Azərbaycan Tələbə Gənclər Təşkilatları İttifaqı

Azərbaycan Tələbə Gənclər Təşkilatları İttifaqı ATGTİ
Azərbaycan Tələbə Gənclər Təşilatları İttifaqının rəsmi loqosu
Yaranma tarixi	20 noyabr 2009
Qeydiyyat tarixi	31 mart 2010
Rəsmi dili	Azərbaycan dili
Mərkəzi	Azərbaycan
Sədr	Şahin İsmayilov
Üzvləri	30.000-dən çox
[http://www.atgti.az/ http://www.asyou.az/ atgti.az/ http://www.asy…]

Azərbaycan Tələbə Gənclər Təşkilatları İttifaqı (ATGTİ və ya İttifaq) (İngilis dili: Azerbaijan Student Youth Organizations' Union, ASYOU) Azərbaycanın 105 ali və orta təhsil müəssisəsini özündə birləşdirən ən böyük tələbə təşkilatlarından biridir .

ATGTİ qeyri-siyasi, qeyri-kommersiya və qeyri hökumət təşkilatıdır. İttifaqın əsası noyabrın 20-i 2009-cu ildə qoyulmuşdur, 2010-cu ilin mart ayında isə Azərbaycan Respublikasının Ədliyyə Nazirliyində dövlət qeydiyyatına alınmışdır. İttifaqın məqsədi ali məktəblərdə təhsilin inkişafına kömək göstərmək, tələbələrin maraqlarını təmsil və müdafiə etmək, respublikanın ictimai-siyasi, mədəni və sosial-iqtisadi həyatında onların fəal iştirakını təmin etməkdir.

ATGTİ mütəmadi olaraq yerli təlimlər, seminarlar, konfranslar, milli və beynəlxalq yay düşərgələri, tələbə mübadilələri, tələbələrarası müxtəlif olimpiadalar,incəsənət müsabiqələri və digər bu kimi fəaliyyətlər təşkil edir.

Məqsəd

Azərbaycan Tələbə Gənclər Təşkilatları İttifaqının məqsədi:

• Ali və orta ixtisas təhsili müəssisələrində təhsilin inkişafına kömək göstərmək;
• Tələbələrin maraqlarını təmsil və müdafiə etmək,
• Respublikanın ictimai-siyasi, mədəni, sosial-iqtisadi həyatında onların fəal iştirakını təmin etmək;
• Tələbələrin hüquqlarını müdafiə etmək;
• Tələbə gənclər arasında bəşəri dəyərləri təbliğ etmək, vətəndaş cəmiyyətinin inkişafında onların rolunun artırılmasına nail olmaqdır.

