Dalğa TV

Dalğa TV
Dalğa Televiziyası
Ölkə	Azərbaycan
Yayım ərazisi	Azerspace-1 peyklərinin əhatə dairələri
Dil	Azərbaycan dili
Yaranma tarixi	20 noyabr 2017 (test yayımı) 4 dekabr 2017 (17:00) (əsas yayım)
Bağlanma tarixi	24 may 2021
Şüar	DALĞA-ya qoşul
Qardaş kanallar	Xəzər TV Radio Xəzər Bürc FM Araz FM
Sayt	dalga.az

Dalğa TV — Xəzər TV MMC-nin nəzdində yaradılan, ilk film və serial kanalı.

Tarixçə

14 noyabr 2017-ci ildə Milli Televiziya və Radio Şurasının iclasında "Dalğa TV"-nin peyk yayımı üçün lisenziya verilməsi barədə müraciətinə baxılıb. İclasda Dalğa TV-yə peyk yayımı üçün müddətsiz lisenziya verilməsi barədə qərar qəbul edilib. Beləliklə 20 noyabr 2017-ci ildə Dalğa TV "Azerspace-1" peyki ilə test yayımına başladı. Həmin test yayımı müddətində yalnız filmlər göstərilirdi.

Nəhayət 4 dekabr 2017-ci il saat 17:00-də əsas yayıma başladı. "Dalğa TV"də dünyanın tanınmış kinostudiyalarının istehsal etdiyi bədii filmlər, eləcə də Meksika, Braziliya, Amerika, Kolumbiya, Hindistan və Türkiyə istehsalı olan seriallar yalnız Azərbaycan dilində yayımlanır. Kanalın rəsmi saytı olan dalğa.az-a daxil olmaqla da siz film və serialları asanlıqla izləyə bilərsiz. Burada dünyaca məşhur serial və filmlər Azərbaycan dilində yüksək yayım keyfiyyəti ilə təqdim olunur. Tamaşaçıların rəğbətini qazanan yerli serialların yayımına da kanalda xüsusi əhəmiyyət verilir.

Ölkəmizin ilk və yeganə film kanalı olan "Dalğa TV" dünyanın ən nəhəng kinoşirkətləri ilə əməkdaşlıq edir. Həmin şirkətlərin məhsulları olan film və seriallar məhz yüksək keyfiyyətlə azərbaycan dilinə dublyaj olunmaqla yayımlanır.

Dünyaya səs salan "Gəzən ölülər", "Vikinqlər" və "Taxt-tac oyunları" kimi bahalı serialları "Dalğa TV" və dalğa.az-da ana dilimizdə izləyə bilərsiniz. Bundan əlavə, hazırda kanalda dünyada izlənmə rekordları qıran "İllər Sonra", "Kiçik Gəlin", "Əbədi Sevgi" və "Sevgi Qanunu" kimi seriallar həftəiçi hər gün yayımlanmaqdadır.

"Dalğa TV"nin məhsulu olan "Shaker" və "Shaker+" verilişləri sırf filmlərə həsr olunub. Verilişdə filmlərin görünməz tərəfləri, kadrarxasında baş verənlər və ən maraqlı məqamlar tamaşaçılara çatdırılır.

Hazırda kanalın yayımı "Azerspace-1" peyki, eləcə də Azərbaycanın bütün kabel televiziyaları və Dalğa TV-nin rəsmi saytı olan "dalga.az" üzərindən həyata keçirilir.

Yayımlanan seriallar

Taxt-tac oyunları

Vikinqlər

Gəzən ölülər

İllər sonra

Sevgi qanunu

Bəyaz kölə

Kiçik gəlin

Əbədi sevgi

Ata ocağı(yerli)

Ailəcanlı(yerli)

Xalxın evi(yerli)

İmtahan(yerli)