Elçin Əliyev (iqtisadçı): Redaktələr arasındakı fərq
k Kateqoriya:Bakıda doğulanlar silindi; Kateqoriya:Ağdam rayonunda doğulanlar əlavə olundu HotCat |
k Doğum_yaşı |
||
| Sətir 6: | Sətir 6: | ||
|Şəkil miqyası = 250px |
|Şəkil miqyası = 250px |
||
|Şəkil məlumat = |
|Şəkil məlumat = |
||
|Doğum tarixi = |
|Doğum tarixi = 1.2.1963 |
||
|Doğum yeri = [[Ağdam rayonu]], [[Azərbaycan SSR]], [[SSRİ]] |
|Doğum yeri = [[Ağdam rayonu]], [[Azərbaycan SSR]], [[SSRİ]] |
||
|Vəfatı = |
|Vəfatı = |
||
20:13, 10 sentyabr 2020 tarixindəki versiya
| Elçin Əliyev | |
|---|---|
| Doğum tarixi | 1 fevral 1963 (61 yaş) |
| Doğum yeri | |
| Elmi dərəcəsi | |
| Elmi adı | |
Elçin Əliyev (Əliyev Elçin Həmzə oğlu; d. 1963. Ağdam rayonu, Azərbaycan SSR, SSRİ) — İqtisad elmləri doktoru, professor. Sankt‑Peterburq Dövlət Universitetinin və Baltik Turizm və Sahibkarlıq Akademiyasının professoru.
Həyatı
Əliyev Elçin Həmzə oğlu 1963-cü il fevralın 1-də Azərbaycan Respublikasının Ağdam rayonunda anadan olub. 1986-cı ildə A.A.Jdanov adına Leninqrad Dövlət Universitetinin iqtisadiyyat fakültəsini “siyasi iqtisad” ixtisası üzrə bitirib, iqtisadçı, iqtisadi fənlər müəllimi ixtisasına yiyələnib. 1986-1989-cu illərdə E.Əliyev Azərbaycan Xalq Təsərrüfatı İnstitutunun (indiki Azərbaycan Dövlət İqtisad Universiteti) iqtisadiyyat tarixi kafedrasının müəllimi işləyib. 1989-1991-ci illərdə A.A.Jdanov adına Leninqrad Dövlət Universitetinin iqtisadiyyat fakültəsinin aspiranturasında oxuyub və təhsilini başa vurduqdan sonra “XX əsrin ilk 30 ilində Avropa sosial-demokratlarının və sovet iqtisadçılarının əsərlərində imperializmin əsas xarakteristikası” mövzusunda dissertasiya müdafiə edib. Sonra Azərbaycan İqtisadiyyat İnstitutunun (indiki Azərbaycan Dövlət İqtisad Universiteti) siyasi iqtisad kafedrasında işləyib.[1]
1994-1998-ci illərdə E.Əliyev Azərbaycan Sahibkarlıq və Hüquq İnstitutunun iqtisadiyyat kafedrasının baş müəllimi olub. 1998-ci ildə onu Sankt-Peterburq Dövlət Universitetinə iqtisadiyyat tarixi və iqtisadi təfəkkür kafedrasında dosent vəzifəsinə dəvət ediblər.
1999-cu ildə E.Əliyev “Ümumrusiya bazarı strukturunda “Milli ucqar bazarların” yaranma əsasları (Azərbaycanın nümunəsində: 1810-1917-ci illər)” mövzusunda doktorluq dissertasiyasını müdafiə edib. Bu iş Azərbaycanın Rusiya imperiyasının tərkibinə daxil edildiyi vaxtdan 1917-ci ilin oktyabr ayınadək bazar iqtisadiyyatının formalaşma tarixini əks etdirən ilk cəhdlərdən biridir.
E.Əliyev 2005-ci ildə Sankt-Peterburq Xarici İqtisadi Əlaqələr, İqtisadiyyat və Hüquq İnstitutunun hüquq fakültəsini qiyabi bitirib. 2004-cü ildə ona professor elmi adı verilib. Universitetin Elmi və İxtisaslaşdırılmış Doktorluq Şurasının üzvüdür. Onun rəhbərliyi altında 3 elmlər doktoru və 8 elmlər namizədi hazırlanıb.
İstinadlar
- ↑ Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2017-10-21.