Vikipediya:Silinməyə namizəd səhifələr

↓

Zəhmət olmasa, aşağıdan yeni mövzu əlavə edin

Arxiv

Bu səhifə silinməyə namizəd olan məqalələrin müzakirəsi üçün nəzərdə tutulmuşdur. Əgər məqalənin silinməsi ilə əlaqədar mübahisə yaranarsa bu səhifəyə müraciət olunmalıdır.

Məqalənin adı və silmə səbəbi iddiaçı tərəfindən daxil edilir. Arqumentlər göstərilir. Müzakirə aparılır. Son qərarı müzakirədə iştirak edən idarəçilərdən biri verir. Məqalənin Vikipediyada qalması ilə bağlı ciddi arqumentlər göstərilməzsə məqalə silinir. Məqalənin Vikipediyada qalması ilə əlaqədar müzakirələr maksimum 15 gün ərzində sona çatmalıdır. Müzakirə samanı bütün istifadəçilərin fikri eynidirsə qərar daha tez müddətdə verilə bilər.

Müzakirəyə qoşulmazdan əvvəl istifadəçilərdən Vikipediya:Şəxslərin ensiklopedik əhəmiyyəti, Vikipediya:Etibarlı mənbələr, Vikipediya:Səhifə silmə kriteriyaları və digər qaydalarla tanış olmaları tələb olunur.

Qərar verərkən {{Silinsin}} və {{Qalsın}} şablonlarından istifadə olunması tövsiyə olunur.

Bu səhifə hər hansı məqalənin silinəcəyi haqqında viki-cəmiyyətə xəbərdarlıq funksiyası daşıdığına görə müzakirələrin nəticəsi olaraq silinən məqalələrin bərpası yalnız idarəçilərə müraciətdən sonra həyata keçirilə bilər.

Əli Hacızadə

Əli Hacızadə Azvikinin yazarlarından biri olub. Bu şəxsi ensiklopedik şəxs hesab etmirəm. Məqalənin reklam xarakterli olduğu açıq şəkildə görünür. Vikipediya:Ensiklopedik əhəmiyyətlilik şəxslər bölməsində belə Əli Hacızadə adlı məqaləsinin saxlanılmasına imkan vermir. Məqalə silinməlidir. Hörmətlə:--Baskervill ^müzakirə 11:46, 6 may 2015 (UTC)

Silinsin: Tamamilə düz qeyd etmisiniz Nihat. Məndə hesab edirəm ki, məqalə silinməlidir. Bu şəxs ensiklopedikdirsə, o zaman mən də sabahdan özüm barədə məqalə yaradaram. --Keete 37 (Farid Aliev) (müzakirə) 12:02, 6 may 2015 (UTC)

Silinsin: Baskervilllə tamamilə razıyam. Şəxs vikiqaydalara əsasən qeyri-ensiklopedikdir. Və məqalə silinməlidir.--samral ^müzakirə 12:03, 6 may 2015 (UTC)

Silinsin: Əlini qiyabi olsa da tanıyıram. Onunda mənim varlığım barədə xəbərdar olduğunu bilirəm. Məsələnin kənardan şəxsi-qərəzlik kimi görünməsini qətiyyən arzu etmirəm. Bir vikipediyaçının özü barədə (və ya kiminsə vasitəsi) ilə məqalə yazmasında da anormal bir şey yoxdur. Sadəcə həmin şəxs ensiklopedik bir şəxs olmalıdır. Fakt budur ki, Əli Hacızadə öz bioqrafiyası ilə bir çoxumuzundan fərqlənmir. Mən demirəm ki, oturaq biz də özümüz barədə yazaq. Sadəcə belə mənfi hallara yol verməyək ki, səhərisi gün kimsə gəlib deməsin - necə olur o özü barədə yazanda bir şey demirsiniz, mən yazanda isə silirisniz.--Baskervill ^müzakirə 12:09, 6 may 2015 (UTC)

