Emil Frantişek Burian: Redaktələr arasındakı fərq

Vikipediya, azad ensiklopediya
Naviqasiyaya keçin Axtarışa keçin
Redaktənin izahı yoxdur
k Daydreamer2011 Emil Frantişek Buriel səhifəsinin adını Emil Frantişek Burian olaraq dəyişdi.
(Fərq yoxdur)

07:30, 5 aprel 2017 versiyası

Emil Frantişek Burian
çex. Emil František Burian
Doğum tarixi 11 iyun 1904(1904-06-11)[1][2][…]
Doğum yeri
Vəfat tarixi 9 avqust 1959(1959-08-09)[1][2][…] (55 yaşında)
Vəfat yeri
Dəfn yeri
  • Vışeqrad qəbiristanlığı[d]
Təhsili
  • Praqa konservatoriyası[d]
Fəaliyyəti yazıçı, bəstəkar, teatrşünas, şair, jurnalist, müğənni, aktyor, dramaturq, dramaturq, teatr rejissoru, kinorejissor, rejissor, siyasətçi
Vikianbarın loqosu Vikianbarda əlaqəli mediafayllar

Emil Frantişek Burian (11.6.1904, Plzen – 9.8.1959, Praqa) – rejissor, bəstəkar, yazıçı, dramaturq.[5]

Həyatı

Çexoslovakiyanın xalq artisti (1954). Ən görkəmli çex rejissorlarından biridir. 1926–29-cu illərdə bir çox avanqardist teatr truppalarında (o cümlədən Y. Honzl və Y. Freykanın yanında) aktyor, musiqiçibəstəkar kimi fəaliyyət göstərmişdir. 1927-ci ildə Praqa konservatoriyası nəzdində kompozisiya sinfi üzrə emalatxananı bitirmişdir.[5]

Fəaliyyəti

Operaların, baletin, simfoniyaların, kinofilmlərə musiqinin, kamera-instrumental və s. əsərlərin müəllifidir. 1929-cu ildə dram teatrında rejissorluq fəaliyyətinə başlamışdır. 1933-cü ildə Praqada “D-34” teatrını yaratmış, orada rejissor, bəstəkar, dramaturq və səhnələşdirmələr müəllifi kimi çıxış etmişdir. Səhnənin arxasında və səhnə boyu çəkilmiş şəffaf parça üzərində diapozitivlərin və kinoplyonkaların eyni vaxtda, yaxud ardıcıl nümayişini təmin edən teatroqrafı icad etmişdir.[5]

Burielın quruluş verdiyi tamaşalar arasında M. Qorkinin “Yeqor Bulıçov və başqaları” (1934), N.F. Poqodinin “Aristokratlar” (1935), P. Bomarşenin “Sevilya bərbəri” (1936) və s. var. Buriel “Müharibə” (1935), “Xalq süitası” (1938) və s. pyeslərin müəllifi və rejissoru olmuşdur. Faşist işğalı illərində həbs düşərgəsinə salınmışdır (1941–45). Azad edildikdən sonra öz teatrının fəaliyyətini bərpa etmişdir (“Həyatın dibində”, M. Qorki, 1951; “Taxtabiti”, V.V. Mayakovski, 1956; Y. Qaşek, B. Brext və b. əsərləri). “Vera Lukaşova” (1939), “Həyat təşnəsi” (1950) və s. kinofilmlərin rejissoru olmuşdur. Teatr və musiqiyə dair məqalələrin müəllifidir.[5]

Xarici keçidlər

İstinadlar

  1. 1,0 1,1 Bibliothèque nationale de France BnF identifikatoru (fr.): açıq məlumat platforması. 2011.
  2. 2,0 2,1 Emil Frantisek Burian // Encyclopædia Britannica (ing.).
  3. 3,0 3,1 The Fine Art Archive. 2003.
  4. 4,0 4,1 Česká divadelní encyklopedie.
  5. 5,0 5,1 5,2 5,3 Burian// Azərbaycan Milli Ensiklopediyası (25 cilddə). — V cild. Bakı, 2009. — Səh.: 85.