Mörfi qanunları

Mörfi qanunları — amerikalı mühəndis Edvard A. Mörfi tərəfindən yaradılan qanun. Mühəndis Mörfi 1949-cu ildə raket texnikası sahəsində sınaq apararkən cihazların birinin cüzi fərqlə səhv bağlanması bütün sistemi pozmuşdur və bu uğursuzluq Edvard Mörfinin öz məşhur qanunlarının təməlini qoymağa səbəb olmuşdur. Mörfi qanunlarına görə "hər hansı bir işdə bir tərslik yaşanması ehitimali varsa deməli bu ehtimal yaşanacaq".

Mörfi qanunlarından bir neçəsi :

• Əlimizdən yerə düşən hər şey, yuvarlanaraq götürə biləcəyimiz ən çətin yerdə gedib dayanacaq.
• Nə vaxt maşınımızı yusaq yağış yağar, yağış yağacaq deyə maşınımızı yumasaq yağış yağmayacaq.
• Yağlı çörək yerə düşsə, mütləq yağ olan tərəfi yerə dəyəcək.
• Dəqiqələrlə gözlədiyin avtobus siqaret yandırdığımız anda gəlib çıxacaq.
• Bir şeyi təmir edərkən, əllərin yağlı olanda burnumuz qaşınacaq.
• Biz nə qədər oxusaq da, müəllim oxumadığımız yerdən sual verəcək.
• Axtardığımız bir şeyi ən son baxdığımız yerdən tapacağıq.

Mörfi qanunlarının tam əksi olan Yhprum qanunları da mövcudur. Bu qanun "Murphy" sözünün yazılışının əksinə yazılmaqla (Yhprum) Mörfi qanunlarının əksi olduğunu göstərir. Bu qanunların banisi isə Harvard Üniversiteti Siyasi İqtisad fakültəsinin müəllimi Riçard Zekhauserdir. Onun fikrincə "İşləməyən hər şey, işləyir". Paulo Koelyonun "Brida" romanında işlədilən bir ifadəni "İşləməyən saat belə, gündə iki dəfə doğru vaxtı göstərir" Yhprum qanunlarından hesab etmək olar.

[[it:Legge di Murphy]Y