Fatma Muxtarova

Fatma Muxtarova
Ümumi məlumatlar
Doğum tarixi	14 (26) mart 1893
Doğum yeri	Urmiya, Urmiya şəhristanı, Qərbi Azərbaycan ostanı, İran
Vəfat tarixi	19 oktyabr 1972(1972-10-19) (79 yaşında)
Vəfat yeri	Bakı, Azərbaycan SSR, SSRİ
Dəfn yeri	II Fəxri Xiyaban
Vətəndaşlığı	Rusiya imperiyası  SSRİ
Musiqiçi məlumatları
Fəaliyyəti	opera müğənnisi
Fəaliyyət illəri	1914-cü ildən
Janrlar	opera
Səs tembri	messo-soprano
Təhsili	Saratov Dövlət Konservatoriyası[d]
Mükafatları
Vikianbarda əlaqəli mediafayllar

Muxtarova Fatma Sәttar qızı (26.3.1893 Cənubi Azərbaycan, Urmiya — 19.10.1972, Bakı) — Azərbaycan müğәnnisi (mezzo-soprano), Azәrbaycan SSR Xalq Artisti (1940). Gürcüstan SSR Əməkdar Artisti (1936). Qırmızı Əmək Bayrağı və "Şərəf nişanı" ordenləri ilə təltif edilmişdir.

Həyatı

Kiçik yaşlarından ailəsi ilə birlikdə Rusiyaya (əvvəllər Rostova, sonra isə Peterburqa) köçmüşdür. Saratov Konservatoriyasını bitirmiş (1914), Moskva, Saratov, Sankt-Peterburq, Kiyev, Xarkov, Odessa vә s. şәһәrlәrin opera teatrlarında oxumuş, 1938—53 illәrdә AOBT-nın solisti olmuşdur.

Atasını erkən itirmiş, ailəsini saxlamaq üçün Rusiyanın şəhərlərində (Peterburq, Saratov və s.) "Katya" adı ilə şarmanka, eləcə də qarmonun müşayiəti ilə oxumuş, təlxək və oyunbazlarla birlikdə çıxış etmişdir. "Saratovskiye vedomosti" qəzetinin redaktoru N.M.Arxangelskinin, Saratov Konservatoriyasının prof. M.Y.Medvedevin köməyi ilə 1914 ildə Saratov Konservatoriyasını bitirdikdən sonra Moskvaya köçmüş, F.İ.Şalyapinin vasitəsilə S.İ.Ziminin opera teatrına dəvət olunaraq 1917-ci ilədək burada oxumuşdur. 1920-ci ildən Kazan, Leninqrad, Kiyev, Xarkov, Odessa, Tbilisi və s. ş.-lərin opera teatrlarında oxumuşdur

Yaradıcılığı

Fatma Muxtarova 1938-1953 illərdə M.F.Axundov ad. Azərb. Dövlət Opera və Balet Teatrının solisti olmuşdur. Əsas partiyaları: Marfa, Marina Mnişek ("Xovanşina", "Boris Qodunov", M.Musorqski), Lyubaşa ("Çar gəlini", N.Rimski-Korsakov), Amneris ("Aida", C.Verdi), Dalila ("Samson və Dalila", K.Sen-Sans), Aksinya ("Sakit Don", İ.Dzerjinski), Əzra ("Nizami", Ə.Bədəlbəyli) və s. Yaradıcılığının zirvəsi Karmen ("Karmen", J.Bize) partiyasıdır. Konsert proqramları ilə də çıxış etmişdir. Qırmızı Əmək Bayrağı və "Şərəf nişanı" ordenləri ilə təltif edilmişdir.

Fitri istedada, güclü vә gözәl sәsә, yüksәk aktyorluq mәһarәtinә malik olan Fatma Muxtarova bir çox mәşһur müğәnnilәrlә çıxış etmişdir. Üzeyir Hacıbəyov onun sәnәtkarlığını yüksәk qiymәtlәndirirdi.