Tarix

ATGTİ-nin tarixi Azərbaycan Respublikası Prezidentinin İcra Aparatı Rəhbəri Akademik Ramiz Mehdiyevin 2005-ci il 15 fevral tarixli 41№li Sərəncamına əsasən Azərbaycan Respublikasında gənclər və tələbələrlə işin təkmilləşdirilməsinə dair tədbirlər planının təsdiq olunması ilə başlanmışdır. Bununla bağlı Təhsil Nazirliyi tərəfindən 28 fevral 2005-ci il tarixli 89 saylı əmr hazırlanmış və Respublikanın bütün ali və orta ixtisas təhsili müəssisələrinə göndərilmişdir. Tələbə Gənclər Təşkilatlarının fəaliyyətlərinin tənzimlənməsini təmin etmək məqsədilə 2005-ci ilin may ayında Gənclər, İdman və Turizm Nazirliyi (indiki Azərbaycan Gənclər və İdman Nazirliyi) və Təhsil Nazirliyi "Ali və orta ixtisas təhsili müəssisələrində fəaliyyət göstərən Tələbə-Gənclər Təşkilatlarının Əsasnaməsi"ni təsdiq etmişlər. Beləliklə,TGT-larının yaradılmasında Azərbaycan Respublikası Gənclər və İdman Nazirliyi və Təhsil Nazirliyi yaxından iştirak etmişdir. 2007-ci ildə isə Əsasnamə yenidən işlənərək hər iki nazirlik tərəfindən təsdiq olunmuş ali və orta ixtisas təhsili müəssisələrinə paylanılmışdır. 2009-cu il may ayının 1-dən iyunun 4-dək dövlət və özəl ali təhsil müəssisələrində fəaliyyət göstərən tələbə gənclər təşkilatlarının hesabat-seçki konfransları keçirilmişdir. Bu konfranslarda ötən müddət ərzində təşkilatın gördüyü işlər barəsində hesabatlar dinlənilmiş, onların fəaliyyətlərinə qiymət verilmiş, sədr və sədr müavinləri seçilmiş, yeni tərkibdə İdarəetmə Şurası, Nəzarət-Təftiş Komissiyası formalaşdırılmışdır. Hesabat-seçki konfranslarında Azərbaycan Tələbə Gənclər Təşkilatları İttifaqı təsis qurultayında iştirak etmək üçün 40 ali təhsil müəssisəsi və onların filiallarından 300 nəfər nümayəndə seçilmişdir. 2009-cu il noyabrın 20-də 2009-cu il tarixdə 26-sı dövlət, 14-ü özəl 40 ali təhsil müəssisəsinin Tələbə Gənclər Təşkilatı birləşərək Bakı şəhərində Azərbaycan Respublikası Milli Təhlükəsizlik Nazirliyinin Mədəniyyət Mərkəzində Azərbaycan Tələbə Gənclər Təşkilatları İttifaqını təsis etmişdir. Təsis qurultayının açılışında prezident İlham Əliyevin qurultay iştirakçılarına təbrik məktubu oxunmuşdur. Məktubu Prezident Administrasiyasının humanitar siyasət məsələləri şöbəsinin müdiri Fatma Abdullazadə təqdim etmişdir. Məktubda ATGTİ-nin vətəndaş cəmiyyətinin mühüm üzvlərindən birinə çevriləcəyinə əminlik ifadə olunurdu . Qurultayda Prezident Aparatının (PA) rəhbəri Ramiz Mehdiyev çıxış edərək, bildirmişdir ki, bu gün Azərbaycan gənclərinin həyatında tarixi bir gündür, 200 minlik tələbə ordusu vahid qurum şəklində fəaliyyətə başlayır: "Bu təşəbbüs bizim üzərimizə böyük öhdəliklər qoyur".

Struktur

ATGTİ-nin ali orqanı Qurultaydır. Qurultay 2 ildən bir çağırılır və burada İttifaqın Sədri və Əlaqələndirmə Şurasının üzvləri seçilir. Əlaqələndirmə Şurası İttifaqın qərararverici orqanı olub Tələbə Gənclər Təşkilatının 105 sədrini özündə birləşdirir. Ələqələndirmə Şurasının səlahiyyətləri sırasına İdarə Heyətinin üzvlərinin və ATGTİ sədrinin təqdimatına əsasən sədr müavinlərinin seçimi aiddir. İdarə heyəti 31 nəfərdən təşkil olunur. İttifaqın sədri eyni zamanda İdarə Heyətinin sədri, sədr müavinləri İdarə heyətinin sədr müavinləridir. İdarə Heyəti qərarverici orqandır. ATGTİ-nin sədri Qərarverici orqan olan İdarə Heyəti və İcraçı orqana ümumi rəhbərliyi həyata keçirir. İttifaqın İcraçı orqanları Deparamentlərdir. İcraçı strukturun fəaliyyətinə İcraçı Direktor rəhbərlik edir. Departement Direktorları öz profilləri üzrə işlərin icrasına rəhbərlik edirlər.

