Ərəzin

ƏRƏZİN
39°06′26″ şm. e. 45°34′45″ ş. u.
Ölkə	Azərbaycan
Rayon	Culfa rayonu
Tarixi və coğrafiyası
Saat qurşağı	UTC+04:00
Əhalisi
Əhalisi	1.812 nəf. (2010)
Rəsmi dili	Azərbaycan dili

Ərəzin – Azərbaycannın Naxçıvan Muxtar Respublikasının Culfa rayonunda kənd.

Tarixi

Hələ eradan əvvəl 9-cu əsrdə, o zaman buraya hücüm edən Urartu dövlətinə müqavimət göstərməsi ilə, tarixə düşmüşdür. Bu barədə tanınmış tarixçi Solmaz Qaşqarlının tədqiqatlarında bəhs olunur.

Bu kənd hal hazırda Culfa rayonunun yaxınlığında yerləşsə də, tarixən mövcud olan kəndin əsas hissəsi Naxçıvan şəhəri istiqamətində olan bölgəsinə düşən ərazilərdir. Hazırda bu yerin yaxınlığında kənd qəbiristanlığı və gəc sexi yerləşir. XX əsrin sonlarına yaxın adı çəkilən ərazidə müəyyən tarixi qalıqlar tapılmış və Naxçıvan tarix muzeyinə göndərilmişdir. Bu barədə kəndin yaşlı sakinləri müəyyyən məlumatlara malikdir. Ətraflı elmi tədqiqatlar isə hələlik aparılmamışdır.

Kənd sonradan da Azərbaycanın siyasi həyatında böyük rol oynamağı ilə fərqlənmiş, belə ki, sovet hakimiyyəti qurulan dövrdə sovetləşməyə ciddi müqavimət göstərmişdir. O dövr üçün belə bir cəhdin edilməsi öz-özlüyündə mühüm əhəmiyyətə malik idi. Həmin dövr kənd inzibati ərazi dairəsi olaraq Əbrəqunus rayonuna tabe idi.

Kəndin adının tarixi baxımdan izah edilməsində konkretləşmiş mövqe olmasa da, xalq etimologiyasına əsasən deyə bilərik ki, ad etimoloji təhlili ilə bağlı olan ilk versiya "ər" – igid, cəsur insan, "zin" – cəmlik bildirən əlamət kimi çıxış etməsi və ərlər diyarı, ərlər məskəni bildirməsi ilə bağlıdır. Bir başqa versiya isə adın "ərz" - dəyər, qiymət və "in" – cəmlik əlamətindən ibarət olmasıdır. Belə ki, dəyərlər diyarı mənasını ifadə etməsidir. Bu kimi və bundan fərqli olan daha bir neçə versiya mövcuddur. Lakin bunların hamısı xalq etimologiyası ilə bağlı olub elmi təsdiqini tapmamışdır.

Hazırda kənd, bir neçə kəndlə qonşudur. O cümlədən, Culfa rayonunun tabeliyində olan Camaldın və Qızılca kəndləri, Babək rayonu istiqamətində isə Güznüt kəndi ilə həmsərhəddir. 2003-cü il səsverməsində əhalinin səsvermə hüququ olan şəxslərinin sayı 1200 nəfərdən çox olmuşdur. Elə həmin tarix üçün əhalinin ümumi sayı 2000 nəfərə yaxındır.

İnsanların əsas məşğuliyyəti əkinçilk olmasına baxmayaraq ölkənin müxtəlif sənaye və elmi-tədqiqat sahələrində fəaliyyət göstərənlər də az deyil.

Kəndin Azərbaycanın bütövlüyü və azadlığı uğrunda həlak olan bir neçə şəhidi də vardır. Kəndin orta məktəbi bu şəhidlərdən biri olan Mahmud Zeynalovun adınadır.

Əhalisi

Əhalisi 2000 nəfərə yaxındır. Qadınlar kişilərə nisbətən çoxluq təşkil edir.

İqtisadiyyatı

Əkinçilik əsas yer tutur.