Təfəkkür Universiteti: Redaktələr arasındakı fərq
Sətir 85: | Sətir 85: | ||
== Mənbə == |
== Mənbə == |
||
*[http://www.mekteb.edu.az/aliteh/037.htm Elm və Təhsil Mərkəzi Təfəkkür Universiteti] |
*[http://www.mekteb.edu.az/aliteh/037.htm Elm və Təhsil Mərkəzi Təfəkkür Universiteti] |
||
* [http://rc32.ucoz.ru/index/e_unvanlar/0-494 E-ünvan (Universitetlərin siyahısı)] |
|||
== İstinadlar == |
== İstinadlar == |
16:47, 9 iyun 2014 versiyası
Elm və Təhsil Mərkəzi Təfəkkür Universiteti | |
---|---|
Əsası qoyulub | 1995 |
Tip | özəl |
Rektor | Müşfiq Atakişiyev |
Şəhər | Bakı |
Ölkə | |
Ünvan | Təbriz küç. 19 |
Sayt | universitet-tefekkur.com |
Vikianbarda əlaqəli mediafayllar |
Bu məqaləni vikiləşdirmək lazımdır. |
Elm və Təhsil Mərkəzi Təfəkkür Universiteti – Azərbaycanda fəaliyyət göstərən özəl ali təhsil müəssisəsi
Azərbaycan Respublikası Nazirlər Kabinetinin 11 sentyabr 1995-ci il tarixli 202 saylı qərarı ilə dövlət qeydiyyatından keçərək özəl ali məktəb statusu almış "Təfəkkür" universiteti Azərbaycan, rus, ingilis və ispan dillərində bakalavr pilləsində yüksəkixtisaslı kadrlar hazırlayan tədris müəssisəsidir.
Burada təhsil müddəti əyani şöbədə 4 il, qiyabi şöbədə isə 5 ildir.
Universitetdə kadr hazırlığı aparılan ixtisaslar və onların birləşdiyi fakültələr aşağıdakılardır:
Filologiya fakültəsi üzrə ixtisaslar:
- jurnalistika
- Azərbaycan dili və ədəbiyyatı
- ibtidai təhsilin pedaqogikası və metodikası
- xarici dil (ingilis, ispan dili)
İqtisadiyyat-idarəetmə fakültəsi üzrə ixtisaslar:
- biznesin təşkili və idarə olunması
- gömrük işinin təşkili
- biznes üzrə menecment (beynəlxalq yükdaşımalar)
- iqtisadiyyatın huquqi tənzimlənməsi
Nəqliyyat fakültəsi üzrə ixtisaslar:
- lokomotiv və vaqon təsərrüfatı
- dəmir yolunun tikintisi və təsərrüfatı
- yol hərəkətinin təşkili
- ekologiya və ətraf mühitin mühafizəsi
Hüquq fakültəsi üzrə ixtisaslar:
- hüquqşünaslıq
- tibbi biologiya
Professor-müəllim heyətinin 46 nəfəri elmlər doktoru, professor, 3 nəfəri elmlər namizədi, professor, 3 nəfəri elmlər doktoru, dosent, 82 nəfəri elmlər namizədi, dosent, 55 nəfəri elmlər namizədi, baş müəllim, 39 nəfəri müəllim, 2 nəfəri assistentdir.
Universitetdə tələbələrin təlim-tərbiyəsi, tədris və elmi-tədqiqat işləri ilə aşağıdakı kafedralar məşğul olur:
Hüquq elmləri
İctimai-siyasi elmlər
İqtisadiyyat-idarəetmə
Riyaziyyat və informatika
Nəqliyyat və yol təsərrüfatı
Təbiət və ümumtexniki fənlər
Xarici dillər
Filologiya elmləri
Pedaqogika və tədrisin metodikası
Jurnalistika
Tibbi biologiya
Bədən tərbiyyəsi və idman
Tətbiqi mexanika və ümumpeşə hazırlığı fənləri
Universitetdə fizika laboratoriyası, kimya laboratoriyası, kompüter mərkəzi, linqafon kabineti, oxu zalı, idman zalı, yeməkxana, sürücülük məktəbi, kriminalistika laboratoriyası, morfologiya laboratoriyası, iqtisadiyyatın elmi problemləri laboratoriyası fəaliyyət göstərir. "Təfəkkür" universitetinin ABŞ-ın Hardfort, San-Dieqo, Frenso, Santa-Barbara;. İngiltərənin Oksford, Kembric, Qrinviç; Hollandiyanın Erasmus, Van-Holl; Almaniyanın Berlin Politexnik universitetləri, habelə Türkiyə, Kipr və Malayziyanın bir sıra ali məktəbləri ilə sıx əlaqələri vardır. Universitet müntəzəm olaraq həmin tədris ocaqları ilə müəllim və tələbə, proqram və dərs vəsaitləri mübadiləsi aparır. Bu il "Təfəkkür" universitetinin "San-Dieqo" və "Fresno" universitetləri ilə birgə fondu yaradılmışdır. Bu, Elm və Təhsil Mərkəzi tələbələrinin xarici ölkələrin universitetlərində pulsuz təhsil almağa göndərilməsi, müəllimlərin isə təkmilləşməyə ezam edilməsi üçün geniş imkanlar yaradır. Elm və Təhsil Mərkəzi ilə Malayziya və Türkiyə universitetləri arasında üçtərəfli əməkdaşlıq sahəsində memorandum imzalanmışdır. "Land Tech International" şirkəti "Təfəkkür" Universitetində ingilis dili öyrətmək üçün Beynəlxalq Kompüter Mərkəzi yaratmışdır.