Beynəlxalq əlaqələr Departamenti İttifaqın Beynəlxalq qurumlar, xarici tələbə təşkilatlarıyla əlaqələrinin qurulmasını, beynəlxalq tədbirlərin təşkilini həyata keçirir. İctimaiyyətlə əlaqələr Departamenti İttifaqın keçirdiyi tədbirlər, layihələr barədə ictimaiyyətin məlumatlandırlmasını təmin edir. Layihələr Departamenti ATGTİ-nin müxtəlif istiqamətli layihələrinin hazırlanması və İdarə olunmasını həyata keçirir, İşçi Qrupların (İQ) işini koordinasiya edir, fand-reyzinq (maliyyə vəsaitinin toplanması) fəaliyyətini təmin edir. İnsan Resursları Departamenti Tələbə Gənclər Təşkilatlarına üzvlük məsələləri, İttifaqın qərarverici və icraçı orqanlarının heyət üzvlərinin uçotu, ATGTİ-nin İnsan resurslarının idarə olunmasını həyata keçirir. Elm və Təhsil Departamenti formal, qeyri-formal təhsil, olimpiadalar, müxtəlif mövzularda seminarlar, dəyirmi masalar, elmi proqramların, tədbirlərin hazırlanması və reallaşdırılmasını həyata keçirir.İnformasiya Texnologiyaları Departamenti İttifaqın saytının işlənməsi və İT sahəsində proqramların həyata keçiriliməsini təmin edir.

Digər icra orqanlarına aşağıdakılar daxildir:

Mühasibat tədbirlərə maliyyə vəsaitinin ayrılması, işçilərin əmək haqqlarının ödənməsini həyata keçirir. Ofis meneceri ATGTİ-nin ofisinin bütün vəsaitlərlə təmini, ofisin idarə olunmasını təmin edir. ATGTİ-nin tərkibində müxtəlif profilli İşçi Qrupları fəaliyyət göstərir. İQ-ların hər biri öz profili üzrə tədbirlər təşkil edir. İşçi Qrupların fəaliyyəti ATGTİ-nin nizamnaməsi və İşçi Qrupların öz əsasnamələri ilə nizamlanır.

Nəzarət-Təftiş Komissiyası (NTK) 5 nəfərdən ibarətdir və Əlaqələndirmə Şurası üzvləri arasından seçilir. İttifaqın orqanlarının işinə nəzarət edir və hesabatları dinləyir. NTK-ya Komissiya Sədri rəhbərlik edir.

Üzv ali və orta ixtisas təhsili müəssisələri:

