Günəşli neft yatağında yanğın (2015)

"Günəşli" neft yatağında yanğın (2015)
Fayl:Günəşlineftyatağı1.jpg
Yeri	Azərbaycan Respublikası
Ölkə	Azərbaycan
Bölgə	Xəzər dənizi
Yanma tarixi	4 dekabr 2015 16.30
Ölənlər	3 nəfər
Zərər çəkənlər	63 nəfər Xilas edilənlər: 33 nəfər İtkin düşənlər: 28 nəfər

"Günəşli" neft yatağında yanğın - 2015-ci ilin 4 dekabr tarixində baş vermişdir. Hadisə "Günəşli" qaz yatağının 10 saylı dərin dəniz özülündə baş vermişdir. Hadisə nəticəsində 64 nəfər zərər çəkmişdir. Onlardan 2 nəfər dünyasını dəyişmişdir. Bu hadisə ilə əlaqədar olaraq Prezident İlham Əliyevin qərarı ilə Azərbaycanda 6 dekabr matəm günü elan olunmuşdur.

Hadisə haqqında

Günəşli neft yatağında yanğın 4 dekabr 2015-ci ildə 16.30 radələrində başlamışdır. Hadisəyə ilkin səbəb olaraq o göstərilir ki saat 17.40 radələrində nəhəng dalğalar Dövlət Neft Şirkətinin “Günəşli” yatağındakı 10 saylı dərin dəniz özülündə 110 atmosfer təzyiqlə işləyən sualtı qaz xəttinin dayaq borusunu qırmış, nəticədə boru kəmərini zədələmiş və şiddətli yanğın baş vermişdir. Yarana biləcək fəsadların qarşısını almaq məqsədi ilə 10 saylı dərin dəniz özülünə gələn bütün neft-qaz kommunikasiya sistemləri bağlanılmış, özüldə istismarda olan 28 ədəd neft və qaz quyusunun istismarı dayandırılmışdır.

Xilas etmə işləri

4 dekabr

Təlimata və təxliyyə planına uyğun olaraq, yanğın və baş verə biləcək partlayışdan xilas olmaq məqsədi ilə işçilər özüldəki iki xilasedici qayığa minmiş və qayıqları aşağı buraxmışlar. Qayıqlar dəniz səviyyəsindən təqribən 10 metr məsafəyə qədər endirilərək saxlanılmışdır. Qəza baş verəndən 15-25 dəqiqə sonra Fövqəladə Hallar Nazirliyinin “Günəşli” yatağında növbədə olan “Vixr-9” yanğınsöndürən gəmisi, daha sonra isə kiçik zaman intervalı ilə “Vixr-5” yanğınsöndürən, “Avior” dalğıc, “Samir Quliyev” yedək gəmiləri özülə yaxınlaşaraq dərhal əməliyyata başlamışdır. Eyni zamanda, “Azəri-Çıraq-Günəşli” yataqlarında növbədə olan müasir naviqasiya sistemi ilə təchiz edilmiş “Topaz-Diqnizi”, “Endeavour”, “Protektor”, “Lənkəran” gəmiləri də yanğınsöndürmə və xilasetmə işlərinə cəlb olunmuşdur. Lakin qasırğanın güclənməsi, dalğanın faktiki hündürlüyünün 9-10 metrə qədər çatması səbəbindən gəmilərin heç biri özülə yan ala bilməmişdir. Bu isə xilasedici qayıqların suya endirilməsini və gəmilər tərəfindən yedəyə götürülməsini mümkünsüz etmişdir. Eləcə də alovun söndürülməsi üçün suyun fasiləsiz vurulması işlərini çətinləşdirmişdir. Təqribən 22.45 radələrində güclü küləyin təsiri və hündür dalğaların zərbəsi nəticəsində xilasedici qayıqlardan birinin qarmağı açılmış və qayıq, içindəki adamlarla birlikdə dənizə düşmüşdür. Yaxındakı gəmilər vasitəsi ilə işçilərdən 3 nəfər və 1 cəsədin dənizdən çıxarılması mümkün olmuşdur. Qaranlıq və qasırğalı hava şəraitində ikinci xilasetmə qayığındakı işçilərin təxliyyə edilməsi böyük risk və təhlükə yaratdığı üçün təxliyyə işlərinin hava işıqlandıqdan sonra davam etdirilməsi qərara alınmışdır.

