Yamada Toraciro

Yamada Toraciro - Türkiyə-Yaponiya münasibətlərinin inkişafında əhəmiyyətli rolu olmuş yapon biznesmen.

Yamada Toraciro 1866-cı ildə atasının baş samuray olduğu Numata şəhərində anadan olmuşdur. 7 yaşında Tokioya köçmüşdür. 15 yaşında Sohenryu çay mərasiminin ustadı Yamada Şocu tərəfindən yeni ustad kimi yetişdirilməsi üçün övladlığa alınmışdır. Yamada bu dövrdə "Nihon Shimbun" və "Tokyo Nichinichi Shimbun" qəzetlərində yazmağa başlamışdır.

Ərtuğrul faciəsindən sonra faciə qurbanlarının yaxınlarına kömək məqsədilə Yaponiyada bir çox qəzet və təşkilat yardım kampaniyaları başlatmışdır. Kömək edənlər arasında Yamada da var idi və pulun ikinci hissəsini Türkiyəyə aparmaq vəzifəsi ona verilmişdir. 4 aprel 1892-ci ildə İstanbula ayaq basan Yamada 20 il müddətində burada yaşamışdır. Yamada əvvəlcə Osmanlı dənizçilərinə Noda Şotarodan aldığı yaponca öyrətmə vəzifəsini öhdəsinə götürmüşdür. Uzaq şərq qablarına böyük marağı olan Sultan II Əbdülhəmidə bu mövzuda məsləhətlər verən Yamada Nakamura Kenciro ilə Pera küçəsində "Nakamura Shoten" adlı mağaza işlətmişdir. Bu mağazadan Yaponiyaya tütün, duz, qoyun yunu kimi məhsullar ixrac edilərkən, idxal edilənlər arasında Uzaq şərq qabları və ipəkləri var idi.

15 yanvar 1906-cı ildə Kansay biznesmenləri ilə birlikdə siqaret kağızı istehsalı üçün "Toyo Seishi" adlı şirkət quran Yamada Birinci dünya müharibəsinin başlamasından sonra Yaponiyaya qayıtmışdır. 1925-ci ildə noyabr ayında Yaponiya-Türkiyə Ticarət Dərnəyinin qurulmasında rol oynamış və bu dərnəkdə prezident seçilmişdir. 3 mart 1929-cu ildə İstanbulda Yaponiya Alış-Veriş Mərkəzini açmışdır. Lakin Yamadanın fəaliyyətləri ancaq bizneslə məhdudlaşmışdır.