Adrian Mutu

Adrian Mutu rum. Adrian Mutu
rum. Adrian Mutu
Ümumi məlumatlar
Doğum tarixi	8 yanvar 1979 (1979-01-08)
Doğum yeri	Kalineşti, Arceş, Rumıniya
Vətəndaşlığı	Rumıniya
Təhsili	Buxarest Universiteti
Boyu	180
Çəkisi	74 kq
Mövqeyi	hücumçu
Klub haqqında məlumat
Klub	Petrolul Ployeşti
Karyerası
Gənclik karyerası 1992—1996 Arceş Piteşti Klub karyerası 1996—1999 Arceş Piteşti 41 (11) 1999—2000 Dinamo Buxarest 33 (22) 2000 İnter Milan 14 (2) 2000—2002 Hellas Verona 57 (16) 2002—2003 Parma 31 (17) 2003—2004 Çelsi 27 (6) 2005—2006 Yuventus 33 (7) 2006—2011 Fiorentina 111 (54) 2011—2012 Çezena 28 (8) 2012—2013 Ayaçço 30 (11) 2014—h.h. →  Petrolul Ployeşti 0 (0) Milli yığma 2000—2013 Rumıniya 77 (35)
Vikianbarda əlaqəli mediafayllar

Adrian Mutu (8 yanvar, 1979, Kalineşt, Rumıniya) — Rumıniyalı futbolçu.

"Arceş"də başlayan karyera

Adrian 1979-cu il yanvarın 8-də Buxarestin 100 km-liyində yerləşən Kalineşt şəhərində anadan olub. Uşaq yaşlarından futbola böyük həvəs göstərən Mutu tezliklə yerli "Arceş" klubuna yazıldı. Məşqçilər qol duyumunu və bacarığını nəzərə alaraq onu hücumçu kimi yetişdirmək qərarına gəldilər. Mutunun fiziki göstəriciləri ürəkaçan deyildi, 176 sm hücumçu üçün uca boy hesab olunmur. Ancaq hissiyat, meydançanı görmək bacarığı və istedad zəif fiziki göstəriciləri "sığortalayırdı". Ölkə çempionatında debüt edərkən onun 17 yaşı var idi. Cəmi iki ildən sonra Adrian seleksionerlərin diqqətini cəlb etdi. Nəticədə "Arceş" rəhbərliyi onu Rumıniya futbolunun "flaqman"ı – Buxarest "Dinamo"suna satdı.

A seriyasında debüt

Mutu "Dinamo"da cəmi bir il oynadı. 19 yaşlı futbolçu Rumıniya çempionatının ilk 18 turunda 18 qol vuraraq bombardirlər siyahısında birinci pilləni tutdu. Xarici klubların təklifləri özünü çox gözlətmədi. İnter Milan perspektivli hücumçunu heyətə cəlb etdi. Şübhəsiz ki, İtaliya çempionatında öz bacarığını sübuta yetirmək asan deyildi. Adrian yeni klubunda 14 oyunda 2 dəfə fərqləndi. Özü də rumıniyalı hər iki qolu İtaliya Kubokunda vurdu. Yəni A seriyasında qol hesabını açmaq uzun müddət ona müyəssər olmadı. Buna baxmayaraq, Mutu İnter Milan klubunda heç də zəif təsir bağışlamırdı. Elə həmin ərəfədə o, Rumıniya yığması ilə Avropa-2000-nin final mərhələsinə yollandı. Milli komandada sol cinah yarımmüdafiəçisi funksiyasını yerinə yetirən Mutunun oyunu çoxları tərəfindən alqışlandı.

Dopinq qalmaqalı

Qitə birinciliyindən sonra "İnter" rəhbərliyi Mutunu "Verona"ya icarəyə verdi. Ancaq az sonra o, "Parma"da peyda oldu. "Parma" rəhbərliyi Marko Di Vayonun gedişindən sonra ön xətdə yaranan boşluğu rumıniyalının hesabına doldurmaq istəyirdi. "Sarı-yaşıllar"ın heyətində Adrian sevimli "20" nömrəsinə qovuşdu. 2002/03 mövsümü onun karyerasında çox uğurlu alındı. 31 oyunda rəqibi 18 dəfə cəzalandıran Mutu UEFA Kubokuna "Parma"nın vəsiqə qazanmasında da böyük pay sahibi oldu. Mövsümün gedişində isə kapitan seçildi. Amma "Parma" rəhbərliyi "çelsi"nin cəlbedici təklifindən sonra hücumçunun transferinə razılaşdı. 2003-cü ilin yayında 22,4 milyon avro müqabilində transfer gerçəkləşdi. Lakin sonradan məlum oldu ki, bu, Mutu üçün geriyə addımdır. O, Çelsi klubuna çox tez uyğunlaşdı. İlk 3 turda 4 qol. Adrianın təsəllisi bu oldu. O, nədənsə Joze Maurinyonun "qara siyahı"sına düşdü. Portuqaliyalı çalışdırıcının Mutunu xoşlamadığı tezliklə hamıya bəlli oldu. O vaxtlar daha bir hadisə gənc futbolçunun karyerasına zərbə vurdu. Mutu dopinq testdə ilişdi! Kokain qəbulunda günahlandırılan hücumçu 7 aylıq diskvalifikasiyaya məruz qaldı. FİFA-nın bayrağı altında keçirilən bütün yarışlarda onun iştirakına qadağa qoyuldu. Mövsümün sonunda Mutu Çelsi klubundan ayrıldı.

Və möhtəşəm dönüş

İtaliyaya qayıdan Adrian Yuventus klubu ilə müqavilə bağladı. özünü toparlayan futbolçu həvəsdən düşmədi. Əksinə, ciddi məşqlər edir, cəzasının başa çatmasını səbirsizliklə gözləyirdi. Mutu onu futboldan silməyə tələsənlərə bacarığını sübuta yetirmək üçün alışıb-yanırdı. Yekunda o, istəyinə çatdı. 2005/06 mövsümündə Yuventus klubunda heç də pis çıxış etmədi. Mövsümlərarası fasilədə isə Fiorentina rəhbərliyi Mutuya elçi düşdü. Tərəflər transferi 8 milyon avroya razılaşdılar. Yeni komandasında Luka Toni ilə duet təşkil edən Adrian parlaq mövsüm keçirdi. O, 33 oyunda forma geyindi. Rəqib müdafiəçilərin və qapıçıların başağrısına çevrilən futbolçu aktivinə 16 qol yazdırdı. Bundan başqa, komanda yoldaşlarına 8 məhsuldar ötürmə verdi. Eyni zamanda, Rumıniya yığmasında qollar vuran Mutu hazırda karyerasının pik nöqtəsindədir. Milli komandanın məşqçi korpusu vitse-kapitanlığı ona verdi. Mutu 2007-ci ildə Rumıniyanın ən yaxşı futbolçusu seçildi.