Əhliman Əmiraslanov

Əhliman Əmiraslanov
Doğum tarixi	17 noyabr 1947(1947-11-17) (76 yaş)
Doğum yeri	Zod, Basarkeçər rayonu, Ermənistan SSR, SSRİ
Atası	Tapdıq Əmiraslanov
Elm sahələri	tibb, onkologiya
Elmi dərəcəsi	tibb elmləri doktoru
Elmi adları	akademik, professor, professor[d], Azərbaycan Milli Elmlər Akademiyası
İş yeri	Azərbaycan Tibb Universiteti
Təhsili	Zod kənd orta məktəbi[d], Azərbaycan Tibb Universiteti, N.N.Bloxin adına Rusiya Onkoloji Elmi Mərkəzi[d] (1974–1977)
Elmi rəhbəri	Nikolay Trapeznikov
Tanınmış yetirməsi	Ramiz Bayramov
Üzvlüyü	Azərbaycan Milli Elmlər Akademiyası, Rusiya Elmlər Akademiyası, Azərbaycan Respublikasının Prezidenti yanında Bilik Fondu, Yeni Azərbaycan Partiyası
Mükafatları
Vikianbarda əlaqəli mediafayllar

Əhliman Tapdıq oğlu Əmiraslanov (17 noyabr 1947, Zod kəndi, Basarkeçər rayonu, Qərbi Azərbaycan — Millət vəkili, Azərbaycan Tibb Universitetinin rektoru, tibb elmləri doktoru, professor, Azərbaycan Milli Elmlər Akademiyasının akademiki, AMEA-nın bologiya elmləri bölməsinin akademik-katibi, cərrah-onkoloq, əməkdar elm xadimi. Azərbaycan Tibb Universiteti onkologiya kafedrasının müdiri; Azərbaycan Respublikasının Prezidenti yanında Bilik Fondunun Himayəçilik Şurasının üzvü (18 iyul 2014-cü ildən)

Həyatı

1965-ci ildə orta məktəbi qızıl medalla bitirərək elə həmin ildə N. Nərimanov adına Azərbaycan Dövlət Tibb İnstitutunun müalicə-profilaktika fakultəsinə daxil olmuşdur. 1969-cu ildə hələ tələbə ikən, Bakı şəhər kliniki onkologiya xəstəxanasında tibb qardaşı vəzifəsində əmək fəaliyyətinə başlamışdır.

1971-ci ildə institutu fərqlənmə diplomu ilə bitirdikdən sonra, 1971-1974-cü illərdə Bakı şəhər kliniki onkologiya xəstəxanasının cərrahiyyə şöbəsində həkim-ordinator və şöbənin müdiri vəzifələrində çalışmışdır.

1977-ci ildən Moskvada (aspiranturanı bitirdikdən sonra) SSRİ TEA-nın ÜOEM-nin Ümumi onkologiya şöbəsində kiçik elmi işçi, 1981-ci ildən həmin şöbədə baş elmi işçi, 1984-cü ildən böyük elmi işçi vəzifələrində çalışmışdır.

1987-ci il iyunun 18-də ÜOEM-in ümumi onkologiya şöbəsində aparıcı elmi işçi vəzifəsinə təsdiq edilmiş, 1989-cü ildə həmin şöbədə professor vəzifəsinə seçilmiş və 1992-ci il iyulun 31-nə qədər həmin vəzifədə çalışmışdır.

1992-ci ildən Azərbaycan Tibb Universitetinin rektoru vəzifəsində çalışır və hazırda da bu vəzifəni şərəflə yerinə yetirir.

