Yohan Kroyf Arena

Amsterdam Arena
Johan Cruijff ArenA
Yuxarıdan görünüşü
Tam adı	Amsterdam ArenA
Yeri	Arena Boulevard 29, Amsterdam, Niderland.
Təməli qoyulub	1993
Tikilib	1996
Açılış tarixi	14 avqust 1996
Tikinti xərcləri	140 milyon avro
Sahibi	Amsterdam höküməti
Tamaşaçı tutumu	53.346
Ev sahibi komanda	Ayaks AFK
Meydançanın ölçüləri	105 x 68 metr
Ot örtüyü	təbii
Rəsmi saytı
Vikianbarda əlaqəli mediafayllar

Amsterdam ArenA — Hollandiyanın Amsterdam şəhərində yerləşən stadion. Ayaks AFK futbol klubu ilı Avropa-Amerikan Futbolu Liqası (NFL) təmsilçisi "Amsterdam Admirals" bu stadiondan istifadə etməkdədir.

Tarixi

Bu stadionun tikilməsi ilk dəfə 1992-ci ildə Amsterdamın Yay Olimpiya Oyunlarına namizəd olduğu zaman gündəmə çıxmışdı. Amma bu haqqı Barselona şəhəri qazandıqdan sonra bu layihə unudulmuşdur. Daha sonra bu layihə yenə gündəmə gəlmiş və 1993-cü ildə stadionun təməli atılmışdır. Kraliça Beatriks stadionun açılışını 14 avqust 1996-cu ildə etmişdir.

Haqqında

Stadionun loqosu

Stadionda futbol və Amerikan futbolu müsabiqələri, konsertlər də keçirilir. İçində həmçinin restoranlar, konfrans otaqları və azarkeşlərin tələblərini ödəyən digər müəssəsələr vardır. Ən əhəmiyyətli xüsusiyyəti damının açılıb-bağlana bilməsidir. Tikilməsinə 96 milyon avro xərclənmişdir. 2000-ci ildə futbol üzrə Avropa çempionatına ev sahibliyi etmişdir. Stadionun ot örtüyü fırtına, yağış, qar kimi hadisələrə davamlıdır, amma damın bağlı olması üzündən gün işığı görməyən otlar hər ay dəyişdirilməlidir. 8 dəqiqə ərzində boşaldıla bilən stadionda siqaret çəkmək qadağandır. UEFA-nın 5 ulduzlu stadionudur. Maykl Cekson, Tina Torner, Devid Boui, Eminem, Robbi Uilyams, Selin Dion ve Madonna kimi müğənnilər burada konsert vermişdirlər. 1998-ci ildə UEFA Çempionlar Liqasının finalı bu stadionda oynanmışdır. 2005-ci ildə məşhur futbol adamı Rinu Mişelsin ölümündən sonra ölümündən sonra Ayaks azarkeşləri bu stadionun Rinu Mişels stadionu olmasını istəmişdilər.

Avropa çempionatı - 2000

Tarix		Nəticə		Mərhələ
11 iyun 2000	Niderland	1–0	Çexiya	D qrupu
18 iyun 2000	Sloveniya	1–2	İspaniya	C qrupu
21 iyun 2000	Fransa	2–3	Niderland	D qrupu
24 iyun 2000	Türkiyə	0–2	Portuqaliya	¼ final
29 iyun 2000	Niderland	0–0	İtaliya	Yarımfinal

Qalereya

• 
  Çelsi-Benfika (1:1) oyunundan görüntü, 2013 Avropa Liqasının finalı.
• 
  Ayaks-Ekselsior oyununda tribuna
• 
  Stadionda konsert
• 
  Yandan görünüş

Xarici keçidlər

• Rəsmi sayt
• Ayaks muzeyi
• Amsterdam ArenA Stadion bələdçisi