Hafiz Hacıyev: Redaktələr arasındakı fərq
Redaktənin izahı yoxdur |
Redaktənin izahı yoxdur |
||
| Sətir 53: | Sətir 53: | ||
[[Kateqoriya:Azərbaycan Dövlət Aqrar Universitetinin məzunları]] |
[[Kateqoriya:Azərbaycan Dövlət Aqrar Universitetinin məzunları]] |
||
[[Kateqoriya:Göyçədə doğulanlar]] |
[[Kateqoriya:Göyçədə doğulanlar]] |
||
[[Kateqoriya:Qərbi Azərbaycanda doğulanlar]] |
|||
20:25, 18 noyabr 2014 tarixindəki versiya
| Hafiz Hacıyev | |
|---|---|
| Şəxsi məlumatlar | |
| Doğum tarixi | 6 mart 1956 |
| Doğum yeri |
 SSRİ.svg){kind=small} Ermənistan SSR, Basarkeçər, Zod |
| Partiya | Müasir Müsavat Partiyası |
| Təhsili | Azərbaycan Dövlət Aqrar Universiteti |
| Fəaliyyəti | siyasətçi |
| Atası | Ələmdar Hacıyev |
| Dini | İslam |
Hacıyev Hafiz Ələmdar oğlu (d.6 mart, 1956; Zod, Basarkeçər, Ermənistan SSR, SSRİ) — siyasətçi; Müasir Müsavat Partiyasının sədri.
Həyatı
Hafiz Hacıyev 1956-cı ilin mart ayının 6-da Ermənistan SSR Basarkeçər rayonunun Zod kəndində anadan olmuşdur. 1962-63-cü dərs ilində Zod kənd orta məktəbinə daxil olub, 1973-cü ildə həmin məktəbi bitirmiş və Azərbaycan Kənd Təsərrüfatı Akademiyasının Zoomühəndis fakültəsinə daxil olmuş, 1979-cu ildə həmin ali məktəbi bitirmişdir. 1988-ci ildən biologiya elmləri namizədidir. 1979-cu ildən 1982-ci ilədək Azərbaycan LKGİ Kəlbəcər rayon komitəsində təşkilat şöbə müdiri və rayon komitəsinin II katibi işləmiş və I katibi əvəz etmişdir.
1982-1989-cu illərdə Azərbaycan Kənd Təsərrüfatı Nazirliyində balıqçılıq şöbəsinin ixtioloqu və şöbə müdiri əvəzi, şöbə müdiri, Azərbaycan Dövlət Aqrar-Sənaye Komitəsində balıqçılıq idarəsinin rəisi, 1989-90-cı illərdə Respublika Embrionköçürmə Mərkəzinin direktoru, Respublika Süni Mayalanma Mərkəzinin direktoru vəzifələrində, 1991-1992-ci illərdə "Azərbalıq" İstehsalat Kommersiya Assosiasiyasının sədr müavini və sədri vəzifələrində, 1992[1]-1993-cü[2] illərdə Azərbaycan Respublikasının “Azərbalıq” Dövlət Balıqçılıq Təsərrüfatı Konserninin sədri vəzifəsində çalışmışdır.
1993-cü ildə qiyamçı Surət Hüseynovun göstərişinə əsasən Cinayət Məcəlləsinin 167-ci maddəsinin 1-ci və 2-ci hissələri ilə məhkum olunmuş, 1996-cı ildə isə Cinayət Məcəlləsinin 220-ci maddəsi ilə 3 il müddətinə həbs edilmişdir. 1999-cu ildə həbsdən azad olunduqdan sonra Elçibəy Xalq Hərəkatının yaradılmasının təşkilatçısı və hərəkatın rəhbəri olmuşdur.
Seçkilərdə iştirakı
2001-ci ildə Müasir Müsavat Partiyasının I (təsis) Qurultayında və 2003-cü ildə həmin partiyanın II Qurultayında partiyanın sədri seçilmişdir. 2001-ci ilin noyabrında "Müasir Müsavat" qəzetini təsis etmiş, hazırda həmin qəzetin təsisçisi və baş redaktorudur. 2003-cü il 15 oktyabrında keçirilən Azərbaycan Respublikası Prezidenti seçkilərində namizədliyi irəli sürmüşdü. Bu seçkilərdə Hafiz Hacıyev 8 namizəd arasında 0.3% (9.990 səs) toplamaqla sonuncu yeri tutdu. 2008-ci il Azərbaycan Respublikası prezidenti seçkilərində yenidən iştirak edib və 7 namizəd arasında yenidən sonuncu yeri tutub. Bu seçkilərdə Hafiz Hacıyev səslərin 0.64% -ni (23.771 səs) toplayıb. Hazırda Hafiz Hacıyev Müasir Müsavat Partiyasının lideridir.
Şəxsi həyatı
Ailəlidir, 3 övladı var.
- İmişli Rayon İcra Hakimiyyətinin başçısı Vilyam Hacıyevin əmisi oğludur.
Mənbə
İstinadlar
- ↑ "Azərbaycan Respublikasının “Azərbalıq” Dövlət Balıqçılıq Təsərrüfatı Konserninin yaradılması haqqında" Azərbaycan Respublikası Prezidentinin 4 iyul 1992-ci il tarixli, 40 nömrəli Fərmanı (az.)
- ↑ "H. Ə. Hacıyevin Azərbaycan Respublikası “Azərbalıq” Dövlət Balıqçılıq Təsərrüfatı Konserninin sədri vəzifəsindən azad edilməsi haqqında" Azərbaycan Respublikası Prezidentinin 10 avqust 1993-cü il tarixli, 711 nömrəli Fərmanı (az.)
