Bakı FK

Bakı FK
Loqonun şəkli
Klubun tam adı	Bakı Futbol Klubu
Ölkə	Azərbaycan
Ləqəb(lər)	Zolaqlılar
Rəng(lər)
Yaranma tarixi	1997
Bağlama tarixi	2016
Stadionu	Bakı Futbol Klubunun təlim-məşq Bazasının Stadionu
Tutumu	3000
Prezidenti	Hafiz Məmmədov
Baş məşqçisi	İbrahim Uzunca
Liqa	Azərbaycan I Divizionu
2015/16	14
Ev forması Səfər forması
Rəsmi saytı
Vikianbarda əlaqəli mediafayllar

Bakı — Azərbaycanın futbol klubudur. Komanda ev oyunlarını Bakı Futbol Klubu Stadionunda oynayır. Arena 3000 azərkeş tutumuna malikdir.

Yaranışı

Klub 1997-ci ildə "Polis Akademiyası" və "Qartal-95" klublarının birləşməsindən yaranıb.1997-ci ildə "Polis Akademiyası", 1997-2000-ci illərdə "Dinamo" adlandırılıb. 2000-2001-ci illərdə "Bakılı" Futbol Klubu ilə birləşib və "Dinamo-Bakılı" adlandırılıb. 2004-cü ildən etibarən klubu "BAGHLAN GROUP" şirkətlər qrupu himayəyə götürüb. Elə həmin ildən də klubun adı dəyişdirilərək "Bakı" adlandırılıb.

Bakı Azərbaycan çempionatlarında

Bakı klubunun 2009-cu ildə

• 1997/1998 mövsümündə Azərbaycan çempionatının ikincisi olmuşdur.
• 2004/2005 mövsümündə Azərbaycan kubokunun sahibi olmuşdur.
• 2005/2006 mövsümündə Azərbaycan Çempionu olmuşdur.
• 2006/2007 mövsümündə Azərbaycan Çempionatının üçüncüsü olmuşdur.
• 2008/2009 mövsümündə Azərbaycan Çempionu olmuşdur.

"Böyük "Bakı" - 2012"

2004-cü ildə "BAGHLAN GROUP" şirkətlər qrupu klubu himayəsinə götürüb. Bundan sonra "Bakı" klubu iki dəfə Azərbaycan Çempionu, Azərbaycan Çempionatının gümüş və bürünc mükafatçısı, Azərbaycan Kubokunun sahibi kimi titullar qazanmağı bacarıb, ölkənin ən iddialı klublarından birinə çevrilib. Klub prezidenti Hafiz Məmmədov Türkiyə Respublikasından bir neçə futbol mütəxəssisini 2008-ci ilin iyun ayında Bakıya dəvət edib. İşçi qrupunun "Bakı" futbol klubunda ilk işi klubun rəsmi saytı və jurnalının yenilənməsi olub. Tezliklə prezidentin şəxsi nəzarəti ilə "Böyük "Bakı"- 2012" layihəsi hazırlanaraq təsdiqlənib. Layihənin ilk bəhrələrini isə 2010-cu ildən etibarən görüləcəyinə söz verən qrup aşağı yaş qruplarında 8 komanda formalaşdırdı. Layihənin tərkib hissələrindən biri isə klubun baza və stadionunun inşası məsələsidir. Belə ki, 2012-ci ilə kimi "Bakı" yeniyetmə və gənclərdən təşkil olunmuş komandalarının məşq etməsi üçün standartlara uyğun baza və stadion inşa etdirəcək. Artiq bu istiqamətdə vacib addımlar atılıb. Konkret olaraq Elman Ələkbərovun rəhbəri olduğu "VİP - Sort" şirkəti ilə bağlanan müqaviləyə əsasən komandanın məşq etməsi üçün standart meydança Delfin Hotelin arxasındakı ərazidə istifadəyə verilib.

Uğurları

• Birlik Kuboku:
  • 1/4 finalçı - 2007
• Azərbaycan çempionatı:
  • Qızıl medal (2) - 2005/2006, 2008/2009
  • Gümüş medal (2) - 1997/1998, 2009/2010
  • Bürünc medal (1) - 2006/2007
• Azərbaycan Kuboku:
  • Qalib (3) - 2004/2005, 2009/2010, 2011/2012