1993-cü il martın 23-də müsabiqə yolu ilə Azərbaycan Tibb Unviesritetinin Onkologiya kafedrasının müdiri vəzifəsinə seçilmişdir. 2007-ci ildən həm də Universitetin Onkoloji klinikasının direktorudur. Akademik Ə.T.Əmiraslanov 2011-ci ildə Rusiya Tibb Elmləri Akademiyasının və Azərbaycan Milli Elmlər Akademiyasının (AMEA) həqiqi üzvü və AMEA-nın Biologiya elmləri bölməsinin akademik-katibinin müavini seçilib, 2006-cı ildən YUNESKO-nun "Bioetika, elmi biliklərin və texnologiyaların etikası" Komitəsinin Rəyasət Heyətinin üzvüdür, YUNESKO-nun ekspertidir. O, 2007-ci ildə Azərbaycan Milli Elmlər Akademiyasının Biologiya Elmləri Bölməsinin akademik-katibi seçilib. 2010-cü il aprel ayının 30-da ölkə Prezidentinin Sərəncamına əsasən Elmin İnkişafı Fondunun Himayədarları Şurasının, Azərbaycan Respublikası Dövlət Mükafatlarının verilməsi üzrə Komissiyanın, həmçinin "Azərbaycan Respublikası Milli Atlası"nın tərtibi üzrə redaksiya heyətinin üzvləri siyahısına salınıb.

1990-cı ildə Azərbaycan SSR Ali Sovetinin deputatı və 2010-cu ildə Azərbaycan Resbulikasının Milli Məclisinin Deputatı seçilmişdir. 2011-ci ildə Avropa Tibbi-Onkologiya Cəmiyyətinin həqiqi üzvü və Dünya Azərbaycanlılıranın III qurultayında Dünya Azərbaycanlılarının Əlaqələndirmə Şurasının üzvü seçilmişdir. Evlidir, iki oğlu və üç nəvəsi var.

Elmi fəaliyyəti

Əhliman Əmiraslanov 1974-cü ildə Moskva şəhərində SSRİ Tibb Elmləri Akademiyası Ümumittifaq Onkoloji Elmi Mərkəzinin /ÜOEM/ nəzdindəki aspiranturaya daxil olmuşdur. 1977-ci ildə aspirantura müddəti başa çatmamış "Bədxassəli şişlərlə əlaqədar aşağı ətrafların amputasiyasından sonra xəstələrin rehabilitasiyası" mövzusunda namizədlik dissertasiyası müdafiə edərək tibb elmləri namizədi alimlik dərəcəsin almışdır.

Ə.T.Əmiraslanov aspiranturanı qurtardıqdan sonra ÜOEM-də kiçik elmi işçi, baş elmi işçi, professor kimi 1992-ci ilə kimi fəaliyyət göstərmişdir. O, 1984-cü ildə "Osteogen sarkomalı xəstələrin kompleks müalicə üsulları" mövzusunda doktorluq dissertasiyası müdafiə etmişdir. Moskva şəhərində işlədiyi müddətdə Ə.T.Əmiraslanov SSRİ Xalq Təsərrüfatı Nailiyyətləri Sərgisində "Dayaq hərəkət aparatı şişləri olan xəstələrin rehabilitasiyası və müalicəsi" üzrə Ümumittifaq Mərkəzinə rəhbərlik etmiş və SSRİ Xalq Təsərrüfatı Nailiyyətləri sərgisinin medalları ilə təltif edilmişdir.

1985-ci ildə Ə.T.Əmiraslanov "Sümük sarkomaları" adlı orijinal monoqrafiyasına görə SSRİ Tibb Elmləri Akademiyasının N.N.Petrov adına mükafatına layiq görülmüşdür. O, 1986-cı ildə "Onkoloji xəstələrin bərpa müalicəsi metodlarının işlənib hazırlanması və onların klinik təcrübədə tətbiqi" haqqındakı silsilə işlərinə görə elm və texnika üzrə SSRİ Dövlət mükafatı laureatı olmuşdur. Moskvada işlədiyi müddətdə onun rəhbərliyi altında 10 nəfər tibb elmləri doktoru və 32 nəfər tibb elmləri namizədi yetişdirilmişdir.

Akademik Ə.Əmiraslanov həmçinin 436 çap olunmuş elmi əsərin müəllifidir. Bunlardan 198-i xaricdə çap olunmuşdur.