1. Azərbaycan Dövlət Dəniz Akademiyası
2. Azərbaycan Dövlət Neft və Sənaye Universiteti
3. Azərbaycan Texniki Universiteti
4. Milli Aviasiya Akademiyası
5. Bakı Dövlət Universiteti
6. Azərbaycan Dillər Universiteti
7. Bakı Slavyan Universiteti
8. Azərbaycan Dövlət Aqrar Universiteti
9. Azərbaycan Dövlət Bədən Tərbiyəsi və İdman Akademiyası
10. Azərbaycan Dövlət İqtisad Universiteti
11. Azərbaycan Dövlət Mədəniyyət və İncəsənət Universiteti
12. Azərbaycan Dövlət Pedaqoji Universiteti
13. Azərbaycan Dövlət Rəssamlıq Akademiyası
14. Azərbaycan Kooperasiya Universiteti
15. Azərbaycan Memarlıq və İnşaat Universiteti
16. Azərbaycan Milli Konservatoriyası
17. Azərbaycan Müəllimlər İnstitutu
18. Azərbaycan Respublikasının Prezidenti yanında Dövlət İdarəçilik Akademiyası
19. Azərbaycan Texnologiya Universiteti
20. Azərbaycan Tibb Universiteti
21. Azərbaycan Turizm İnstitutu
22. Azərbaycan Universiteti
23. Bakı Avrasiya Universiteti
24. Bakı Biznes Universiteti
25. Bakı Musiqi Akademiyası
26. Bakı Qızlar Universiteti
27. Elm və Təhsil Mərkəzi Təfəkkür Universiteti
28. Azərbaycan Əmək və Sosial Münasibətlər Akademiyası
29. Gəncə Dövlət Universiteti
30. Lənkəran Dövlət Universiteti
31. Mingəçevir Dövlət Universiteti
32. Naxçıvan Dövlət Universiteti
33. Naxçıvan Müəllimlər İnstitutu
34. Odlar Yurdu Universiteti
35. Qərb Universiteti
36. Sumqayıt Dövlət Universiteti
37. Xəzər Universiteti
38. Azərbaycan Respublikasının Fövqəladə Hallar Nazirliyinin Akademiyası
39. Bakı Ali Neft Məktəbi
40. Qafqaz Universiteti
41. Naxçıvan Özəl Universiteti
42. AMİ Sumqayıt filialı
43. AMİ Qazax filialı
44. AMİ Zaqatala filialı
45. AMİ Şəki filialı
46. 1№-li Bakı Tibb Kolleci
47. 2№-li Bakı Baza Tibb Kolleci
48. ADRA nəzdində İncəsənət Kolleci
49. AMK nəzdində Musiqi Kolleci
50. Azərbaycan Dəniz Balıq Sənayesi Kolleci
51. Azərbaycan Dövlət Pedaqoji Kolleci
52. Azərbaycan Maliyyə-İqtisad Kolleci
53. AZMİU nəzdində İnşaat Kolleci
54. Bakı Biznes və Kooperasiya Kolleci
55. Bakı Dövlət İqtisadi Humanitar Kolleci
56. Bakı Dövlət Sosial İqtisadi Kolleci
57. Bakı Humanitar Kolleci
58. Bakı İdarəetmə və Texnologiya Kolleci
59. Bakı Kompüter Kolleci
60. Bakı Neft Energetika Kolleci
61. Bakı Qida Sənayesi Kolleci
62. Bakı Rabitə və Nəqliyyat Kolleci
63. Bakı Sənaye-Pedaqoji Kolleci
64. Bakı Sosial Pedaqoji Kolleci
65. Bakı Texniki Kolleci
66. Sumqayıt Dövlət Texniki Kolleci
67. Sumqayıt Tibb Kolleci
68. Gəncə Humanitar Kolleci
69. Gəncə Musiqi Kolleci
70. Gəncə Texniki Kolleci
71. Gəncə Tibb Kolleci
72. Göyçay Dövlət İdarəetmə və Texnologiya Kolleci
73. Mingəçevir Tibb Kolleci
74. Mingəçevir Turizm Kolleci
75. Qazax Dövlət Sosial İqtisad Kolleci
76. Sabirabad Dövlət Sosial-İqtisadi Kolleci
77. Şamaxı Humanitar Kolleci
78. Şəki Dövlət Texniki Kolleci
79. Şəki Musiqi Kolleci
80. Şəki Pedaqoji Kolleci
81. Şəki Tibb Kolleci
82. Tovuz Dövlət Sosial-İqtisadi Kolleci
83. Zaqatala Dövlət İdarəetmə və Texnologiya Kolleci
84. Ağdaş Dövlət Humanitar Kolleci
85. Ağcabədi Pedaqoji Kolleci
86. Şuşa Musiqi Kolleci
87. Şirvan Dövlət İqtisadiyyat və Humanitar Kolleci
88. Astara Pedaqoji Kolleci
89. Lənkəran Dövlət Humanitar Kolleci
90. Lənkəran Tibb Kolleci
91. Bərdə Dövlət İdarəetmə və Texnologiya Kolleci
92. Naxçıvan Musiqi Kolleci
93. Naxçıvan Dövlət Texniki Kolleci
94. Naxçıvan Tibb Kolleci
95. Quba Dövlət Sosial-İqtisadi Kolleci
96. Şamaxı Dövlət Sənaye İqtisad Kolleci
97. Şuşa Humanitar Kolleci
98. Ağdam Musiqi Kolleci
99. Ağdam Dövlət Sosial-İqtisadi Kolleci
100. Sumqayıt Musiqi Kolleci
101. AMİ Cəlilabad filialı
102. AMİ Quba filialı
103. AMİ Ağcabədi filialı
104. AMİ Şamaxı filialı
105. Azərbaycan Respublikası Dövlət Gömrük Komitəsinin Akademiyası