Qalsın: Birincisi, kiminsə, nə vaxtsa vikipediyada redaktələr etməsi heç də, nə vaxtsa həmin adam haqqında vikipediyada məqalə yaradılması qadağandır anlamına gəlmir. Əli haqqında məqalə onun nə vaxtsa vikipediya redaktoru olmasına görə yaradılmayıb. Həmin şəxs böyük bir şirkətin direktorudur, Azərbaycanın PR üzrə ən məşhur mütəxəssisidir, yeganə azərbaycanlı politoloqdur ki, Rusiyanın ən nüfuzlu mətbu orqanları onun fikrinə avtoritet müəllif fikri kimi yanaşırlar, Rusiyanın iki rəsmi mətbu orqanının idarə heyətinin üzvüdür. Bir neçə nüfuzlu mətbu orqanın mütəxəssislər şurasının üzvüdür, əsəri nəşr edilmiş tədqiqatçıdır və bütün bunlar məqalədə istinadlarla göstərilib. Azərbaycanın ən öndəgedən alimi, şairi və ya başqa bir sahədə tədqiqatçı-mütəxəssisi haqqında mətbuatda bu qədər məlumat yazılmır, bu qədər müzakirələr edilmir. Baskervill, əgər sizin iddia etdiyiniz kimi, Əli Hacızadənin bioqrafiyası həqiqətən də adi vikipediyaçının bioqrafiyasından fərqlənməsəydi, kiçik bir məqalədə 21 istinad göstərilməzdi və ya çətin ki, hansısa vikipediyaçı onun haqqında rəsmi xəbər agentliyi olan AzərTAC-ın məlumat yaydığını iddia edə bilər. Bütün bu faktları nəzərə alaraq, sizin iddianızın yersiz olmasını hesab edirəm və məqalənin silinməsinin düzgün olmayacağını düşünürəm.--sefer azeri 20:18, 6 may 2015 (UTC)

Qalsın: Qoy qalsın, nə qədər də olsa üzərində əziyyət çəkilib, silməyə qalsa bərbad o qədər məqalə var ki. --Keete 37 (Farid Aliev) (müzakirə) 20:22, 6 may 2015 (UTC)

Cənab Keete 37 (Farid Aliev) gözüm sizin məqalə barədə bildirdiyiniz ilk fikiri axtardı. Sonra isə gördüm ki, sefer azeri rəy yazdıqdan sonra siz 180 dərəcə əks fikir ifadə etmisiniz. Sizdən bunun səbəbi barədə heç nə soruşmaq niyyətim yoxdur. Sadəcə sizi bir azca ədalətli olmağa və müstəqil qərar qəbul etməyə dəvət edirəm. Fakt budur ki, sefer azeri yuxarıda olan (bu barədə sonra yazacam) şərhi yazmasaydı siz sözü gedən şərhi silməyəcəydiniz. Böyük bir təəssüf..--Baskervill ^müzakirə 21:39, 6 may 2015 (UTC)

Cənab Baskervill bu məqalənin saxlanılması üçün müsbət rəy verməyimin əsas səbəbi bax bu məqalədir - [1] - niyə siz o zaman bu məqaləni buraya çıxarmırsınız? Bu məqaləni mən bu gün gördüm Vikipediyada.--Keete 37 (Farid Aliev) (müzakirə) 21:53, 6 may 2015 (UTC)

Əlaqəsiz bir müqayisə etmisiniz. Sözü gedən məqalənin varlığından demək olar ki, hər bir kəsin xəbəri var. Çünki ən azından siz həmin idarəçinin səhifəsinə daxil olsanız asanlıqla məqaləyə keçid əldə edə bilərsiniz. Düzünə qalsa bir idarəçinin özü barədə məqalə yaratmasını da düzgün saymıram. Lap fərz edək ki, mən həmin məqalənidə silinməsi üçün namizəd göstərdim, güya sizin mövqeyiniz dəyişəcək ? Nə bilim vallah.--Baskervill ^müzakirə 21:58, 6 may 2015 (UTC)

Azərbaycan Vikipediyasında şəxslər haqqında məqalələrə baxaq, görək onların neçəsi məsələn Ria Novosti informasiya aqentliyi tərəfindən "ekspert" "politoloq" "analitik" hesab edilir? ( http://ria.ru/search/?query=Али+Гаджизаде ) və ya digər Rusiya KİV ləri tərəfindən ( http://www.iarex.ru/experts/82.html). Bu istiqamətdə neçə azərbaycanlının adını çəkə bilərsiz? Onlardan neçəsinin Google Booksda kitabları var? ( http://books.google.az/books?id=4q93CAAAQBAJ&lpg=PP1&pg=PP1#v=onepage&q&f=false ) Neçəsi haqqında Türkiyə KİV - ləri yazır? ( http://www.haberturkdunyasi.com/kultur-sanat/1915---osmanli-dosyasi-kitabi-basildi/279/ ) ( http://www.turkiyegazetesi.com.tr/dunya/259485.aspx ) ( http://www.diplomatikgozlem.com/TR,12447/1915-osmanli-dosyasi.html )

+ Demək olar ki, bütün qabaqcıl Azərbaycan elektron KİV lərində Əli Hacızadənin məqalə və ekspert rəylərinə rast gəlmək olar. Bütün bunlar göz qabağındadır, bunları bilə-bilə "ensiklopedik şəxs deyil" demək məncə ya qərəzli yanaşmadan ya da Vikipediya qaydalarını bilməməkdən irəli gələn bir şeydir... Bu kriteriya ilə hərəkət etsək onda Vikipediyada azərbaycanlılar haqqında olan məqalələrin böyük hissəsi gərək silinsin.--sefer azeri 06:35, 7 may 2015 (UTC)

