1898-ci il avqustun 4-də Balaxanıda neft fontanı

1898-ci il avqustun 4-də Balaxanıda neft fontanı
rus. Нефтяной фонтан на промысле Балаханы
Janr	sənədli film, səssiz film
Rejissor	Aleksandr Mişon
Prodüser	Aleksandr Mişon
Ssenari müəllifi	Aleksandr Mişon
Operator	Aleksandr Mişon
İlk baxış tarixi	1898
Müddət	1 dəq.
Ölkə	Rusiya imperiyası
Dillər	rus dili
Rəng	ağ-qara[d]
Çəkiliş yeri	Bakı
IMDb	ID1440125

1898-ci il avqustun 4-də Balaxanıda neft fontanı — 1898-ci ildə çəkilmiş qısametrajlı sənədli film.

Məzmun

Kinosüjetdə Balaxanı mədənlərinin birində neft quyusunun fontan vurması əks olunmuşdur.

Film haqqında

• Kinosüjet avqustun 6-da Balaxanıda Benkendorfun neft fəhlə klubunda nümayiş etdirilmişdir.

• Kinosüjet "Canlı fotoşəkillər" kolleksiyası adı altında 1900-cü ildə Parisdə Ümumdünya sərgisində böyük uğurla nümayiş etdirilmişdir. Nümayiş etdirilən süjetlər arasında "Bibiheybətdə neft fontanı yanğını", Əlahəzrət Buxara əmirinin "Veliki knyaz Aleksey" paroxodunda yolasalma mərasimi, "Qafqaz rəqsi", "İlişdin" kinosüjetləri də var idi. Bunları izləyən Lümyer qardaşları onlardan bir neçəsini almış və öz kolleksiyalarına daxil etmişlər. Sonradan həmin kinosüjetlər Paris kinoarxivinə təhvil verilmiş və bu günə kimi orada qorunub saxlanılır. 2001-ci ildə Azərbaycan Dövlət Film Fondunun təşəbbüsü ilə bu kinosüjetlərdən ikisinin surətləri - "Bibiheybətdə neft fontanı yanğını" və "1898-ci il avqustun 4-də Balaxanıda neft fontanı" Bakıya gətirilmiş və hazırda Azərbaycan Dövlət Film Fondunda qorunub saxlanılır.

Filmin heyəti

Film üzərində işləyənlər

Rejissor: Aleksandr Mişon

Operator: Aleksandr Mişon

Mənbə

• Aydın Kazımzadə. Azərbaycan kinosu. Filmlərin izahlı kataloqu: 1898-2002. 2 cilddə. 1-ci cild. Bakı: Nağıl evi, 2003.

Xarici keçidlər

• Filmi izlə (səssiz) sayt YouTube