Fəaliyyət Sahələri

ATGTİ aşağıdakı fəaliyyət növlərini həyata keçirir:

1. Təhsil müəssisələrinin sosial həyatında tələbələrin fəaliyyətinin artırılması;
2. Tələbələr arasında universal dəyərlər haqqında maarifləndirilmə, vətəndaş cəmiyyətinin inkişafında onların iştirakını təmin etmək;
3. Tələbələrin asudə vaxtlarının səmərəli təşkili üçün yardım;
4. Əhalinin müxtəlif qrupları arasında təhsil sosioloji sorğular, seminarlar, sosial sorğu və konfransların keçirilməsi.

Liderlik Məktəbi

Liderlik Məktəbi

Layihənin icra müddəti: İldə iki dəfə: fevral və avqust aylarında

Layihənin donoru: Azərbaycan Gənclər və İdman Nazirliyi

Layihənin əsas məqsədi: Cəmiyyətdəki gənc liderlərin aşkar olunması və vətəndaş cəmiyyətinin inkişafına onların töhfəsi

Liderlik məktəbi ATGTİ-nin hər ildə 2 dəfə olmaqla mütəmadi olaraq keçirilən layihəsidir. Layihə bir həftə ərzində davam edir və hər bir Liderlik Məktəbi Azərbaycanın səfalı guşələrinin birində baş tutur. Layihədə 1-ci və 2-ci kurs tələbələri iştirak edirlər. İştirakçı tələbələrin sayı 100-130 arası dəyişir. Tələbələr komandalar şəklində fəaliyyət göstərirlər ki, bu da onların komanda daxilində və rəqabət mühitində işləmək bacarıqlarını formalaşdırır. Liderlik məktəbi boyunca tələbələr millət vəkilləri, ictimai xadimlər və dövlət işçiləri ilə görüşlərdə iştirak edirlər. Eyni zamanda onlar üçün “Liderlik”, “Layihələrin yazılması və idarə edilməsi”, “Etiket və cəmiyyətdə davranış qaydaları”, “Sosial media”, “Əlavə maliyyə vəsaitinin toplanılması” və “İctimaiyyətlə əlaqələr” mövzularınnda təlimlər təşkil olunur. Təlimlərdən qazanılan məlumatlar, tələbələrin gələcək həyatı boyunca istənilən sahədə rahatlıqla tətbiq edə biləcəkləri informasiyalardır.

Olimpiadalar:

• Hüquq olimpiadası: Olimpiadada tələbə-gənclər hüquq sahəsində öz biliklərini nümayiş etdirməklə yanaşı yaşadıqları ölkənin qayda-qanunlarını daha dərindən öyrənmək imkanı qazandılar.
• Məntiq olimpiadası: Ümumilikdə 2000-dən çox tələbənin iştirak üçün müraciət etdiyi olimpiadanın qalibləri Türkiyədə magistr təhsili, noutbuk, netbuk, planşet və digər qiymətli hədiyyələrlə mükafatlandırıldılar.
• Tələbələrarası siyasi biliklər olimpiadası: Olimpiadanın əsas məqsədi tələbələri siyasətin müxtəlif sahələrində maarifləndirmək, onları bu sahənin müxtəxəssisləri kimi formalaşdırmaqdır.

İşçi qruplar

Təşkilatın nəzdində müxtəlif işçi qruplar və klublar fəaliyyət göstərir. Bu işçi qruplar və klublar tələbələrin müvafiq sahələrdə daha məqsədyönlü fəaliyyətini təmin edir.

