmlər Akademiyası

Xarici keçidlər

• http://www.eol.org/home.html