5 dekabr

5 dekabr tarixində ağır hava şəraitinin hələ də davam etməsinə baxmayaraq, ikinci xilasetmə qayığındakı işçilərin təxliyyə edilməsi əməliyyatı həyata keçirilmişdir. Belə ki, saat 08:02-də Fövqəladə Hallar Nazirliyinə məxsus, göyərtəsində 15 xilasedici olan 2 ədəd helikopter hadisə yerinə cəlb olunmuşdur. Lakin yüksək temperaturdan helikopterlər özüldə eniş edə bilməmiş, 3 və 5 saylı qonşu özüllərə enmişdir. Bir qədər sonra FHN-in həmin xilasedicilərinin bir qrupu “AZAL” QSC-yə məxsus helikopterlə, digər qrupu isə “Azərbaycan Dövlət Xəzər Dəniz Gəmiçiliyi” QSC-yə məxsus “Müslüm Maqomayev” gəmisi ilə özülə çıxmış, qayıqdan 26 nəfər, özüldən 3 nəfəri təxliyyə edərək həmin gəmiyə götürüblər. Beləliklə, cəmi 32 nəfər təxliyyə edilib, 1 nəfərin isə cəsədi sudan çıxarılıb.

6 dekabr

6 dekabr tarixində səhər radələrində Dövlət Neft Şirkətinin yaydığı məlumatda qeyd edilib ki gecə ərzində itkin düşənlərin cəsədi tapılmamışdır və xilas etmə işləri fasiləsiz olaraq davam edir. Bu hadisə ilə əlaqədar olaraq Prezident İlham Əliyevin qərarı ilə həmin gün Azərbaycanda matəm günü elan olunmuşdur.

Zərər çəkənlərin siyahısı

Dünyasını dəyişənlərin siyahısı

1. Naməlum
2. Ramiz Nüsrəddin oğlu Həsənov (50 yaş)
3. Zaur Vahid oğlu Həsənov (39 yaş)

Xilas olunanların siyahısı

5 dekabr tarixində saat 19.00 radələrində Azərbaycan Respublikası Dövlət Neft Şirkətinin rəsmi internet səhifəsində itkin düşənlərin və xilas olunanların siyahısı açıqlanmışdır. Siyahıda 33 nəfərin adı göstərilmişdir. Həmin gün isə saat 21.22 radələrində Mərkəzi Neftçilər Xəstəxanasının baş direktorunun müavini Nadir Mehdiyev 33 nəfər yaralının 6 nəfərinin vəziyyətinin ağır olduğunu deyib.

1. Asif Xavər oğlu Əhmədov (30 yaş)
2. Bəhruz Əli Abbas oğlu Babayev (38 yaş)
3. Bəxtiyar Söhrab oğlu Ələkbərov (53 yaş)
4. Coşqun Möhsün oğlu Qarayev (34 yaş)
5. Ehtiram Əliş oğlu Məlikov (40 yaş)
6. Elşən Elxan oğlu Mustafayev (32 yaş)
7. Ədalət Yusif oğlu Dadaşov (44 yaş)
8. Əlirəhman Hüseynağa oğlu Quliyev (33 yaş)
9. Ənvər Əmiraslan oğlu Əliyev (47 yaş)
10. Əzimzadə İsa oğlu Paşayev (59 yaş)
11. Faiq Əbdülhüseyn oğlu Cəfərov (42 yaş)
12. Gündüz Əmir oğlu Əliyev (59 yaş)
13. Heydər Abbasov
14. İlqar Ağali oğlu Kərimov (51 yaş)
15. İltifat Dursun oğlu Şahbazov (56 yaş)
16. İsmayıl Ələkbər oğlu Mehdiyev (39 yaş)
17. Kamran Takıb oğlu Tarverdiyev (44 yaş)
18. Mahal Söhrab oğlu Yusifov (45 yaş)
19. Malik Gülhəsən oğlu Məmmədov (57 yaş)
20. Rəşid Eynulla oğlu İbrahimov (50 yaş)
21. Roman Yaşar oğlu Yusibov (30 yaş)
22. Sadiq Cabbarov
23. Seymur Mirsəməd oğlu Mikayılov (35 yaş)
24. Tahir Səfər oğlu Rüstəmov (52 yaş)
25. Telman Məmmədağa oğlu Əsgərov (53 yaş)
26. Vidadi Fikrət oğlu Sarıyev (34 yaş)
27. Xəyyam Bəhlul oğlu Alanurov (31 yaş)

Vəziyyəti ağır olanlar

Xilas olunanlardan 6 nəfərinin vəziyyəti ağırdır.

1. Allahverdi İmran oğlu Məmmədov (39 yaş)
2. Mais Məşədibaba oğlu Abbasov (45 yaş)
3. Məlahət Mirələm qızı Əliyeva (44 yaş)
4. Mərdan Abid oğlu Rəcəbov (55 yaş)
5. Rəman Atakişi oğlu Orucova (30 yaş)
6. Rəşid Ağahüseyn oğlu Hüseynov (44 yaş)

İtkin düşənlərin siyahısı

5 dekabr tarixində saat 19.00 radələrində Azərbaycan Respublikası Dövlət Neft Şirkətinin rəsmi internet səhifəsində itkin düşənlərin siyahısı açıqlanmışdır. Siyahıda 30 nəfərin adı göstərilmişdir. 6 dekabr tarixində isə itkin düşən 30 nəfərdən 1 nəfər tapılmışdır.