Sefer azerini başa düşmək olar, çünki sözügedən şəxs Sefer azerinin də fəaliyyət göstərdiyi jurnalın aid olduğu müəssisənin rəhbəridir. Keete 37-yə gəldikdə isə onun hələ indiyə kimi Sefer azeri-nin hansısa sözünə əks söz dediyi görülməyib. Ona görə də inanıram ki, idarəçilərimiz tərəfindən bu 2 mövqe nəzərə alınmayacaq.--samral ^müzakirə 10:42, 7 may 2015 (UTC)

sefer azeri siz çox vaxt hansısa bir məqalənin qeyri-ensiklopedik olduğunu iddia edəndə deyirsiz ki, "get onu başqa dildə olan vikidə, məsələn en və ya ruvikidə yarat silməsələr, gəl burada da yarat." İndi mən də sizin o təklifinizi sizə təklif edirəm. Əgər bu şəxsin ensiklopedik olduğunu düşünürsünüzsə onda buyurun gedin en və ya ruvikidə yaradın, silməsələr burdakı da qalar.--samral ^müzakirə 10:48, 7 may 2015 (UTC)

Cənab samral, xahiş edərdim, mənim şəxsiyyətimə toxunmayasınız, əks təqdirdə idarəçilərə müraciət etməli olacam. --Keete 37 (Farid Aliev) (müzakirə) 10:54, 7 may 2015 (UTC)

Cənab Keete 37 (Farid Aliev) mən heç vaxt heç kimin şəxsiyyətinə toxunmuram. Sadəcə sizi müstəqil fikirli olmağa dəvət etdim.--samral ^müzakirə 11:05, 7 may 2015 (UTC)

Mən sizə konkret mənbələr göstərdim və konkret suallar verdim, siz konkret suallara cavab vermədən başladız mənim işimi nə bilim fəaliyyətimi və sair araşdırmağa, məncə bu ciddi yanaşma deyil. Misal kimi Azərbaycanın ən məşhur politoloqlarından olan Rasim Musabəyovun məqaləsi ilə tanış ola bilərsiz ( http://az.wikipedia.org/wiki/Rasim_Musabəyov ). Mən burada görürəm ki, bəzi istifadəçilər Vikipediya qaydalarından uzaqlaşıb konkret şəxslər üzərində köklənirlər... --sefer azeri 11:32, 7 may 2015 (UTC)

Qalsın: Məqalədə haqqında söhbət gedən şəxsin kifayət qədər tanındığı görünür. Şəxsin əhəmiyyətini müəyyən etmək üçün digər vikilərdə Google axtarış sistemində çıxan nəticələrin təhlili istifadə edilir. Mənim apardığım təhlil göstərir ki, təkcə Azərbaycan dilində bu şəxsə bir neçə min dəfə istinad var. Odur ki, məqalənin qalmalı olduğunu hesab edirəm.--Wertuose (müzakirə) 12:44, 7 may 2015 (UTC)

Qalsın: Məqalədə olan istinadlardan şəxsin tanınmış olduğu görünür. --Serk@nl@nd 12:39, 9 may 2015 (UTC)

Qalsın: İnternetdə haqqında kifayət qədər məlumat olan bir şəxsdir və ensiklopediklik kriteriyalarına cavab verir. Onun haqqında olan məqalənin silinməyə çıxarılmasında şəxsin bizim idarəçimiz Səfərlə iş əlaqələrinin olmasının əsas rol oynadığını düşünürəm. Çünki Səfər çox sayda heç də bu şəxsdən az ensiklopedik olmayan şəxslər haqqında məqalələri heç bir xəbərdarlıqsız-filan silir. Hər halda bu əks addım ilə düşünürəm ki, o da bir az bundan sonra bu işində diqqətli olar. Digər tərəfdən isə istifadəçilərimizdən xahiş edirəm ki, bir yanlış addıma digər yanlış addımla cavab verməsinlər. Şəxsi münasibətlər vikipediyadakı fəaliyətə siraət eləməsin. Hörmətlə:--Sortilegus (müzakirə) 19:28, 14 may 2015 (UTC)

Qalsın: Şəxs haqqında kifayət qədər məlumat var. Məqalə şəxslərin ensiklopedik əhəmiyyətlilik dərəcələrinə müvafiqdir.-- ■ Sultan ^mesaj 18:49, 15 may 2015 (UTC)

• Qalsın: Əli Hacızadənin Vikipediyada redaktə etməsi məqalənin silinməsinə səbəb ola bilməz. Kifayət qədər tərəfsiz istinad göstərilib. Rusiya KİV-lərin də ekspert kimi qəbul edilən (tək Azərbaycanda deyil), böyük tirajla çap olunmuş elmi tədqiqat əsəri olan bir şəxsin Vikipediyada məqaləsinin olmasında heç bir problem yoxdur. (P.S. Səfər yuxarıdakı keçidlər üçün çox sağ ol) Hörmətlə,  Pərviz  17:25, 16 may 2015 (UTC)

Araz Yaquboğlu

Düşünürəm ki, istifadəçi və yaxud idarəçi öz barəsində məqalə yaratmamalıdır. Məqalə qeyri-ensiklopedikdir.