Elmi yenilikləri

Alimin dayaq-hərəkət aparatının və süd vəzisinin bədxassəli şişlərinə onların müalicə metodlarının işlənib hazırlanması və təkmilləşdirilməsinə həsr etdiyi elmi-tədqiqat işləri onu elmi ictimaiyyətdə geniş tanıtdırmışdır. Onun rəhbərlik etdiyi klinikada texniki cəhətdən mürəkkəb olan bud, qamış və bazu sümüklərinin bədxassəli şişlərində aparılan diz, bud-çanaq və bazu oynaqlarının rezeksiyası və endoprotezləşdirilməsi, qalça-qarınarası ayırma, kürək-döşarası amputasiya kimi operasiyalar müvəffəqiyyətlə yerinə yetirilir. Kafedrada bədxassəli sümük şişlərinin, süd vəzisinin, qadın cinsiyyət orqanlarının bədxassəli şişlərinin, yumşaq toxuma sarkomalarının, dəri şişlərinin epidemiologiya, müayinə və müalicəsinə dair elmi-tədqiqat işləri aparılır. Sümük şişləri olan xəstələrdə hormonal-metabolik pozğunluqlar və onların korreksiya yolları istiqamətində elmi-tədqiqat işləri genişləndirilir, bu sahədə doktorluq və namizədlik dissertasiyaları yazılır.

Dayaq-hərəkət aparatı orqanlarının bədxassəli şişlərinə görə cərrahi müdaxilə edilmiş xəstələrin bərpaedici müalicəsi (reabilitasiyası); sümük sarkoması şişlərinin müalicəsində yeni üsulların işlənib hazırlanması; sümüklərin bədxassəli şişlərinin proqnozu; qadın cinsiyyət orqanlarının və sümüklərin bədxassəli şişlərində hormonal-metodik dəyişikliklər; yumşaq toxuma sarkomalarının kombinasiyalı və kompleks şəkildə müasir müalicə üsullarının işlənib hazırlanması; Azərbaycanda bəzi bədxassəli şişlərin epidemiologiyası; bədxassəli şişlərin erkən diaqnostikası və proqnozunda parakrin və immunohumoral faktorların klinik əhəmiyyəti.

Azərbaycan Tibb Universitetində fəaliyyət

Ə.Əmiraslanov 1992-ci ildə N.Nərimanov adına Azərbaycan Dövlət Tibb İnstitutunun rektoru vəzifəsinə təyin edilmiş, 1993-cü ildə həmin universitetinin onkologiya kafedrasının müdiri vəzifəsinə seçilmişdir.Kafedranın işi yenidən qurulmuş, gənc və perspektivli kadrlar elmi və praktik işlərə cəlb edilmişdir.

Akademik Ə.Əmiraslanov 470-dən cox elmi əsərin, 19 monoqrafiyanın, 29 dərslik, dərs vəsaiti və tədris-metodik vəsaitin, 16 ixtira və səmərələşdirici təklifin, 8 metodik tövsiyyənin, onlarca elmi-kütləvi məqalələrin müəllifidir. Onun universitet rəhbərliyi dövründə rəhbərliyi altında 6 nəfər tibb elmləri doktoru və 22 nəfər tibb elmləri namizədi hazırlanmışdır.

Tibb Universitetində Ə.T.Əmiraslanov rəhbərliyi altında bir sıra islahatlar və yeniliklər aparılır. Yeni tədris binası tikilib istifadəyə verilmişdir. Yeni tədris binasında 10 nəzəri kafedra, tibbi kitabxana, "Təbib" nəşriyyatı yerləşdirilib. Binada 750 yerlik geniş akt zalı vardır. Kafedraların bazaları genişləndirilməklə tədris otaqları və laboratoriyalar zəruri avadanlıqlarla təchiz edilmişdir. Hazırda əczaçılıq fakültəsində bakalavr və magistrlərin hazırlanması, tibbi-biologiya, müalicə-profilaktika, pediatriya, tibbi-profilaktika, stomatologiya fakültələrində kliniki fənnlərdən dərs saatlarının artırılması, tədrisin yenidən qurulması və elmi-tədqiqat işlərinin keyfiyyətinin yaxşılaşdırılması, onların elmi nəticələrinin səhiyyə praktikasına tətbiqi və s. uğurla həyata keçirilir. Prezident İlham Əliyevin prezidentin Ehtiyat Fondundan ayırdığı vəsait hesabına Universitet Klinikaları inşa edilmishdir. Tibb universiteti 1999-cu ildən bir sıra Azərbaycan universitetləri ilə birlikdə Qara dəniz hövzəsiətrafı ölkələrin ali məktəblər birliyinə üzv olmuşdur.

