Vüqar Məmmədov (hüquqşünas)

Vüqar Məmmədov
Vüqar Qurban oğlu Məmmədov
Fayl:Vüqar Məmmədov (hüquqşünas).jpg
Şəxsi məlumatlar
Partiya	YAP (?-2020) Ədalət Partiyası (2020-2020)
Təhsili	ATU Dağıstan Dövlət Universiteti BDU
İxtisası	Məhkəmə tibb eksperti, hüquqşünas
Fəaliyyəti	siyasətçi
Atası	Qurban Məmmədov

Vüqar Məmmədov — ATU-nun məhkəmə təbabəti kafedrasının professoru, tibb elmləri doktoru, azərbaycanlı alim, Dünya Tibbi Hüquq Assosiasiyasının birinci vitse-prezidenti.

Həyatı

1976-1986-cı illərdə Bakı şəhəri 42 nömrəli tam orta məktəbi qızıl medalla oxuyaraq bitirib.

1986-1992-ci illərdə ATU-nun Tibb fakültəsini (keçmiş müalicə-profilaktika) oxuyaraq fərqlənmə diplomu ilə bitirdi. 1992-1994-cü illərdə Azərbaycan Tibb Universitetində Məhkəmə təbabəti və hüququn əsasları kafedrasında kliniki ordinatura təhsili aldı. 1994-1997-ci illərdə Azərbaycan Tibb Universitetində Məhkəmə təbabəti və hüququn əsasları kafedrasında aspirantura təhsili almışdır

1997-2000-ci illərdə Dağıstan Dövlət Universitetinin Dövlət və Bələdiyyə İdarə Etmə fakültəsində təhsil alıb.

1999-2004-cü illərdə isə Bakı Dövlət Universitetində Hüquq fakültəsində təhsil alıb

1997-ci ildə tibb elmləri namizədi, 2004-cü ildə tibb elmləri doktoru elmi dərəcəsini alıb.

2006-cı ildə Məhkəmə təbabəti kafedrası üzrə dosent elmi adı,2010-cu ildə Məhkəmə təbabəti kafedrası üzrə professor elmi adı elmi adını almışdır.

Siyasi fəaliyyəti

2020-ci ilədək Yeni Azərbaycan Partiyasının üzvü olmuşdur.

9 fevral 2020-ci ildə növbədənkənar parlament seçkilərində 22 saylı Nəsimi II seçki dairəsindən deputatlığa müstəqil (bitərəf) namizəd olmuş, lakin seçilməmişdir. O özünün qalib olduğunu və səslərin saxtalaşdırıldığını iddia edir.

“Seçkilərlə bağlı proseslərdə YAP-ın bəzi rəsmi şəsxlərinin ona və seçicilərinə qarşı qanunazidd, hörmətsiz, yolverilməz hərəkətlərinə (hərəkətsizliklərinə)” etiraz olaraq partiya biletini təhvil verərək YAP-ı tərk etmişdir.

2020-ci ilin avqust ayının 24-dən 2020-ci ilin sentyabr ayının 9-a dək Ədalət Partiyasının sədrinin xarici əlaqələr üzrə müavini olmuşdur.

2020-ci ilin 9 sentyabr tarixində "ölkədə baş verən hadisələr, qarışıqlıq abu-havası, daxili və xarici qüvvələr tərəfindən ölkəyə, dövlətə yaradılan təhdid və təhlükələr, təzyiqlər, bir sıra digər obyektiv və subyektiv məsələlər" səbəbi ilə vəzifəsinin icrasına və Ədalət Partiyasında siyasi fəaliyyətinə xitam verdi.

Ailəsi

• Sabiq millətvəkili, Ali Sovetin sabiq sədri Yaqub Məmmədovun qardaşı oğludur.

