Amfisbenlər

Amfisbenlər (lat. Amphisbaenia), ikiyerişlilər – pulcuqlu sürünənlər yarımdəstəsi. Torpağı eşməyə uyğun laşmışlar. Gözlərinin üstündə dəri pərdə var. Bədəni qurdşəkillidir, bütöv zirehli çexolla örtülüdür, quyruğu qısadır. Əksəriyyəti ayaqsızdır; təkcə ikiayaqlılar cinsinin (Bipes) nümayəndələrində barmaqları reduksiyaya uğrayan qısa qabaq ayaqları qalmışdır. 4 fəsiləsi, 4 cinsi, 140-adək növü məlumdur. Geniş yayılmış fəsiləsi 20-ədək cins dən və 120-ədək növdən ibarət ikiyerişlilərdir. Şimali Amerika, Mərkəzi Amerika və Cənubi Amerika, Afrika subtropik qurşaqlarında, Pireney yarımadası və Ərəbistan yarımadasında yayılmışlar. Torpaq altında qazdıqları yollarla quyruğu ilə irəliyə hərəkət edir. Əsasən, həşərat və xırda onurğasızlarla qidalanır. Qarışqa, termit və siçan yuvalarına 2–6 yumurta qoyur və çox vaxt orada da yaşayırlar.