Ə.T.Əmiraslanovun beynəlxalq fəaliyyəti

Akademik Ə.T.Əmiraslanov dəfələrlə ABŞ, Fransa, Yaponiya, İtaliya, İsveç, Türkiyə, Kanada, Yunanıstan, Almaniya, Majarıstan, Avstriya, Çexiya, İran, Sinqapur, Rusiya Federasiyası, Pakistan, Polşa, İsrail və başqa xarici ölkələrdə keçirilən qurultay, simpozium, konqres və konfranslarda elmi məruzələrlə çıxışlar etmiş, əldə etdiyi elmi yenilikləri müvəffəqiyyətlə nümayiş etdirmişdir. O, Ümumdünya Ortoped-Travmatoloq və Onkoloqlar Assosiasiyasının, Yunanıstan, Çexiya, Majarıstan Onkoloqlar Cəmiyyətlərinin, Avropa Bərpa Cərrahlığı Assosiasiyasının fəxri, Amerika Klinik Onkologiya Cəmiyyətinin, RF Təbiət Elmləri Akademiyasının, Polşa Tibb Elmləri Akademiyasının həqiqi üzvüdür. O, 1999-cu ildə YUNESKO xətti üzrə «Bioetika, Elmi biliklərin və texnologiyaların etikası» Azərabaycan Milli Komitəsinin sədr müavini seçilib, 1999-cu ilin may ayında Polşa Tibb Elmləri Akademiyasının akademiyanın Albert Şvaytzer adına "Böyük qızıl medalı"na, 2007-ci ildə RTEA-nın akademik N.N. Bloxin adına qızıl medalına, 2009-cü ildə Rusiyanın «XXI yüzilliyin liderləri» Proqramı çərçivəsində «Millətin İntellekti» adlı beynəlxalq təltifə layiq görülüb. O, YUNESKO-nun eksperti, Türkdilli Ölkələrin Parlament Assambleyasının Parlamentlərarası Komissiyasının sədri(TÜRKPA), Milli Məclisin deputatı, həmçinin Müstəqil Dövlətlər Birliyinin iştirakçı dövlətlərinin Paramentlərarası Assambleya şurasının üzvü kimi də Beynəlxalq fəaliyyət göstərir.

Əsas elmi əsərləri

1. А.Т.Амирасланов, В.Н.Герасименко. О реабилитации больных после ампутации нижних конечностей по поводу злокачественных опухолей- Журн.«Опухоли опорно-двигательного аппарата», Москва, 1975 г., вып.5, 4с.

2. А.Т.Амирасланов, А.А.Петренко, В.Н.Герасименко и др. Методы измерения параметров макрогемоциркуляции и проницаемости тканевых барьеров с помощью бета-гамма радиоактивных препаратов – In: Second national conference on biomedical physics and ingineering with international participation. Sofia., 1 c.1976г..

3. А.Т.Амирасланов. Реабилитация больных после ампутации нижних конечностей по поводу злокачественных опухолей – Автореф.дисс… канд.мед.наук. Москва, 1977г., 20 с.

4. А.Т.Амирасланов. Восстановительное лечение больных после экзартикуляции бедра по поводу злокачественных опухолей. – Журн. «Опухоли опорно-двигательного аппарата», Москва, 1979г., вып. 7, 5 с.

5. А.Т.Амирасланов. Некоторые вопросы реабилитации больных перенесших операции по поводу злокачественных опухолей опорно-двигательного аппарата- «Вопросы онкологии», Москва, 1980г., № 12, 7 с.

6. А.Т.Амирасланов, Б.Я.Наркевич, В.Н.Герасименко и др. Устройство для радиоизотопного исследования микрогемоциркуляции в коже- авторское свидетельство № 788468, Москва, 1980г.

