Bakının işıqları (film, 1950)

Bakının işıqları
Janr	dram filmi
Rejissorlar	Aleksandr Zarxi Rza Təhmasib
Baş rollarda	Mixail Gelovani Mirzəağa Əliyev Mərziyyə Davudova Nikolay Oxlopkov[d] Rza Təhmasib Nikolay Kryuçkov[d] Nəcibə Məlikova
Bəstəkar	Qara Qarayev
İstehsalçı	Azərbaycanfilm
İlk baxış tarixi	1950
Müddət	88 dəq.
Ölkələr	SSRİ  Azərbaycan SSR
Dillər	rus dili, Azərbaycan dili
IMDb	ID0052021

Məzmun

Film Bakı neftçiləri haqqındadır. Hadisələr 30-cu illərdə başlayır və II Dünya müharibəsi illərində daha da inkişaf edir. Bu vaxt Bakı neft mədənləri artıq yeni texnika ilə təchiz edilmişdi, açıq dənizdə yeni qazma üsulları sınaqdan çıxarılmışdı. Neftçilər alman-faşist işğalçılarına qarşı döyüşən ordunu bol yanacaqla təchiz etmək və qələbəni yaxınlaşdırmaq üçün fədakarcasına çalışırdılar. Filmin sonunda görürük ki, müharibədən sonrakı ilk illərdə Bakıda yeni neft buruqlarının işıqları yandırıldı. Hadisələrin fonunda usta Əlibala (Mirzəağa Əliyev) və onun neftçilər briqadası üzvlərinin əmək qəhrəmanlığı, fədakarlığı, gündəlik qayğıları və şəxsi həyatı öz əksini tapmışdır.

Film haqqında

• Film 1958-ci ildə yenidən redaktə edilmişdir.
• Film ekranlara gec buraxılsa da qadağan olunması barədə sənədlər aşkar olunmayıb. Stalinin ölümündən sonra filmdən ayrı-ayrı epizodlar kəsilib götürülmüş və ekrana buraxılmışdır.
• Film aktyor Vladimir Qardinin kinoda son işidir.
• Filmin orijinal variantının surəti 2001-ci ildə çıxarılıb Azərbaycan Dövlət Filmfonduna təhvil verilmişdir.
• Azərbaycan kinosunda ilk dəfə Stalin və Mir Cəfər Bağırovun obrazı bu filmdə yaradılmışdır.
• Filmə baxış keçiriləndə Mir Cəfər Bağırov öz obrazının ifasından narazı qalaraq demişdir: "Təhmasib məni yaltaq eləyib. Mən yaltaq olmamışam".

Filmin heyəti

Film üzərində işləyənlər

Ssenari müəllifi: Qriqori Koltunov, Yevgeni Pomeşşikov

Quruluşçu rejissor: Aleksandr Zarxi, Rza Təhmasib, İosif Xeyfits

Quruluşçu operator: Qavriil Yegizarov

Rejissor: S. Derevenski

Operator: Arif Nərimanbəyov, Xan Babayev

Quruluşçu rəssam: M. Yuferov

Rəssam: V. Aqranov, Ağamehdi Qumriyev

Bəstəkar: Qara Qarayev

Səs operatoru: Ağahüseyn Kərimov

Montajçı: Y. Bajenova

Rejissor: Zeynəb Kazımova

Qrim rəssamı: Georgi Parisaşvili, V. Yakovlev

Rejissor assistenti: Məmməd Əlili, V. Sadovski

Quraşdırılmış səhnələrin rəssamı: V. Nikitçenko, İ. Nikitçenko

Quraşdırılmış səhnələrin operatoru: Əsgər İsmayılov

Filmin direktoru: İ. Qoldin

Filmin yeni redaktəsinin müəllifi: Bəşir Quliyev, Ədhəm Qulubəyov, R. Şamrayeva, Teymur Hüseynov

Rəssam assistenti: Mirzə Rəfiyev

Operator assistenti: Sergey Klyuçevski

Rollarda

Mirzəağa Əliyev - Əlibala Əliyev

Mərziyyə Davudova - Anaxanım

Nikolay Oxlopkov - Şatrov

Nəcibə Məlikova - Mirvarid

İ. Eloğlu - Fuad

Nikolay Kryuçkov - Paramanov

Pyotr Arjanov - Qarsiya

Serke Kojamkulov - Qədir

Vladimir Qardin - keçmiş neft sənayeçisi

Viktor Stanitsın

X. Məlikov

Müxlis Cənizadə - Qara

Mikayıl Mikayılov - ingilis zabiti

Rza Təhmasib - Mir Cəfər Bağırov

Münəvvər Kələntərli - sakin

Əzizə Məmmədova - sakin

Mixail Gelovani - Stalin

Xeyri Əmirzadə

Şəkillər

Fayl:Bakının İşıqları (1950)(afişa).JPG

Fayl:Bakinin Isiqlari.JPG

Fayl:Bakının İşıqları (1950).JPG

Mənbə

• Şəmsəddin Abbasov. “Sovet Azərbaycanının kinosu” //Kommunist.- 1958.- 29 avqust.
• Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 418.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 80.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 813.

Xarici keçidlər

İzlə (azərbaycan dilində dublyajlı)
İzlə (rus dilində)(orijinal)
İzlə (rus dilində)(ikinci redaksiya)
Filmin musiqisini endir