• Diplomatiya işçi qrupu
• Ekologiya işçi qrupu
• Tarix işçi qrupu
• Biznes işçi qrupu
• Hüquq işçi qrupu
• Psixologiya işçi qrupu
• Rəssamlar işçi qrupu
• İdman işçi qrupu
• Mədəniyyət işçi qrupu
• Jurnalistlər işçi qrupu
• Conversation club
• "Kitab adam yemir" klubu
• "Qarabağ" Mərkəzi
• "Tələbə Problemləri" Mərkəzi

Beynəlxalq Tərəfdaşlar

• Flemiş Tələbələr birliyi - Belçika
• Serbiya Tələbələr Birliyi - SUS
• Serbiya universitetləri tələbə konfransı - SKONUS
• Sloveniya Tələbələr Birliyi - SSU
• Slovakiya Tələbələr Birliyi
• Litva Tələbələr Birliyi
• Litva Azərbaycanlı Gənclər Təşkilatı
• Belarus Respublikası Tələbə Şurası
• Türkiyə Tələbə Şurası - TÖK

ATGTİ və ATB (Avropa Tələbələr Birliyi) əlaqələri:

• 2011 ci ilin Noyabr ayında Cavid İsmayılov Avropa Tələbələr Birliyinin Bolqarıstanda keçirilən 61-ci iclasında iştirak etmişdir. ATGTİ həmin iclasda ESU-ya konsultativ üzv qəbul olunmuşdur.
• 2012-ci ilin Martında Turan Eldarova və Toğrul Niyazlı Avropa Tələbələr Birliyinin 62-ci iclasında iştirak etmişlər. Həmin iclasda ATGTİ bu quruma tam hüquqlu üzv olaraq qəbul olunmuşdur.
• 2012-ci ilin Dekabr ayında Toğrul Məmmədli, Toğrul Niyazlı və Polad Muradlı Maltada keçirilən İdarə Heyətinin 63-cü iclasında iştirak edib.
• 2013-cu il Mart ayında Toğrul Məmmədli Avropa Tələbələr Birliyinin təşkil etdiyi Avropa Tələbələrinin 25-ci Konvensiyasında iştirak etmişdir.
• 2013-cü ilin Aprel ayında Macarıstanda keçirilən İdarə Heyətinin 64-cü iclasinda Məcid Musayev və Toğrul Məmmədli iştirak etmişlər.
• ATGTİ, İdarə Heyətinin sayca 67-ci iclasının gələcəkdə Bakıda keçirilməsi barədə razılığın əldə edilməsinə nail olmuşdur.
• 2013-cu il Sentyabr ayında Litvada keçirilən Avropa Tələbələrinin 26-cı Konvensiyasında Hüseyn İsmayılov və Toğrul Məmmədli iştirak edib.
• 2013-cu il Noyabr ayında Xorvatiyada keçirilmiş olan İdarə Heyətinin iclasında Toğrul Məmmədli və Gülnaz Quliyeva iştirak etmişlər.

Tələbə Təcrübə Proqramı

Tələbə Təcrübə Proqramı Azərbaycan Tələbə Gənclər Təşkilatları İttifaqının layihələrindən biridir.

   Tələbə Təcrübə Proqramının məqsədi: 

1. Tələbələrin təhsil müəssisəsini bitirdikdən sonra işlə təmin olunması imkanlarını artırmaq;
2. Tələbələrin müvafiq ixtisasları üzrə tələbə olduqları dövrdə təcrübə əldə etməsinə imkan yaratmaq;
3. Müəssisələr üçün kefiyyətli kadrları hazırlamaq;
4. Tələbələr üçün müxtəlif növ təqaüd proqramlarının elan edilməsi üçün çalışmaqdır.

Ümumi olaraq 1644 gənc Tələbə Təcrübə Proqramı çərçivəsində müəyyən vakansiyalar üzrə qeydiyyatdan keçmişdir və bu say daima artan istiqamətdə yenilənməkdədir.