7. А.Т.Амирасланов, Н.Н.Трапезников, Л.А.Ереминой и др. Опыт применения и перспективы комбинированных методов лечения остеогенной саркомы- Журн. «Вестник АМН СССР», Москва 1981г., №7,5 с.

8. А.Т.Амирасланов, Н.Н.Трапезников, В.Н.Герасименко и др. Психические нарушения и пути их коррекции у больных перенесших ампутацию нижних конечностей по поводу злокачественных опухолей- Методические рекомендации. Москва, 1982г., 18 с.

9. А.Т.Амирасланов, Н.Н.Трапезников, Ю.Н.Соловьев и др. Саркомы костей.- Ташкент, 1983г., «Медицина», 302 с.

10. А.Т.Амирасланов, Н.Н.Трапезников, Л.А.Ереминой. Комплексный метод лечения больных остеогенной саркомы.- Методические рекомендации. Москва, 1983г.

11. A.T.Amiraslanov, N.N.Trapeznikov, L.A.Ereminoy. Complex treatment of osteosarcoma patients- In: 2nd International Workshop on the design and application of tumor prosthesis for bone and joint reconstruction. Vienna, 1983.

12. А.Т.Амирасланов. Комплексные методы лечения больных остеогенной саркомой.- Автореф. дисс… д-ра мед. наук. Москва, 1984г., 25 с.

13. А.Т.Амирасланов, Н.Н.Трапезников, Л.А.Ереминой и др. Опухоли костей.- Москва, 1986г., Медицина, 283 с.

14. A.T.Amiraslanov, N.N.Trapeznikov, L.A.Ereminoy и др. Management of ostoegenic sarcoma patients/- "Seminar in Surgical Oncology", v.2, 1986, № 1, 17 p.

15. А.Т.Амирасланов. Остеогенная саркома (лечение).- Монография.- Баку, 1987, «Элм», 172 с.

16. A.T.Amiraslanov, N.N.Trapeznikov, L.A.Ereminoy и др. Limb saving surgery combined with chemotherapy and radiotherapy in the treatment of osteogenic sarcoma.- In: "Limb salvage in smusculoskeletal oncology" , New York, 1987, 5 p.

17. A.T.Amiraslanov. The experience of the salvage operations in patients with tumors of the shoulder girdle.- In: "Proceedings of th International Symposium of Leimb salvage", Saint-Malo, France, 1987.

18. A.T.Amiraslanov. Results of Combination Treatment of Osteogenic Sarcoma patients.- In: New Developments for limb salvage in musculoskeletal tumors. Ed.By T.Yamamuro, Springer-Verlag, Tokyo, 1989., 8 p.

19. А.Т.Амирасланов, Н.Е.Кушлински, Л.В.Бассалык и др. Гиперандрогения и возможные пути ее коррекции у больных с первичной остеогенной саркомой кости.- Мат. Всесоюзной конференции «Метаболические нарушения и их коррекция в онкологии». Москва, 1991г., 3 с.

20. А.Т.Амирасланов, Н.Е.Кушлински, Л.В.Бассалык и др. Половые стероидные гормоны и остеогенная саркома.- Сообщение 1. Гиперандрогения в патогенезе остеогенной саркомы- Журн. «Вестник ВОНЦ АМН СССР», Москва, 1991г., № 2, 6 с.

21. А.Т.Амирасланов, В.А.Соколов, С.Д.Щербаков. Ротационная пластика –как один из хирургических методов лечения остеогенной саркомы дистального отдела бедренной кости.- Там же, 5 с., 1991г.

22. A.T.Amiraslanov. Complications after knee joint endoprothetics and the ways of their prevention and treatment.- "6th International Symposium on lymb salvage", September 8-11, 2p. Montreal-Quebec, Canada, 1991.

23. A.T.Amiraslanov. II B Osteosarcoma Clinical Orthopedics and Related Research USA, Philadelphia, PA 19105, 1991, 2 p.

24. A.T.Amiraslanov.Bone Tumor Management.- London; Butterworths 1187.

25. А.Т.Амирасланов, Н. Н.Трапезников, М.Д.Алиев. Эндопротез коленного сустава- Положительное решение на поданную заявку на изобретение № 500843 27/07/92, 1991.

