Siyavuş Novruzov

Siyavuş Novruzov
Doğum tarixi	17 fevral 1969(1969-02-17) (55 yaş)
Doğum yeri	Cəhri, Naxçıvan rayonu, Naxçıvan MSSR, Azərbaycan SSR, SSRİ
Həyat yoldaşı	Səbinə Əliyeva
Təhsili	Bakı Dövlət Universiteti
Fəaliyyəti	siyasətçi
Partiyası	Yeni Azərbaycan Partiyası
Mükafatları
Vikianbarda əlaqəli mediafayllar

Siyavuş Dünyamalı oğlu Novruzov (17 fevral 1969, Cəhri, Naxçıvan rayonu) — Azərbaycan Respublikası Milli Məclisinin II çağırış, III çağırış, IV çağırış, V çağırış və VI çağırış deputatı, Milli Məclisin Komitə sədri, hüquq elmləri üzrə fəlsəfə doktorudur.

Həyatı

Siyavuş Dünyamalı oğlu Novruzov 17 fevral 1969-cu ildə Naxçıvan Muxtar Respublikası Babək rayonu Cəhri kəndində anadan olmuşdur.

Siyavuş Novruzov sərbəst güləş üzrə idman ustasıdır. 10 yaşından profesional idmanla məşğuldur. Hərbiçilər arasında keçirilən yarışın qalibi olub. 1990–1995-ci illərdə Bakı Dövlət Universitetinin Hüquq fakultəsini,1999–2002-cı illərdə Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsini bitirmişdir. Hüquq üzrə fəlsəfə doktorudur.

1987–1990-cı illər SSRİ ordusunda xidmət etmişdir. 1990–1993-cü illərdə Qarabağ uğrunda gedən döyüşlərdə, həmçinin Sədərək döyüşlərində fəal iştirak etmişdir. Qarabağ müharibəsi veteranıdır.

Azərbaycan Respublikası Prezidentinin 18 noyabr 2017-ci il tarixli Sərəncamı ilə Azərbaycan Respublikasının ictimai-siyasi həyatında fəal iştirak etdiyinə görə 1-ci dərəcəli "Vətənə Xidmət Ordeni" ilə təltif olunub. 16 fevral 2019-cu ildə Azərbaycan Respublikasının ictimai-siyasi həyatında fəal iştirakına görə "Şöhrət" ordeni ilə təltif olunmuşdur.

Azərbaycan, rus və ingilis dillərin bilir.

Şəxsi həyatı

Ailəlidir. Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyevanın həyat yoldaşıdır. İki övladı vardır.

Siyasi-ictimai fəaliyyəti

1990-cı ildən "Əlincə" Xeyriyyə Cəmiyyətinin şöbə rəisi, məsul katibi işləmişdir. 1994–1999-cu illərdə Yeni Azərbaycan Partiyası Mərkəzi Aparatının İşlər müdiri, Təşkilat şöbəsinin müdiri vəzifələrində çalışmış, 1995–2005-ci illər Yeni Azərbaycan Partiyası Gənclər Birliyinin sədri olmuşdur.

2000-ci ildə ikinci çağırış Milli Məclisə proporsional seçki sistemi ilə çoxmandatlı seçki dairələri üzrə YAP-ın vahid seçki siyahısında 3-cü yerdə deputat seçilmişdir. 2005, 2010, 2015, 2020-ci illərdə isə majoritar qaydada 5 saylı Şahbuz-Babək seçki dairəsindən millət vəkili seçilib. O, uzun müddət Milli Məclisin İntizam Komissiyasının sədri, İctimai Birliklər və Dini Qurumlar Komissiyasının sədri işləmiş, hal-hazırda isə Milli Məclisin Regional məsələlər üzrə iş komitəsinin sədridir.