Universitet Beynəlxalq "İNTERNET" informasiya şəbəkəsinə qoşulmuşdur. Bəzi təşkilatlarla, o cümlədən Dəmir Yolu İdarəsilə bağlanmış müqaviləyə əsasən mütəxəssislər işlə təmin edilir. Universitetdə təhsil ödənişlidir. Təhsil haqqı bir tədris ili üçün 500-1500 ABŞ dollarının manatla ekvivalenti məbləğində müəyyən edilmişdir. Əla oxuyan tələbələr kursdan asılı olaraq təhsil haqqından azad olunur. Əla oxuyan, ictimai-kütləvi tədbirlərdə xüsusilə fərqlənən tələbələr üçün "Heydər Əliyev adına", "akad. Z.Bünyadov" adına, "akad. A.Aslanov" adına təqaüdlər (100-150 ABŞ dolları məbləğində) təsis olunmuşdur. Şəhid, köçkün, müharibə faciəsinə mə'ruz qalan və imkansız ailələrdən olan tələbələrə təhsil xərcinin ödənilməsində güzəştlər edilir.
Universitetin Elmi Şurası hörmətli prezidentimiz H.Əliyevin ad gününə hədiyyə olaraq qaçqın və köçkün ailəsindən olan daha 10 nəfər tələbənin pulsuz oxumasına və hər fakültədə 1 nəfər ə'laçı tələbəyə 150 ABŞ dolları məbləğində H.Əliyev adına təqaüd verilməsinə qərar vermişdir. Elmi Şuranın qərarı ilə Universitetdə "Azərbaycan Xalq Cümhuriyyəti" və "Heydər Əliyev məktəbi" adlı xüsusi fənlər tədris edilir. Elm və Təhsil Mərkəzində "Azərbaycan respublikası və Heydər Əliyev" adlı xüsusi mərkəz fəaliyyət göstərir. "Əsrin səsi" adlı qəzet nəşr edilir. Universitetdə müasir tələblərə cavab verən kompyuter mərkəzi, 7 laboratoriya, 13 kafedra, o cümlədən idman obyektləri fəaliyyət göstərir. Universitet kollektivi müntəzəm olaraq Bakıdakı xarici ölkə səfirlikləri ilə görüşlər, tədbirlər keçirir.
Təhsil Nazirliyinin "Magistraturanın yaradılması barədə" 30.04.1999-cu il tarixli 295 saylı əmrinə əsasən 1999/2000-ci tədris ilindən başlayaraq, Universitetdə "cinayət hüququ və cinayət prosesi", "Xarici dil" (İngilis dili), "İqtisadiyyatın hüquqi tənzimlənməsi", "Yol hərəkətinin təşkili" və "Publisist-jurnalist" ixtisasları üzrə magistraturaya qəbul aparılır. Təhsil müddəti 2 ildir. Azərbaycan Respublikası Müdafiə Nazirinin "Elm və Təhsil Mərkzi "Təfəkkür" Universitetində hərbi hazırlıq dərslərinin təşkili haqqında" 22 aprel 1998-ci il tarixli 62 saylı əmrinə əsasən burada ehtiyat zabitlər hazırlanır. Universitet 1997-ci ildə MDB dövlətləri arasında təhsil sahəsində 100 liderdən biri fəxri adına, 1998-ci ildə isə beynəlxalq əlaqələrinə görə "Qran-Pri" mükafatına layiq görülmüşdür.
Doktorantura təhsili
Universitetdə fəlsəfə doktoru üzrə doktorantura təhsili verilir[1].