26. А.Т.Амирасланов, Н. Н.Трапезников, М.Д.Алиев. Эндопротез коленного сустава- Положительное решение на поданную заявку на изобретение № 500844 27/07/92, 1992.

27. А.Т.Амирасланов, В.А.Соколов, С.В.Стефанков, М.Д.Алиев. Ротационная пластика как один из видов реконструктивных операций при остеогенной саркоме дистального отдела бедренной костию- Журн. «Проблемы онкологии и мед. радиологии», Баку, 1992.

28. А.Т.Амирасланов, Н. Н.Трапезников. Паростальная саркома.- Азернешр, Баку, 1993г., 104 с.

29. А.Т.Амирасланов, Н. Е.Кушлински, А.Ю.Казиев. Рецепторы половых стероидных гормонов в опухолях костей.- Баку, 1995, Эргюн, 96 с.

30. Ə.T.Əmiraslanov. Bədxassəli sümük şişlərinin proqnozu- Monoqrafiya.- Ankara, 1995, 153 c.

31. Ə.T.Əmiraslanov, Ə.M.Məmmədov, N.V.Qasımov, M.C.Yusifov, Y.A.Nuriyev, A.Y.Qazıyev, N.Ə.Şıxəmmədov, N.M.Əmirəliyev, C.B.Camalov. Onkologiya.- Dərslik.- Bakı, 1995, “Təbib”, 460 c.

32. Ə.T.Əmiraslanov, A.Y.Qazıyev. Osteogen sarkomada müalicə metodlarının proqnostik əhəmiyyəti.- “Azərbaycan onkologiya və həmmərz elmlər jurnalı”. – Bakı, 1995, N 1-1, s. 26-28.

33. A.T.Amiraslanov, M.D.Aliyev, S.D.Sherbakov, E.E.İbragimov. Perspective of rotation plastic operation in treatment of osteogen sarcoma in children.- 8 th Interational Symposium on limb salvage, Florence, may 10 th-12 th, 1 p., 1996.

34. А.Т.Амирасланов, А.Ю.Казиев, Н. Е.Кушлински. Сравнительное исследование рецепторов половых стероидных гормонов в хондро- и остеогенной саркомах костей.- «Азмеджурнал»- Баку, 1996, № 2, с.12-16.

35. А.Т.Амирасланов, Н. В.Касумов, Д.Б.Джамалов, Ш.Д.Ганифаев. Неоадьювантная химиотерапия при раке молочной железы.- Материалы I съезда онкологов стран СНГ, Москва. Часть II, 1996, 1 с.

36. Ə.T.Əmiraslanov, A.Y.Qazıyev. Sümük şişləri .- Bakı, “Təbib”, “Azərbaycan Ensiklopediyası”, Nəşriyyat- Poliqrafiya Birliyi, 1997, 480 s.

37. А.Т.Амирасланов,Н.Н.Трапезников,М.Д.Алиев,А.В.Черных. Эндопротез коленного сустава и устройство для фиксации в большеберцовой и бедренной костях.- Патент № 2080840 на изобретение от 10 июня 1997.

38. Ə.T.Əmiraslanov. Dayaq-hərəkət aparatının bədxassəli şışlərinin müasir müalicə üsullarının işlənib hazırlanması və təcrübəyə tətbiqi- Akt nitqi.- Bakı, 1997, “Təbib”.

39. А.Т.Амирасланов, Н.Ф.Мистакопоуло, Г.Г.Кныров, Ф.Н.Мистакопоуло. Кахекция у больных раком пищевода и желудка.- Баку, «Табиб», 291 с.

40. Я.Т.Ямирасланов, А.Й.Газыйев. Сцмцк шишляри- Анкара, «Демирщан», 1999, 480 с.

41. A.T.Amiraslanov,N.F.Mistakopoulo,G.G.Knirov,F.N.Mistakopoulo. Cachexia in Patients with Esophagus and Stomach cancer (diaqnosis? Clinical picture and treatment), - Ankara, 1999, 297 p.