Tarixi

UEFA ÇL, "Ekranas"la oyundan sonra

• 2004/2005 – cu il futbol mövsümü Azərbaycan kubokunun sahibi;
• 2005/2006 – cu il futbol mövsümü UEFA Kubokunun I təsnifat mərhələsinin ilk oyununda Slovakiyanın "Jilina" komandası ilə Bakıdakı ilk matçı 1:0 qalib gəldik, cavab qarşılaşmasında isə 3:1 məğlub olaraq yarşıda mübarizəni dayandırdıq.
• 2005/2006 futbol mövsümü Azərbaycan Çempionu;
• 2006/2007 – cu il futbol mövsümü Çempionlar Liqasının I təsnifat mərhələsində Gürcüstanın "Sioni" komandası ilə səfərdəki ilk oyunda 2:0 məğlub olduq. Cavab oyununda 1:0 qalib gəlsək də mərhələni adlayan tərəf gürcülər oldu.
• 2006/2007 futbol mövsümü Azərbaycan Çempionatının üçüncüsü;
• 2007/2008–cu il futbol mövsümü UEFA İntertoto Kubokunun I təsnifat mərhələsindən mübarizəyə başladıq. Rəqibimiz Moldovanın "Daçıya" komandası idi. Moldovanlarla ilk oyun doğma Tofiq Bəhramov adına stadionda idi. Bakıdadı ilk maçın sonunda heç-heçə hesabı qeydə alındı (1:1) Moldovadakı oyunda da oyunun əsas və əlavə vaxtı heç-heçə qurtadığı üçün qalib penalti zərbələri ilə müəyyənləşdirildi. Bəxti üzünə gülən rəqibimiz 5:3 hesabı ilə qalib gələrək növbəti mərhələyə yüksəldi.
• 2008/2009–cu il futbol mövsümü Azərbaycan Premyer Liqasının qalibi;
• 2009/2010–cu il futbol mövsümü Çempionlar liqası II mərhələsindən mübarizəyə başlayan "Bakı" püşkatmanın nəticələrinə görə Litvanın Ekranas komandası ilə oynamaq hüququ qazandı. İlk oyun Litvada 2:2 cavab qarşılaşması isə 4:2 hesabı ilə komandamızın xeyrinə yekunlaşdı. Növbəti oyun Avropada ortabab komandalardan sayılan Bolqarıstan Levski Sofiya klubu oldu. İlk oyun Bakıda idi. 0:0 hesabı ilə bitən ilk oyundan sonra komandamız ümidini rəqib meydanında uğurlu oyuna bağlamışdı. Təəsüf ki, təcrübəli rəqib bu şansı qaçırmadı. Evdə 2:0 qalib gələn bolqarlar UEFA Avropa Liqasının qrup mərhələsinə vəsiqəni təmin etmiş oldu. Həmin mövsümün sonunda Bakı Azərbaycan Milli Futbol Kubokuna sahib çıxır.
• 2011-2012 mövsümündə komanda çempionatda uğursuz oynayır və baş məşqçi Starkovu istefaya göndərir. Buna baxmayaraq sonda Bakı Azərbaycan Milli Futbol Kubokunun finalına vəsiqə qazanır və burada Neftçi Bakı 2-0 hesabı ilə məğlub edərək 3-cü dəfə kuboka sahib çıxır. İyul ayında Bakı Avropa Liqasında qüvvəsini sınayır lakin elə ilk mərhələdə mübarizəni dayandırır.

Komandanın heyəti

2012/2013 mövsümü üçün heyəti

№	Oyunçu	Ölkə	Doğum tarixi	Əvvəlki klubu
Qapıçılar
1	Marko Şarliya	Xorvatiya	31 yanvar 1982	"İnter Zapreşiç"
16	Aqil Məmmədov	Azərbaycan	1 may 1989	Klubun yetirməsi
23	Xalidu Sissoko	Seneqal	28 avqust 1979	"Janna D'Ark"
Müdafiəçilər
	Edemir Rodriqes	Boliviya	21 oktyabr 1984	"Bolivar"
3	Denis İvanovs	Latviya	11 yanvar 1984	"Sivasspor"
14	Elvin Əliyev	Azərbaycan	21 avqust 1984	"AZAL"
15	Cəmşid Məhərrəmov	Azərbaycan	3 oktyabr 1983	"Karvan"
21	Novruz Məmmədov	Azərbaycan	20 mart 1990	"Muğan"
25	Şəhriyar Əliyev	Azərbaycan	25 dekabr 1992	Klubun yetirməsi
Yarımmüdafiəçilər
6	İbrahim Karqbo	Syerra-Leone	10 aprel 1982	"Villem II"
7	Deyvidas Çesnauskis	Litva	30 iyun 1981	"Aris"
8	Xavyer Junior	Braziliya	15 mart 1984	"Domjale"
10	Mario Xorvat	Sloveniya	13 oktyabr 1985	"Domjale"
11	Elvin Məmmədov	Azərbaycan	18 iyul 1988	"Qarabağ"
27	Ramazan Abbasov	Azərbaycan	22 iyul 1983	"Rəvan"
77	Aleksandr Şoliç	Xorvatiya	29 yanvar 1983	"Osiek"
99	Rəhman Hacıyev	Azərbaycan	25 iyul 1993	Klubun yetirməsi
Hücumçular
9	Maris Verpakovskis	Latviya	15 oktyabr 1979	"Erqotelis"
19	Nurlan Novruzov	Azərbaycan	3 mart 1993	Klubun yetirməsi
36	Uinston Parks	Kosta-Rika	12 oktyabr 1981	"Xəzər-Lənkəran"
98	Koke	İspaniya	27 aprel 1983	"Rayo Valyekano"

Beynəlxalq Futbol Tarixi və Statistikaları Federasiyasının reytinq cədvəlində

2010-cu il noyabrın 26-da açıqlanan klublarının XXI əsr üçün reytinqində ilk onilliyi 318,5 xal ilə Azərbaycan klubları arasında 3-cü, dünyada isə 387-ci pillədə başa vurmuşdur.

Xarici keçidlər

• Rəsmi Sayt  (az.)
• PFL saytında Bakı FK  (az.)