Nyu-York Müasir İncəsənət Muzeyi

Nyu-York Müasir İncəsənət Muzeyi (Museum of Modern Art, qısaldılmış şəkildə MoMA) - dünyanın ilk və ən cox ziyarətçisi olan, bir çox oxşar müzeylər üçün etalon rolunu oynayan müasir incəsənət muzeylərindən biri. Tamaşaçılarının sayına görə Amerika Birləşmiş Ştatlarında üçüncü, dünyada ilk iyirmi muzey arasında yer tutur. 2013-cü ildə Nyu-York Müasir İncəsənət Muzeyini 3 066 337 nəfər ziyarət etmişdir. Nyu-Yorkun ən görməli yerlərindən biridir.

Tarixi

Nyu-York Müasir İncəsənət Muzeyi (MoMa) 1928-ci ildə Rokfellerlər ailəsinin himayəsi və köməkliyi nəticəsində Manhetten binasının idarə binasının 6 zalında təşkil olunmuşdur. Muzeyin ilk direktoru sənətşünas Alfred Barr olmuşdur.

Muzeyin müasir binasının tikintisinə 1939-cu ildə başlanılmışdır, 1950-ci illərdə Filipp Consonun "beynəlmiləl üslub"unda tikilmişdir. Nyu-York Müasir İncəsənət Muzeyində 1980-cı və 2000-ci illərdə yenudənqurmalar nəticəsində museyin sahəsi bir neçə dəfə genişlənmişdir.

Muzeyin eksponatları arasında Van Qoqun "Ulduzli gecə", Matissanın "Rəqs", Pikassonun "Avinyon qızları", Salvador Dalinin "“Yaddaşın əzmi” və ya “Yaddaşın sabitliyi” əsərləri vardır ki, onlarsız XX əsr dünya incəsənətini təsəvvür etmək mümkün deyildir.

1947-ci ildə Nyu-York Müasir İncəsənət Muzeyinin (MoMa) rəhbərliyi Nyu-Yorkun "Metropoliten" muzeyi arasında müasir incəsənət əsərləri kateqoriyasından klassik incəsənət əsərləri kateqoriyasına keçirilmiş əsərlərin Nyu-York Müasir İncəsənət Muzeyindən (MoMa) "Metropoliten" muzeyinə təhvil verilməsi haqqında müqavilə imzalanmışdır. Əgər bu müqavilə 6 il sonra ləğv olunmasaydı, bu gün Nyu-York Müasir İncəsənət Muzeyi (MoMa) müasir incəsənətin klassikinə cevrilmiş külli miqdarda əsərlərdən məhrum olacaqdı.