42. А.Т.Амирасланов, А.Ю.Казиев, Н. В.Касумов, Э.Э.Ибрагимов. Новые подходы к лечению саркомы костей.- «Аз.мед.журнал», Баку, 2000, № 2, стр.3-7.

43. Ə.T.Əmiraslanov. Osteojenik sarkomlu hastaların müasir tedavi yöntemleri. – Ulusal Kanser Kongresi, - İstanbul, 30 Nisan-04 Mayıs “Bildiri özetleri”, 2001, sah.47.

44. Ə.T.Əmiraslanov, A.Y.Qaziyev, F.F.Sevdimalıyev. Azərbaycanda prostat vəzi xərçənginin epidemioloji xüsusiyyətləri.- Bakı, “Azərb.Tibb Jurnalı”, 2001, №2, s.22-24.

45. Ə.T.Əmiraslanov, N.V.Qasımov. Qığırdaq şişləri.- Bakı, 2001, 198 s.

46. Я.Т.Ямирасланов, А.Й.Газыйев. Ушаг онколоэийасы. Дярслик- Бакы, 2002, 648с.

47. А.Т.Амирасланов,Н.В.Касумов, Э.Э.Ибрагимов. Роль неоадьювантной химиотерапии в комплексном лечении сарком мягких тканей.- «International journal on Immunorehabilitation» Т.4. № 1. 21-24 апреля 2002, г.Канны, Франция, 2002.

48. Я.Т.Ямирасланов, А.Й.Газыйев. Ушаг онколоэийасы. Али мяктяб тялябяляри цчцн дярслик. Бакы, 2003, 648 с.

49. Я.Т.Ямирасланов, Р.Б.Байрамов. Абдоминал онколоэийа. Бакы, «Тящсил» няшриййаты, 2004, 320 сящ.

50. А.Т.Амирасланов, Э.Э.Ибрагимов, Н.В.Касумов. Органосохраненные операции при костных саркома. III съезд онкологов и радиологов СНГ. Материалы съезда 25-28 мая 2004г. Минск, стр.97-98.

51. Я.Т.Ямирасланов, Н.В.Гасымов, А.Я.Ямирасланов, Е.Е.Ибращимов, Ш.Д.Таьыйев. Сцмцк шишляринин вя шишябянзяр тюрямяляринин пострезексион дефектлярин бярпасында ортопедик сементин ролу. «Саьламлыг» ъурналы, 2005, 8, с.40-45.

52. A.T.Amiraslanov, A.A.Amiraslanov, E.E.Ibragimov, N.V.Kasumov. Optimization of treatment of patients with osteogenous sarcomas. 18th Annual Meeting and 6th Simposium of EMSOS Nurse Group, May 25-27, 2005, Stazione Hocrittima, Trieste, Italy,p.122. 53. Я.Т.Ямирасланов, Е.Е.Ибращимов, Н.В.Гасымов, Ш.Д,Таьыйев. Чийин гуршаьы сцмцкляринин шишляриня эюря апарылан Тихов-Лемберг ямялиййаты. Прлф. Тамерлан Ялийевин анадан олмасынын 85 иллийиня щяср едилмиш елми конфрансын материаллары, Бакы, 2006, с.64.

54. А.Т.Амирасланов, И.У.Джафарова, А.Ю. Казиев, А.А.Амирасланов. Клинико-диагностические особенности злокачественных фиброзной гистиоцитомы мягких тканей. Саьламлыг, 2007, № 5, с.45-55. 55. Я.Т.Ямирасланов, Е.Е.Ибращимов, Ш.Д,Таьыйев. Birincil i sümük şişlərin zamanı orqansaxlayıcı əməliyyatlar. Azərbaycan Onkologiya və Hematologiya jurnalı, 2009, №2, s.80-82.

56. А.Т.Амирасланов, Мурадов Х.К. А.Г.Велиева. Влияние эндокринно-клеточного компонента на течение и прогноз гормонопродуцирующего рака молочной железы. «Российский Биотерапевтический Журнал», Москва, 2010, том 9, № 4, стр. 51-54.