Təltiflər

• 22.08.2020-ci ildə COVİD-19 pandemiyasının yayılması və əhalinin sağlamlığının qorunması məqsədilə Azərbaycan Respublikası Nazirlər Kabineti yanında Operativ Qərargahın tətbiq etdiyi karantin rejiminin tələblərini kobud surətdə pozduğuna görə Yeni Azərbaycan Partiyasının İcra katibinin müavini Siyavuş Novruzova töhmət elan edilmişdir.
• 16.02.2019-cu ildə Azərbaycan Respublikasının ictimai-siyasi həyatında fəal iştirakına görə Siyavuş Dünyamalı oğlu Novruzov "Şöhrət" ordeni ilə təltif olunmuşdur.
• 18 noyabr 2017-ci il tarixli Sərəncamı ilə Azərbaycan Respublikasının Prezidentinin 1-ci dərəcəli "Vətənə xidmət ordeni" ilə təltif olunmuşdur.
• 14.09.2016-cı ildə Ölkənin müdafiə qabiliyyətinin möhkəmləndilməsinə böyük töhfə üçün Rusiya Federasiyasının Silahlı Qüvvələrinin veteranlarının Ümumrusiya İctimai Birliyinin sədri, keçmiş SSRİ Müdafiə nazirinin müavini, ordu generalı V.F Yermakov tərəfindən "Vətənə Sədaqət" ordeni ilə mükafatlandırılmışdır.
• 01.05.2015-ci ildə Əfqanıstan Veteranlarının Rusiya Birliyinin sədri F.A. Klinseviç tərəfindən "Vətənə xidmət" ordeni ilə təltif olunmuşdur.
• 27.05.2019-cu ildə Prezident İlham Əliyevin sərəncamı ilə "Azərbaycan Xalq Cümhuriyyətinin 100 illiyi (1918–2018)" yubiley medalı ilə təltif olunmuşdur.
• 24.12.2019-cu ildə Prezident İlham Əliyevin sərəncamı ilə Azərbaycan Respublikası Milli Məclisinin "Parlamentin 100 illiyi" medalı ilə təltif edilmişdir.
• 08.09.2018-ci il Azərbaycan Respublikası Prezidentinin adından Azərbaycan Respublikası Müdafiə Nazirinin əmri ilə "Azərbaycan Ordusunun 100 illiyi (1918–2018)" Yubiley medalı ilə təltif olunmuşdur.
• 05.07.2018-ci ildə Azərbaycan Respublikası Daxili İşlər Nazirinin əmri ilə "Azərbaycan Polisinin 100 illiyi (1918–2018)" Azərbaycan Respublikasının Yubiley medalə ilə təltif olunmuşdur.
• 09.07.2019-cu ildə Xarici İşlər Nazirliyinin sərəncamı ilə "Azərbaycan Respublikası diplomatik xidmət orqanlarının 100 illiyi (1919–2019)" Azərbaycan Respublikasının yubiley medalı ilə təltif edilmişdir.
• 07.04. 2014-cü ildə Azərbaycan Respublikası Milli Təhlükəsizlik Nazirliyi tərəfindən "Azərbaycan Respublikası Milli Təhlükəsizlik Orqanlarının 95 illiyi (1919–2014)" yubiley medalı ilə təltif olunmuşdur.
• 26.03.2009-cu il Azərbaycan Respublikası Milli Təhlükəsizlik Nazirliyi tərəfindən "Azərbaycan Respublikası Milli Təhlükəsizlik Orqanlarının 90 illiyi (1919–2009)" yubiley medalı ilə təltif olunub.
• 1988-ci il Əfqanıstan Respublikasının Müdafiə Nazirliyinin təşəkkürnaməsi.
• 14.08.2019-cu ildə Azərbaycan Respublikasının Dövlət Sərhəd Xidməti rəsinin əmri ilə "Azərbaycan Sərhəd Mühafizəsinin 100 illiyi (1919–2019)" Azərbaycan Respublikasının yubiley medalı ilə təltif edilmişdir.
• 22.10.2019-cu ildə Azərbaycan Respublikası Prezidentinin sərəncamı ilə "Bakı Dövlət Universitetinin yaranmasının 100 illiyi (1919–2019)" medalı ilə təltif edilmişdir.
• 30.09.2009-cu ildə Azərbaycan Respublikasının Müdafiə Nazirliyinin Bakı şəhəri Yasamal RHK tərəfindən Azərbaycan Respublikasının Müharibə Veteranı vəsiqəsi ilə təltif olunub.
• 26.06.2012-ci ildə Ümumrusiya İctimai Təşkilatı "Əfqanıstanın Veteranlarının Rusiya İttifaqı" tərəfindən "Əfqanıstan müharibəsi veteranı" medalı ilə təltif olunub.
• 21.01.2014-cü ildə Azərbaycan Əfqanıstan Veteranları İctimai Birliyi tərəfindən təqdim edilmiş üzvlük vəsiqəsi (VS № 01064).
• 28.01.2014-cü ildə Azərbaycan Respublikasının Səfərbərlik və Hərbi Xidmətə Çağırış üzrə Dövlət Xidməti tərəfindən "Əfqanıstanda döyüş əməliyyatlarının bitməsinin 25 illik xatirəsinə" medalı ilə təltif olunub.
• MDB-ın dövlət-iştirakçılarının Hökumətlərinin Başçılarının Şurası yanında müharibə -beynəlmiləlçilərin işləri üzrə Komitənin sədri R.S.Auşev tərəfindən "Sovet qoşunlarının Əfqanıstandan çıxarılmasının 20 illiyi " medalıyla mükafatlandırılmışdır.
• 15.02.2014-cü ildə "Sovet qoşunlarının Əfqanıstandan çıxarılmasının 25 illiyi " veteran birləşmələrinin birgə fəaliyyətinin koordinasiyası üzrə komitəsi tərəfindən yubiley medalıyla mükafatlandırılmışdır.
• 27.10.2016-cı ildə Azərbaycan Respublikası Veteranlar Təşkilatı tərəfindən "General Cəmşid Naxçıvanski" yubiley medalı ilə təltif olunmuşdur.
• 11.11.2016-cı ildə Azərbaycan Qarabağ müharibəsi əlilləri, veteranları və şəhid aillələri ictimai birliyi tərəfindən "Fədai" medalı ilə təltif olunmuşdur.
• 11.11.2016-cı ildə Azərbaycan Qarabağ müharibəsi əlilləri, veteranları və şəhid aillələri ictimai birliyi tərəfindən "Vətən naminə" medalı ilə təltif olunub
• 02.02.2017-ci ildə "Döyüş Qardaşlığı" veteranlarının ümumrusiya ictimai təşkilatının sədri,SSRİ Daxili İşlər nazirinin birinci müavini,General-polkovnik B.V.Qromov tərəfindən "Döyüş Qardaşlığı" veteranlar təşkilatı qarşısında xidmətlərinə görə medal ilə təltif olunmuşdur.
• Böyük xidmətlərinə və veteran hərəkatına dəstəyinə görə şərəf nişanı ilə təltif olunmuşdur."Xidmətlərinə görə"şərəf nişanına vəsiqə.
• 15.02.2017-ci ildə Əfqanıstanın Veteranlarının Rusiya İttifaqı adından Vətən qarşısında "Xidmətlərə Görə" medalla mükafatlandırılmışdır.
• 10.10.2019-cu ildə Azərbaycan Vətən Müharibəsi Veteranları İctimai Birliyinin AVMVİB-25 il medalı ilə təltif edilmişdir.

Həmçinin bax

• Səbinə Əliyeva
• Yaşar Əliyev