Silinsin: --Keete 37 (Farid Aliev) (müzakirə) 12:51, 14 may 2015 (UTC)

Qalsın: "Qızıl qələm" mükafatı ilə təltif olunduğundan Vikipediya:Ensiklopedik əhəmiyyətlilik (şəxslər)#Mədəniyyət və incəsənət xadimləri#Jurnalistlər qaydasının 4-cü bəndinə görə ensiklopedikdir. Həm də tarixçəyə baxdım, məqalə eyniadlı istifadəçi tərəfindən yaradılmayıbdır, bir IP tərəfindən yaradılmışdır. Bir də istifadəçinin özü ensiklopedikdirsə haqqında məqalənin yaradılması mümkündür. --Serk@nl@nd 17:22, 14 may 2015 (UTC)

Qalsın: Birincisi məqalə İP-dən yaradılıb. Digər tərəfdən istifadəçinin özünün özü haqqında məqaləni redaktə etdiyi söylənilə bilər - adamın özü haqqında özündən daha çox kimdə məlumat ola bilər ki? Burda istifadəçilərə xəbərdarlıq edilir ki, özünüz haqqında məqalə yaratmayın - bu onun üçün edilir ki, ensiklopedik olmayan şəxs belə məlumatı öz istifadəçi səhifəsində yazsın. Ensiklopedik olan şəxs əgər vikipediya istifadəçisidirsə - sadəcə buna görə onun haqqında vikipediyada məlumat olmamalıdır? Bu yanlış məntiqdir. Çox sayda vikipediya istifdəçimiz var ki, onlar həm də ensiklopedik şəxsdir və burada haqlarında məlumat var. Araz Yaquboğlu da onlardan biri. --Sortilegus (müzakirə) 19:36, 14 may 2015 (UTC)

Qalsın: Araz bəy dəyərli bir insandır. Onun Azvikinin inkişafında böyük zəhmət payı var. Əlbəttə də mən məsələlərə bu nöqtədən yanaşmıram. Əgər bir şəxs ensiklopedik deyilsə onun barəsində olan məqalə silinməlidir. Sadəcə yuxarıda dostlarımız şəxsin ensiklopedik əhəmiyyətini isbat ediblər. Mən istəməzdim ki, idarəçi barədə olan məqalənin gündəmə gətirilməsi belə bir zamanda baş versin. Yəni mən bir idarəçinin dostu barədə silinməyə namizəd verdim deyə sizlərində belə etməsinin konkret yeri yoxdu. Uşaq başı aldadırsız ? yoxsa məni uşaq sayırsız :) Uğurlar. Hörmətlə:--Baskervill ^müzakirə 19:49, 14 may 2015 (UTC)

Qalsın: Məqalə şəxslərin ensiklopedik əhəmiyyətlilik dərəcələrinə müvafiqdir. -- ■ Sultan ^mesaj 18:46, 15 may 2015 (UTC)

Qalsın: Həmkarımızın fikri ilə razıyam.--Asparux Xan Bulqar (müzakirə) 19:04, 15 may 2015 (UTC)

• Qalsın: Məqalənin saxlanılmasında problem görmürəm.  Pərviz  17:29, 16 may 2015 (UTC)

Qalsın:--Enver62 (müzakirə) 18:26, 16 may 2015 (UTC)

Əlavə şərhlər

Azərbaycanda LGBT tarixi

Hesab edirəm ki, bu çox yararsız və tərbiyəsiz bir yazıdır və o milli mentatlitetimizə böyük ləkədir. Rəsmlərin kimlər tərəfindən çəkilməsi, habelə nə məqsəd daşıması da son dərəcə mübahisəlidir.

Özgələrinə aid olan yazıları bizim xalqımızın adına ünvanlamaq yanlış addımdır. Güman edirəm ki, bu yazının müəllif(lər)i yaxın vaxtlarda onun nə dərəcədə zərərli olduğunu anlayacaq(lar). Bu mövzu bizə kənardan sırınan mövzudur. Kənardan göndərilən "ərməğan" isə həmişə mənfi məqsədli olur. — Bu imzasız yazı Keete 37 (m • t) adlı istifadəçi tərəfindən əlavə edilib;

Məqalənin saxlanılmasına qərar verilibdir. Mentaliteti özünüzə saxlayın cənab Skith. --Keete 37 (Farid Aliev) (müzakirə) 22:12, 19 may 2015 (UTC)