57. Я.Т.Ямирасланов, Мяммядов А.М.,Газыйев А.Й. Итирилмиш функсийаларын бярпасы вя синир мяркязляринин пластиклийиндя функсионал системин аксептор апаратынын идаряедиcи ролу. Азярбайcан Милли Елмляр Академийасынын мярузяляри, 2010, cилд ЛХ ВЫ, №6, сящ 89-96.

58. А.Т.Амирасланов, Тагиев Ш.Д., Ибрагимов Э.Э. Органосберегательное лечение первичных злокачественных опухолей костей. VI съезд онкологов и радиологов стран СНГ. Душанбе, Таджикистан, 1-4 октября, 2010, с.213.

59. Я.Т.Ямирасланов, A.Y. Qazыyev Onkologiya – Tibb Universiteti tələbləri üçün dərslik. Təhsil nəşriyyatı, Bakı, 2010, 912 səh.

60. Amiraslanov A.T., Amiraslanov A.A., Ibragimov E.E., Tagiyev Sh.D. Orqan-preserving treatment and outcome of primary bone tumors. The 23th Annual Meeting of the EMSOS, May 18-20, 2011, Ghent, Belgium

61. А.Т.Амирасланов, Алиева К.А. Злокачественная фиброзная гистиоцитома мягких тканей: частота метастазирования и рецидивирования. Научно-практический журнал «Практическая медицина». 2011, т.XVII, №2, с.84-89.

62. А.Т.Амирасланов, Ахмедова Г.А. Значение VEGF и BDNF в диагностике и диффференциальной диагностике злокачественных. Фармация Казахстана, 2011, июнь, с.35-37, т.121 № 6.

63. Амирасланов А.Т., Мурадов Г.К., Мехтиева Г.К., Алиева К.А. Функциональная морфология при доброкачественной фиброзной гистиоцитоме мягких тканей. Azərbaycan Tibb Jurnalı. Bakı, 2012, №1, s.102-105.

64. Я.Т.Ямирасланов , Б.Я.Бахшыйев, Я.С. Ясядов – Гараcийяр шишляринин шца диагностикасы. Азярбайcан Тибб Jурналы, 2013, Бакы, №3, с.25-28

65. А.Т.Амирасланов, С.Р.Наджафов – Значение компьютерной томографии в диагностике доброкачественных опухолей и опухоле подобных образований «Хирургия» Журнал им.Н.И.Пирогова, 2012 г.Москва №5, стр.60-62

Təltif və mükafatları

• Azərbaycan Respublikasının "Şöhrət" ordeni – 2000;
• Akademik Y.Məmmədəliyev adına mükafat laureatı;
• "Akademik M.A.Topçubaşov mühazirələri" mükafatı;
• SSRİ Tibb Elmləri Akademiyasının ak. N.N.Petrov adına mükafatı – 1985;
• SSRİ Dövlət mükafatı laureatı – 1986;
• SSRİ Xalq Təsərrüfatı Nailiyyətləri Sərgisinin qızıl medalı – 1987;
• Amerika Bioqrafiya İnstitutunun "Qızıl Heykəl" mükafatı – 1997;
• Azərbaycan Respublikası Səhiyyə Nazirliyinin "Fəxri Fərmanı" – 1997;
• Azərbaycan Respublikası Təhsil Nazirliyinin "Fəxri Fərmanı" – 1997;
• Polşa Tibb Elmləri Akademiyasının A.Şvaytzer adına mükafatı və qızıl medalı – 1999;
• AMEA-nın "Fəxri Fərmanı" – 2002;
• Polşa Tibb Elmləri Akademiyasının A.Şvaytzer adına Böyük Qızıl medalı – 2003;
• Akademik N.N. Bloxin adına qızıl medalı-2007-ci;
• Rusiyanın «XXI yüzilliyin liderləri» Proqramı çərçivəsində «Millətin İntellekti» adlı beynəlxalq təltif - 2009.

Filmoqrafiya

• Aqil Əliyev. Böyük alim, böyük insan (film, 2007)