Məqalələr

• Forensic Medicine (ingilis dilində) (“Məhkəmə təbabəti”) Dərsliyi - Bakı, Elm və Təhsil nəşriyyatı, 2012 – 536 s.
• Məhkəmə təbabəti» Dərsliyi - Bakı, Elm və Təhsil nəşriyyatı, 2012 – 521 s.
• YUNESKO-nun Bioetika Baza Tədris Proqramı Azərbaycan dilində - Bakı, AMEA Insan Hüquqları Institutu. 2011. - 68 s.
• Судебно-медицинская диагностика отравлений этанолом и его суррогатами по морфологическим данным. Монография. Руководство для врачей. - Медицинское Информационное Агентство, Москва – 2004. 438 s. – Həmmüəlliflər Y.İ.Piqolkin, Y.Y.Morozov
• Острая и хроническая алкогольная интоксикация. Монография. Руководство для врачей. - Медицинское Информационное Агентство, Москва – 2003. 279 s. – Həmmüəlliflər Y.İ.Piqolkin, Y.Y.Morozov

Üzv olduğu qurumlar

• Avropa Səhiyyə Hüququ Assosiasiyasının (EAHL) İdarə Heyətinin üzvü (2011-2017), Vitse-prezidenti (2017)
• İpək Yolu Ölkələrinin Məhkəmə Ekspertizaları Konsortsiumunun (SRFC) təsisçi üzvü və Vitse-prezidenti(2017)
• Dünya Tibbi Hüquq Assosiasiyasının (WAML) Vitse-prezidenti(2016), İdarə Heyətinin üzvü (2011-2016), Xəzinədarı, İcra Komitəsinin üzvü
• AMEA Rəyasət Heyətinin və YUNESKO-nun Bioetika, Elm və Texnologiyaların Etikası Milli Komitəsinin üzvü (2011-2016), sədr müavini(2016)
• Dünya Müəllimlər Forumunun (WTF) İdarə Heyətinin üzvü (2014)
• AR “Tibbi Hüquq və Bioetika” İctimai Birliyinin sədri (2011)
• AR Prezidenti yanında Ali Attestasiya Komissiyasının Hüquq elmləri üzrə Ekspert Şurasının üzvü (2011)
• UNESCO-nun eksperti, UNESCO-nun Bioetika Kafedraları Beynəlxalq Şəbəkəsinin Azərbaycan bürosunun rəhbəri (2010)
• Amerika Məhkəmə Təbabəti Assosiasiyasının (ACLM) Fəxri üzvü (2011-2017)
• AR SN-nin Xəstəxana ölümü analizi üzrə Ekspert komissiyasının üzvü (2009-2011)
• Asılıqlarla Mübarizə üzrə Amerika Cəmiyyətinin (ASAM) üzvü (1999-2017)
• Səhiyyə və Təhsil Beynəlxalq Birliyin (IUHPE) üzvü (1999-2017)
• Asılıqlarla Mübarizə üzrə Beynəlxalq Şuranın (ICAA) üzvü (1999-2017)
• BMT-nin Narkotiklərə Nəzarət Proqramının (UNDCP) üzvü (1998-2017)
• Azərbaycanın məhkəmə-tibbi ekspertlər və patoloqoanatomların elmi cəmiyyətinin elmi katibi (1994-1997)
• Şanxay Hüquq və Siyasi Elmlər Şərq Çin Universitetinin Bioetika və Tibbi Hüquq üzrə dəvətli professoru (2017)
• İ.M.Seçenov adına Birinci Moskva Dövlət Tibb Universitetinin Bioetika və Tibbi Hüquq üzrə dəvətli professoru (2017)
• “KazGİU”Qazaxstan Dövlət Hüquq və Humanitar Elmlər Universitetinin Bioetika və Tibbi Hüquq üzrə dəvətli professoru (2017)
• Türkiyənin Koç Universitetinin Bioetika və Tibbi Hüquq üzrə dəvətli professoru (2016)
• Sian Jiaotong Universitetinin Məhkəmə Təbabəti Fakültəsinin Məhkəmə Təbabəti üzrə dəvətli professoru (2016)
• Harvard Universitetinin Tibb fakültəsinin Bioetika üzrə dəvətli professoru (2014)
• Baltik Federal Universitetinin Məhkəmə Təbabəti üzrə dəvətli professoru (2013)
• Danilo Halytsky Lvov Milli Tibb Universitetinin Bioetika və Tibbi Hüquq üzrə dəvətli professoru (2011)
• Ukraynanın “Медичне Право” (“Tibbi Hüquq”) Elmi Jurnalının Redaksiya Heyətinin üzvü (2016)