İbrahim bəy Azər

İBRAHİM BƏY AZƏR
Doğum tarixi	1836
Doğum yeri	Şuşa, Şuşa qəzası
Vəfat tarixi	1885
Vəfat yeri	Şuşa, Şuşa qəzası, Yelizavetpol quberniyası, Rusiya imperiyası
Dəfn yeri	Şuşa
Fəaliyyəti	şair

|}

İbrahim bəy Əli bəy oğlu Fuladov - şair, quberniya katibi, Qasım bəy Zakirin nəvəsi.

Həyatı

İbrahim bəy Əli bəy oğlu 1836-cı ildə Şuşa şəhərində anadan olmuşdu. Atasını erkən yaşlarda itirdiyindən babası Qasım bəy Zakirin himayəsində böyümüşdü. İbtidai təhsilini molla yanında almışdı. Sonra qəza məktəbində oxumuşdu. Rus və şərq dillərini bilirdi. Qəsa idarəsində fəaliyyətə başlamış, II dərəcəli dəftərxana xidmətçisi, dilmanc, polis pristavı vəzifələrində çalışmışdı. Quberniya katibi çini almışdı.

İbrahim bəy Əli bəy oğlu Fuladov 1885-ci ildə vafat edib. İbrahim bəy şair idi. Azər təxəllüsü ilə qəlb oxşayan şeirlər yazırdı.

İbrahim bəyin Əliş bəy adlı oğlu vardı.

Yaradıcılığı

Ahu kimi baxanda o məstanə gözlərin,
Baxdıqca əyləyir məni divanə gözlərin.

Fərhad kimi mən kimiyə dağı dəldirir,
Şirin baxışh Xosrov-i xubanə gözlərin.

Hər dəm ki, istəsə baxa bir gəc nigahilə,
Yüz min könül yıxar yənə cananə gözlərin.

Zəncir-i eşqini salıban boynuma mənim,
Bax etməyib çəkər məni hər yanə gözlərin.
            
Eşqin ədibdi Azər-i dilxəstəni cünun,
Məcnunsifət salıb bu biyabanə gözlərin.

Həmçinin bax

• Dağlıq Qarabağ
• Şuşa