Fuad Musayev

Fuad Musayev
Fuad Ənvər oğlu Musayev
Şəxsi məlumatlar
Doğum tarixi	11 yanvar 1938(1938-01-11)
Doğum yeri	SSRİ, Azərbaycan SSR, Bakı
Vəfat tarixi	16 iyun 2017 (79 yaşında)
Vəfat yeri	Rusiya Federasiyası Moskva
Vəfat səbəbi	böyrək çatışmazlığı
Milliyyəti	SSRİ→ Azərbaycan azərbaycanlı
Partiya	Kommunist partiyası
Uşağı	Tofiq Musayev

Fuad Musayev — AFFA-nın ilk prezidenti; Bakı şəhər Partiya Komitəsinin I katibi (1983-1988).

Həyatı

11 yanvar 1938-ci ildə Bakıda anadan olmuşdur. Atası Şuşadan, anası Gəncədəndir.

6-cı rus məktəbini qurtarıb, inşaat fakültəsində oxuyub.

12 yaşından idmanla məşğul olub.

1952-ci ildən futbol və voleybol oynamağa başlayıb.

1977-ci ildə Dövlət Planlaşdırma Komitəsində sədrin 1-ci müavini təyin olunmuşdur. Elə həmin ildə də Azərbaycan SSR Ali Sovetinin deputatı seçilib və 1995-ci ilə kimi deputat mandatını daşımışdır. Fuad Musayev 1981-ci ildə Azərbaycan SSR Nazirlər Sovetinin sədr müavini, Mərkəzi Komitənin tikinti üzrə katib vəzifələrində çalışıb.

O, 1983-cü ildən 1988-ci ilə kimi Bakı şəhər Partiya Komitəsinin I katibi vəzifəsində çalışıb.

1990-cı ildə Mərkəzi Komitənin iqtisadiyyat, tikinti və təsərrüfat üzrə katibi olub.

Azərbaycan Respublikası müstəqillik əldə edəndən sonra, 1992-ci ildə, Fuad Musayev Azərbaycan Futbol Federasiyaları Assosiasiyasının ilk prezidenti seçilib və uzun müddət, 2003-cü ilə kimi AFFA-ya rəhbərlik etmişdir.

Fuad Musayev 16 İyun 2017-ci ildə uzun sürən xəstəlikdən sonra Moskvada böyrək çatışmazlığından vəfat edib.

1 oğlu, 1 qızı, 4 nəvəsi var. Oğlu Tofiq Musayev hazırda Azərbaycanın BMT-dəki daimi nümayəndəsidir.

Xarici keçidlər

• Fərid Mirzəyev. ""İndi də Mahmudu atıblar okeana, ona kömək lazımdır" - MÜSAHİBƏ" (az.). lent.az. 2014-10-30. 2017-06-19 tarixində arxivləşdirilib. İstifadə tarixi: 2017-06-19.
• “Məşhurların övladları” - Fuad Musayevin diplomat oğlu.  (az.)