1. İman Şura oğlu Qasımov (48 yaş)
2. Mübariz Dilqəm oğlu Qasımov (57 yaş)
3. Fəxrəddin Xancan oğlu Quliyev (58 yaş)
4. Edik Rivazin oğlu Rzaxanov (32 yaş)
5. Tural Fətəli oğlu Babazadə (22 yaş)
6. Əzizağa Nöhbala oğlu Quliyev (62 yaş)
7. Elşad Balaoğlan oğlu Rəsulov (44 yaş)
8. Bayram Mirzəağa oğlu Qasımov (37 yaş)
9. Adil Ələkbər oğlu Abdullayev (62 yaş)
10. Fuad Tahir oğlu Tağıyev (34 yaş)
11. Əbdüləziz İsmayıl oğlu Əbdüləzizov (61 yaş)
12. İzzət Qəmbər oğlu Şirəliyev (42 yaş)
13. Qəmərşah Nəcməddin oğlu Nəcməddinov (37 yaş)
14. Seyfəddin Abil oğlu Niyazov (47 yaş)
15. Mikayıl İsmayıl oğlu Babayev (52 yaş)
16. İnqilab Osman oğlu İskəndərov (58 yaş)
17. Ağa İzzət oğlu Mahmudov (47 yaş)
18. Oleq Akim oğlu Mayborda (44 yaş)
19. Samir Cahangir oğlu Mayılov (31 yaş)
20. Canbaxış Əhməd oğlu Əhmədov (53 yaş)
21. Xalid Bəşir oğlu İbrahimov (44 yaş)
22. Vəli Kişikağa oğlu Cəriyev (48 yaş)
23. Bəhlul Sirac oğlu Hüseynov (46 yaş)
24. Habil Tağı oğlu İsgəndərov (50 yaş)
25. Xoşbəxt Xanış oğlu Səmədov (34 yaş)
26. Zaur Arif oğlu Xəlilov (40 yaş)
27. Sahib Güloğlan oğlu Sahmarov (42 yaş)
28. Əyyub Xəlil oğlu Əliyev (42 yaş)

Xronologiya

• 5 dekabr saat 22.17-yə olan məlumatda qeyd edilib ki daha 1 nəfər xilas olunub. Onun kimliyi Bəxtiyar Söhrab oğlu Ələkbərovdur. Xilas olunmuş neftçi Respublika Yanıq Mərkəzinə aparılıb.
• 5 dekabr saat 23.20-yə olan məlumatda 8 nəfərin müayinədən keçirildiyi bildirilmişdir.

1. Mərdan Rəcəbov - Qabırğa sınığı
2. Allahverdi Məmmədov- Bazunun sınığı
3. Məlahət Əliyeva - Bel fəqərəsinin sınığı
4. Rəşid Hüseynov - Kəllə beyin silkələnməsi
5. Mais Abbasov - Alın nahiyəsinin kəsilmış-cırılmış yarası
6. Ənvər Əliyev - Alın nahiyəsinin burun göz altı yarası
7. Faiq Cəfərov - Hipotermiya, başın yumşaq toxumaların əzilməsi
8. Rəman Orucov - Hipotoniya, yumşaq toxumaların əzilməsi

• 6 dekabr saat 11.22 radələrində itkin düşmüş Ramiz Nüsrəddin oğlu Həsənovun meyiti tapılmışdır.
• 6 dekabr saat 14.12 radələrində itkin düşmüş Zaur Vahid oğlu Həsənovun meyiti tapılmışdır və ailəsinə təhvil verilmişdir.

Reaksiyalar

2015-ci il 5 dekabr tarixində Azərbaycan Respublikasının Prezidenti İlham Əliyevin sərəncamı ilə "Günəşli" qaz yatağında baş verən hadisə ilə bağlı Dövlət Komissiyası yaradılmışdır.

Sosial media istifadəçiləri Facebook və Twitter şəbəkələrində hadisəni #PrayForAzerbaijan həştəqilə şərh ediblər.

Beynəlxalq reaksiyalar

• Türkiyə prezidenti Rəcəb Tayyib Ərdoğan İlham Əliyevə məktubunda qeyd etmişdir “Baş vermiş faciə ilə əlaqədar sizə, həlak olanların ailələrinə və yaxınlarına, bütün Azərbaycan xalqına öz adımdan və Türkiyə xalqı adından dərin hüznlə başsağlığı verir, yaralananlara şəfa diləyirəm. Türkiyə bu çətin anlarda hər zaman olduğu kimi Azərbaycan dövləti və xalqına lazımı köməyi göstərməyə hazırdır”.