Azərbaycan Tələbə Kartı

Tələbələr üçün güzəşt kartları layihəsi Azərbaycan Tələbə Gənclər Təşkilatları İttifaqı (ATGTİ) və Xəzər İnvestisiya Mərkəzi tərəfindən icra olunur. ATGTİ kart almaq istəyən tələbələrdən zəruri məlumatları toplayır, mərkəz isə kartları hazırlayır. Kartların verilməsi məsələsi “Azərbaycan gəncliyi 2011-2015-ci illərdə” dövlət proqramında nəzərdə tutulub. ATGTİ-nin sədri Şahin İsmayılov gənclərin Prezident İlham Əliyevlə görüşü zamanı belə bir ideyanı səsləndirib və təşəbbüs dövlət başçısı tərəfindən dəstəklənib. Azərbaycan Tələbə Kartı ölkənin istənilən yerində 450-yə yaxın obyektdə 5 faizdən başlayan endirimlərin edilməsinə imkan verir. Yəni, kart sahibi yeməkxanalar, texnika, idman malları dükanları, əyləncə mərkəzləri, bərbər və gözəllik salonlarından tutmuş brend məhsullar satılan mağazalara kimi hər yerdə 5-55 faizlik endirimlərdən istifadə edə bilir.

Nəşrlərimiz:

• "Böyük tənəffüs" - tələbə qəzeti
• Boloniya yaddaş kitabçası
• "Bir tələbəyə 1000 kitab" diski
• Könüllülük pasportu
• "Buta" diski

ATGTİ sosial şəbəkələrdə:

• "ATGTİ" Facebook səhifəsi:Azerbaijan Student Youth Organizations' Union
• "ATGTİ" Facebook qrupu:ATGTİ
• "ATGTİ" Twitter hesabı:@ATGTI
• "ATGTİ" Youtube kanalı:ATGTİ TV
• "ATGTİ" İnstagram hesabı:atgti_asyou

Xarici Keçidlər

• www.atgti.az - Azərbaycan Tələbə Gənclər Təşkilatları İttifaqının rəsmi saytı (ATGTİ)
• APA - Azərbaycan Tələbə Gənclər Təşkilatları İttifaqı İctimai Birliyinin təsis qurultayı keçirilib
• MODERN.AZ - Azərbaycan tələbələri Prezidentə müraciət qəbul etdilər
• Gənclər və İdman Nazirliyi - Azərbaycan Tələbə Gənclər Təşkilatları İttifaqının təsis qurultayı keçiriləcək
• TREND.AZ - ATGTİ Şərq Tərəfdaşlığı Vətəndaş Cəmiyyəti Forumunun katibliyinə etiraz məktubu ünvanlayıb
• AZƏRTAC - ATGTİ-də yeni dərs ilinin başlaması münasibətilə aparılan hazırlıq işləri yekunlaşıb
• GƏNC ALİMLƏR - ATGTİ ilə AMEA Gənc Alim və Mütəxəssislər Şurası arasında əməkdaşlığa dair Razılaşma Memorandumu imzalandı

• Gulustan.info - ATGTİ – “Bayraqdar” Milli İntellektual oyununu keçirtdi
• Hajizade Group - ATGTİ və Hajizade Group-un birgə layihəsi “PR məktəbi”
• OLEY.AZ - ATGTİ istedad axtarışında!
• TELEBE.AZ - ATGTİ tələbələr üçün Olimpiada mövsümünü açıq elan edir
• YouthPortal - İtaliyalı gənclər ATGTİ-nin qonağı olublar
• AzPress - ATGTİ-nin qərargahında “Azərbaycan gəncliyi 2016-2020” Dövlət gənclər proqramının növbəti müzakirəsi baş tutub
• PalitraNews - ATGTİ sədrindən Avropa Parlamentinin ölkəmizə qarşı olan qətnaməsinə etiraz
• GUN.AZ - ATGTİ və "Bakı 2015" Əməliyyat Komitəsi könüllülərə “Könüllülük pasportu” verəcək
• AZADINFORM - ATGTİ həyata keçirdiyi layihələri təqdim etdi
• KASPİ - ATGTİ Parisdə törədilmiş terror aktını pisləyir
• Arxiv.Az - İndoneziya səfirliyi ilə ATGTİ arasında əməkdaşlıq müzakirə olunub
• İki Sahil Qəzeti - ATGTİ BMT-nin “YouthNow” kampaniyasına qoşulub