Qay Semproni Qrakx

Qay Semproni Qrakxus(E.ə 153 - 121) İslahatçı Qrakxus qardaşlarından kiçiyi.

E.ə 123-122 illərdə, cəmiyyətin içtimai-siyasi strukturunu dəyişə biləcək bir sıra qanun layihələri ilə, Tiberi Semproni Qrakxusun kiçik qardaşı, xalq tribunu Qay Semproni çıxış etdi. Qay Qrakxusun qardaşından daha qəti niyyətləri vardı. Hər şeydən göründüyü kimi, o romalı siyasətçiləri içində, cəmiyyəti doğrudan da demokratikləşmək istəyən yeganə siyasətçi idi. Bu niyyət qardaşının qisasını, dövlətin idarəçiliyində ali vəzifələr tutanlardan almaq niyyəti ilə dramatikləşirdi. Bundan başqa Qay Qrakxus, dövlətin yeni şəraitdə yaranan ağrılı problemlərini həll etməyə çalışırdı. Bu polis aparatını yeni böyük dövlətə uyğunlaşdırmaq cəhdi idi. Hər şeydən əvvəl Qay, Tiberinin məhsuldar nəticələr verən aqrar komisiyasını bərpa etdi. 80 minə yaxın əhali torpaq aldı. Ancaq İtaliyanın torpaq payı yetərsiz olduğu üçün Qay əyalətlərə müraciyət etdi. E.ə 122-ci ildə o koloniyaların çıxarılması barədə qanun qəbul edir. Koloniya üçün ilk yer kimi keçmiş Karfaqenin ərazisi olur, burada Yunoniya adlı koloniya yaratmaq qərara alınır. Kənara koloniyaların çıxarılması sonradan əyalətlərin romanlaşdırılması işində az rol oynamır. Bundan başqa Qay, şəhər plebsinin kütlələrini işlə təmin edən geniş yol və çörək ambarları tikintisini təşkil edir. Lakin tezliklə yeni çətinlik yaranır. Müftə çörək paylanması ilə yaşayan çoxsaylı şəhər plebsi, artıq işləmək tələb etdiyi torpağa can atmırdı. Ancaq səsvermədə oynadığı böyük rola görə bu qrupu gözardı etmək olmazdı. Şəhər plebsinin marağında, Qay, dövlətin anbarlarından plebsə qiymətindən ucuz çörək satışını təşkil edir. Yoxsul əhalinin həyatının yaxşılaşdırılmasının əks tərəfi də vardı, bu romalı lümpen-proletariatın parazitləşməsinə aparırdı. Qay Qrakxusun əsas qanunlarından biri məhkəmə qanunu idi. Senatın səlahiyətlərindən, qeyri qanuni pul tələb olunması işləri alındı. İndi bun məhkəmlər atlıların içindən seçilirdi. Ehtimal ki Qay bunu əyalət valiləri üzərində nəzarətin güclənməsi məqsədi ilə edirdi, ancaq atlıların məhkəmələri senat məhkəmələrindən az korrupsiyaya uğramamışdı. Atlıların vəziyyəti həm də ona görə yaxşılaşdı ki, Qay Asiya əyalətində ondabirin tətbiqi etməyi təklif edirdi, o şərtlə ki vergilərin yığılması Romada xüsusi adamlara icarəyə verilməli idi. Beləliklə varlı əyalət, atlıların məhkəməsinin himayəsi altında olan publikan-icarədar vergi yığanlarına talana verildi. E.ə 123-cü il islahatları Qay Qrakxusu Romanın ən populyar siyasətçisi etdilər. Onun nüfuzu o qədər yüksək idi ki, o asanlıqla e.ə 122-ci ildə yenə tribun oldu. Məhz onda o ən radikal qanunlardan birini, italiklərə Roma vətəndaşlığını verilməsi qanununu təklif etdi. Senat və xalqı bu təklif qıcılandırırdı. Qayın rəqibləri, istənilən fənddən istifadə edərək ona qarşı geniş kampaniyaya başladılar. Xalq tribunu Mark Livi Druz demoqoji təkliflərlə çıxış edərək, plebsin əhəmiyyətli hissəsini Qaydan uzaqlaşdıra bildi. Qayın populyarlığı düşürdü. İtaliklər haqqında qanun keçmədi. Bundan daha təhlükəsli o idi ki, Qay Qrakxus e.ə 121-ci il seçkilərini uduzdu, və onun qatı düşməni Lusi Opimi konsul oldu. Qayın rəqibləri Yunoniyanın ləğv edilməsi məsələsini qaldrımaları, həlledici toqquşma üçün bəhanə oldu. Opimi mübahisəni təhrik etdi, və bundan istifadə edərək, ona fövqaladə səlahiyətlər verilməsinə nail oldu.