Dövlət Bayrağı Meydanı: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Silinən məzmun Əlavə edilmiş məzmun
Tubus (müzakirə | töhfələr)
Redaktənin izahı yoxdur
Sətir 101: Sətir 101:


# Dövlət Bayrağı Meydanı. Bakı, 2010,s. 75.
# Dövlət Bayrağı Meydanı. Bakı, 2010,s. 75.
# Əhmədov Səbuhi, Məmmədov Vüqar. Azərbaycan Respublikasının Dövlət Bayrağı. Bakı, 2010,s. 156.
# Əhmədov Səbuhi, Məmmədov Vüqar. Azərbaycan Respublikasının Dövlət Bayrağı. Bakı, 2010,s. 156.


== Mənbə ==
== Mənbə ==

19:24, 8 fevral 2015 versiyası

Şablon:Küçə (Bakı)

Dövlət Bayrağı MeydanıBakı şəhərinin Bayıl sahəsində yerləşən memorial abidə-istirahət parkı. Meydanın təntənəli açılışı 2010-cu ilin sentyabrın 1-də Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev tərəfindən keçirilmişdir.[1]

Tarixi

Bakıda Dövlət Bayrağı Meydanının yaradılması barədə sərəncam Prezident İlham Əliyev tərəfindən 2007-ci il noyabrın 17-də imzalanıb. Digər tərəfdən Prezident 2009-cu il noyabrın 17-də isə Dövlət Bayrağı Gününün təsis edilməsi haqqında sərəncam imzalayıb. Hər il noyabrın 9-u Azərbaycanda Dövlət Bayrağı Günü kimi qeyd olunur.

Dövlət Bayrağı Meydanının təməli 2007-ci il dekabrın 30-da Bakının Bayıl qəsəbəsində - Hərbi Dəniz Qüvvələrinin bazası yaxınlığında prezident İlham Əliyevin iştirakı ilə qoyulub.

2009-cu ilin oktyabr ayında Azərbaycan Prezidenti İlham Əliyev "Bakı şəhərində yerləşən Dövlət Bayrağı meydanında tikinti-quraşdırma və abadlaşdırma işlərinin sürətləndirilməsi üçün əlavə tədbirlər haqqında" sərəncam imzalamışdı.

Bakı şəhərində yerləşən Dövlət Bayrağı meydanında tikinti-quraşdırma və abadlaşdırma işlərinin sürətləndirilməsi üçün Azərbaycan Respublikasının 2009-cu il üçün dövlət büdcəsində nəzərdə tutulmuş Prezidentin Ehtiyat Fondundan Bakı Şəhər İcra Hakimiyyətinə 10 mln. manat vəsait ayrılmışdı. [2]

Meydan üçün seçilmiş yer dövlət bayrağının paytaxtın müxtəlif nöqtələrindən görünməsinə imkan yaradır.

Amerika Birləşmiş Ştatlarının "Trident Support" şirkəti tərəfindən hazırlanmış layihənin icrasını Azərbaycanın "Azenko" şirkəti yerinə yetirib. Ümumi ərazisi 60 hektar, yuxarı hissəsinin sahəsi 31 min kvadratmetr olan meydanda bütün infrastruktur yaradılıb. Xüsusi layihə əsasında reallaşdırılan tikinti işlərini xarici və yerli mütəxəssislər həyata keçiriblər.

20000 m² ərazisi olan meydanda ucaldılmış dayağın hündürlüyü 162 metr, bünövrəsinin diametri 3,2, bünövrənin üst hissəsinin diametri 1,09 metrdir. Qurğunun ümumi kütləsi 220 tondur. Bayrağın eni 35 metr, uzunluğu 70 metr, ümumi sahəsi 2450 kvadratmetr, kütləsi isə təqribən 350 kiloqramdır.[3] Ginnes dünya rekordları təşkilatı 2010-cu il mayın 29-da Azərbaycan dövlət bayrağı dirəyinin dünyada ən hündür bayraq dirəyi olduğunu təsdiq edib.

Meydanda qurulmuş Azərbaycan Respublikasının gerbi, dövlət himninin mətni və ölkəmizin xəritəsi qızıl suyuna salınmış bürüncdən hazırlanıb. Meydanda Dövlət Bayrağı Muzeyi də yaradılıb.

Azərbaycan Respublikası Prezidenti İlham Əliyevin sərəncamı ilə Rəşad Rəfael oğlu Məmmədov Azərbaycan Respublikası Nazirlər Kabineti yanında Dövlət Bayrağı Meydanı Kompleksi İdarəsinə rəisi təyin edilib.[4]

Prezident İlham Əliyev mütəmadi olaraq meydanda gedən abadlıq işləri ilə tanış olmuşdur.[5]

Poçt markası üzərində

2011-ci ildə buraxılmış poçt markası

2011-ci ilin noyabr ayının 9-da Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Azərbaycan Respublikasının Dövlət Bayrağı gününə həsr olunmuş poçt markası təqdim edilmişdir. Qiyməti 30 qəpik, tirajı isə 100000 ədəd olan həmin marka Azərbaycanın mininci poçt markası olunmuşdur. Markanın üzərində Dövlət Bayrağı Meydanının təsviri vardır[6][7].

Ədəbiyyat

  1. Dövlət Bayrağı Meydanı. Bakı, 2010,s. 75.
  2. Əhmədov Səbuhi, Məmmədov Vüqar. Azərbaycan Respublikasının Dövlət Bayrağı. Bakı, 2010,s. 156.

Mənbə

İstinadlar

  1. http://az.apa.az/xeber_Bakida_Dovlet_Bayragi_Meydaninin__197260.html
  2. "Baki_sheherinde__167224.html APA, 26 Oktyabr 2009
  3. Mediaforum.az, 2009-10-26
  4. http://az.apa.az/xeber_Azerbaycan_Nazirler_Kabineti_yaninda__220666.html
  5. http://news.day.az/politics/268177.html
  6. Yeni markalar çap olunub. ictnews.az  (az.)
  7. 09.11.2011. 9 noyabr - Azərbaycan Respublikasının Dövlət Bayrağı günü. azermarka.az  (az.)

Həmçinin bax