Xanlar Məmmədov

Xanlar Məmmədov
Şəxsi məlumatlar
Doğum tarixi	27 fevral 1940(1940-02-27)
Doğum yeri	Laçın rayonu, Mişni kəndi
Vəfat tarixi	1 dekabr 2002(2002-12-01) (62 yaşında)
Vəfat yeri	Bakı, Azərbaycan
Fəaliyyəti	deputat
Atası	Əliş

Xanlar Məmmədov — Laçın rayon KP mərkəzi komitəsinin 1-ci katibi, Laçın rayon icra hakimiyyətinin başçısı, Azərbaycan Respublikasının Xalq Deputatı, Azərbaycan Respublikası Milli Məclisinin Üzvü.

Həyatı

Xanlar Əliş oğlu Məmmədov 1940-cı ildə Laçın rayonunun Mişni kəndində anadan olmuşdur.

1962-ci ildə Azərbaycan Dövlət Universitetini bitirmişdir.

1963-cü ildə Alxaslı kənd məktəbində müəllim işləmişdir.

1966-ci ildə "Laçın" qəzetində şöbə müdiri, 1967-ci ildə Azərbaycan LKGİ Laçın rayon komitəsinin 2-ci katibi, 1968-ci ildə Azərbaycan LKGİ-nin Laçın rayon komitəsinin 1-ci katibi, 1972-ci ildə Bakı Ali Partiya Məktəbinin dinləyicisi, 1972-ci ildə Azərbaycan KP Laçın rayon komitəsinin təlimatçısı, 1975-ci ildə Azərbaycan KP Laçın RK-nın katibi, 1979-cu ildə Azərbaycan KP-nın Laçın RK-nın 2-ci katibi, 1985-ci ildə XI çağırış Laçın rayon Xalq Deputatları Sovetinin 1-ci sessiyasında Rayon Xalq Deputatları Soveti İcrayyə Komitəsinin sədri, 1986-cı ildə Laçın rayon komitəsinin 1-ci katibi seçilmişdir.

90-cı illərin əvvəlində Laçın rayon icra hakimiyyətinin başçısı olmuşdur.

1990-1995-ci illərdə Azərbaycan Respublikasının Xalq Deputatı, Azərbaycan Respublikası Milli Məclisinin üzvü olmuşdur.

2002-ci il dekabr ayının 1-də Bakı şəhərində vəfat etmişdir.

Karyerası

İctimai-siyasi fəaliyyəti

Parlamentdə

1990-1995

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir.

Mənbə

• "Laçın" qəzeti, 16.03.2007-ci il, səhifə 3.